ಪ್ರೇಕ್ಷಕರ ಮೊಗದಲ್ಲಿ ನಗುವಿನ ಅಲೆ ಮೂಡಿಸುವ ಖ್ಯಾತ ಹಾಸ್ಯನಟ ಜಾನಿ ಲಿವರ್ಗೆ ಇಂದು ಜನ್ಮ ದಿನ. 1954, ಆಗಸ್ಟ್ 14 ರಂದು ಆಂಧ್ರ ಪ್ರದೇಶದ ನಂದ್ಯಾಳದಲ್ಲಿ ಜನಿಸಿದ ಇವರು, ಇದೀಗ 64ನೇ ವಸಂತಕ್ಕೆ ಅಡಿ ಇಡುತ್ತಿದ್ದಾರೆ.
ದೇಶದಲ್ಲಿ ಸ್ಟಾಂಡ್ ಅಪ್ ಕಾಮಿಡಿಯ ಸಂಸ್ಕೃತಿ ಆರಂಭಿಸಿದವರಲ್ಲಿ ಇವರು ಕೂಡ ಒಬ್ಬರು ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಬಾಲಿವುಡ್ ಚಿತ್ರ ರಂಗದಲ್ಲಿ ತಮ್ಮದೇ ನಗುವಿನ ಅಲೆ ಹೊಮ್ಮಿಸಿರುವ ಜಾನಿ ಲಿವರ್, ಕನ್ನಡ, ತೆಲುಗು ಸೇರಿದಂತೆ ಹಲವು ಭಾಷೆಗಳಲ್ಲಿ ನಟಿಸಿದ್ದಾರೆ.
ಬಡತನದಿಂದಾಗಿ 7ನೇ ಕ್ಲಾಸ್ಗೆ ಶಾಲೆ ಬಿಟ್ಟು ಬೀದಿಗಳಲ್ಲಿ ಪೆನ್ನು ಮಾರುತ್ತಾ ಮಿಮಿಕ್ರಿ ಮಾಡಿ ಜನರನ್ನು ನಗಿಸುತ್ತಿದ್ದರು. ಬಳಿಕ ಕ್ರಮೇಣ ಸ್ಟ್ಯಾಂಡ್ ಅಪ್ ಕಾಮಿಡಿ ಕಾರ್ಯಕ್ರಮಗಳನ್ನು ಮಾಡುತ್ತಾ ಪ್ರಸಿದ್ಧರಾದರು. ಬಳಿಕ ಸಿನಿಮಾ ರಂಗಕ್ಕೆ ಪ್ರವೇಶಿಸಿ, ಅದ್ಭುತವಾಗಿ ನಟಿಸಿದರು. ಪರಿಣಾಮವಾಗಿ 13 ಫಿಲ್ಮ್ ಫೇರ್ ಪ್ರಶಸ್ತಿಗಳು ಇವರನ್ನ ಹುಡುಕಿ ಬಂದಿವೆ.
2019 ರಲ್ಲಿ ತೆರೆಕಂಡ ಕನ್ನಡ ಚಿತ್ರ 'ಗರ' ದಲ್ಲಿ ಸಾಧುಕೋಕಿಲಾ ಜೊತೆ ಜಾನಿ ಲಿವರ್ ನಟಿಸುವ ಮೂಲಕ ಸ್ಯಾಂಡಲ್ವುಡ್ಗೂ ಪಾದಾರ್ಪಣೆ ಮಾಡಿದ್ದರು.