ತೆಲುಗಿನಲ್ಲಿ ಭಾರಿ ಸೆನ್ಸೇಷನ್ ಸೃಷ್ಟಿಸಿದ್ದ 'ಅರ್ಜುನ್ ರೆಡ್ಡಿ' ಸಿನಿಮಾ ಹಿಂದಿ ಹಾಗೂ ತಮಿಳಿಗೆ ರೀಮೇಕ್ ಆಗುತ್ತಿರುವುದು ಹಳೆಯ ವಿಚಾರ. ಕನ್ನಡದಲ್ಲಿ ಕೂಡಾ ಈ ಸಿನಿಮಾ ರೀಮೇಕ್ ಆಗುತ್ತಿದೆ ಎಂಬ ಮಾತು ಕೇಳಿಬಂದಿತ್ತಾದರೂ ಆ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದು ಬಂದಿಲ್ಲ.
ಅದರಲ್ಲಿ ಅಂಥದೇನೈತಿ... ಕಿಸ್ಸಿಂಗ್ ಸೀನ್‌ನಲ್ಲಿ ನಟಿಸೋದು ಬಹಳ ಸುಲಭ- ಬೋಲ್ಡ್‌ ಬ್ಯೂಟಿ ಕೈರಾ ಅಡ್ವಾಣಿ!
ಶಾಹಿದ್ ಕಪೂರ್ ಹಾಗೂ ಕೈರಾ ಅಡ್ವಾಣಿ ನಟಿಸಿರುವ 'ಕಬೀರ್ ಸಿಂಗ್ ' ಸಿನಿಮಾ ಜೂನ್ 21 ರಂದು ತೆರೆ ಕಾಣುತ್ತಿದೆ. ಇನ್ನು ಚಿತ್ರದ ಲಿಪ್ಲಾಕ್ ಸೀನ್ಗಳ ಬಗ್ಗೆ ಪ್ರತಿಕ್ರಿಯಿಸಿರುವ ಕೈರಾ, ಕಿಸ್ಸಿಂಗ್ ಸೀನ್ ಮಾಡುವುದು ಬಹಳ ಸುಲಭ ಎಂದಿದ್ದಾರೆ.
'ಕಬೀರ್ ಸಿಂಗ್ '
ತಮಿಳಿನಲ್ಲಿ ಈ ಸಿನಿಮಾ 'ಆದಿತ್ಯ ವರ್ಮಾ ' ಹೆಸರಿನಲ್ಲಿ ರೀಮೇಕ್ ಆಗುತ್ತಿದ್ದು ವಿಕ್ರಮ್ ಪುತ್ರ ಧ್ರುವ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇನ್ನು ಹಿಂದಿಯಲ್ಲಿ ಸಿನಿಮಾ 'ಕಬೀರ್ ಸಿಂಗ್ ' ಹೆಸರಿನಲ್ಲಿ ರೀಮೇಕ್ ಆಗುತ್ತಿದ್ದು ಜೂನ್ 21ರಂದು ಸಿನಿಮಾ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾದಲ್ಲಿ ಲಿಪ್ಲಾಕ್ ಸೀನ್ಗಳು ಹೆಚ್ಚಾಗಿದೆ. ಟ್ರೇಲರ್‌ನಲ್ಲಿ ಕೂಡಾ ಇಂತಹ ದೃಶ್ಯ ನೋಡಬಹುದು. ಪತ್ರಕರ್ತರೊಬ್ಬರು ಸುದ್ದಿಗೋಷ್ಠಿ ವೇಳೆ ಈ ಸಿನಿಮಾದಲ್ಲಿ ಎಷ್ಟು ಕಿಸ್ಸಿಂಗ್ ದೃಶ್ಯ ಇವೆ ಎಂದು ಕೈರಾ ಅಡ್ವಾಣಿಯನ್ನು ಕೇಳಿದ್ದರು. ಈ ಪ್ರಶ್ನೆಗೆ ಶಾಹಿದ್ ಕಪೂರ್ ಸಿಡಿಮಿಡಿಕೊಂಡಿದ್ದರು.
ಇತ್ತೀಚೆಗೆ ಕೈರಾ ಈ ಲಿಪ್ಲಾಕ್ ದೃಶ್ಯದ ಬಗ್ಗೆ ಮಾತನಾಡಿದ್ದಾರೆ. 'ಈ ಚಿತ್ರದಲ್ಲಿ ಲಿಪ್ಲಾಕ್ ದೃಶ್ಯ ಸಾಕಷ್ಟಿವೆ. ನಾನು ಶಾಹಿದ್ ಇಬ್ಬರೂ ಯಾವುದೇ ಮುಜುಗರ ಇಲ್ಲದೆ, ಬಹಳ ಸಿಂಪಲ್ ಆಗಿ ಈ ಶಾಟ್ಗಳನ್ನು ಮಾಡಿದ್ದೇವೆ. ಕಿಸ್ಸಿಂಗ್ ಸೀನ್ ಸಿನಿಮಾದ ಒಂದು ಭಾಗವಷ್ಟೇ. ಆದ ಕಾರಣ ಕಷ್ಟಪಟ್ಟು ಮಾಡುವ ಅವಶ್ಯಕತೆ ಇರುವುದಿಲ್ಲ. ಆ ಸಂದರ್ಭವನ್ನು ಹೊರತುಪಡಿಸಿ ನಂತರ ಆ ಸೀನ್ ಬಗ್ಗೆ ನಾವು ಯೋಚನೆಯೇ ಮಾಡುವುದಿಲ್ಲ. ಲಿಪ್ಲಾಕ್ ಸೀನ್ ಮಾಡುವುದು ಬಹಳ ಸುಲಭ ' ಎಂದು ಕೈರಾ ಹೇಳಿದ್ದಾರೆ. ಸಂದೀಪ್ ರೆಡ್ಡಿ ವಂಗ ನಿರ್ದೇಶನದ ಸಿನಿಮಾ ಜೂನ್ 21ರಂದು ತೆರೆ ಕಾಣುತ್ತಿದೆ.
Last Updated : Jun 10, 2019, 4:06 PM IST