ಜಾಕಿ ಶ್ರಾಫ್ ಬಾಲಿವುಡ್‌ನ ಅದ್ಭುತ ನಟ ಅನ್ನೋದು ಎಲ್ಲರಿಗೂ ಗೊತ್ತು. ಅವರ ಕಂಚಿನ ಕಂಠ ದೊಡ್ಡ ಅಭಿಮಾನಿ ಬಳಗವನ್ನೇ ಗಳಿಸಿದೆ. ಇತ್ತೀಚೆಗೆ ಅವರು ಹೆಚ್ಚಾಗಿ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ, ಇದೀಗ ವಿಭಿನ್ನ ಪಾತ್ರ ತೊಡಲು ಅವರು ಸಜ್ಜಾಗಿದ್ದಾರೆ. ಅಷ್ಟಕೂ ಆ ರೋಲ್ ಯಾವುದು? ಯಾವ ಚಿತ್ರಕ್ಕಾಗಿ ಈ ಅಭಿನಯ ?
'ಸಲ್ಮಾನ್ ಖಾನ್ ಮೇರಾ ಬಚ್ಚಾ'...!
ಈಗಾಗಲೇ ಸಾಕಷ್ಟು ಚಿತ್ರಗಳಲ್ಲಿ ಉಭಯ ತಾರೆಯರು ತೆರೆ ಹಂಚಿಕೊಂಡಿದ್ದಾರೆ. ಇದೀಗ ಮತ್ತೊಮ್ಮೆ ಭರತ್ ಮೂಲಕ ಒಂದಾಗುತ್ತಿದ್ದಾರೆ. ಈ ಚಿತ್ರ ಜೂನ್ 5 ರಂದು ಬಿಡುಗಡೆಯಾಗಲಿದೆ.
ಭರತ್ ಚಿತ್ರದಲ್ಲಿ ಜಾಕಿ ಶ್ರಾಫ್
ಬಾಲಿವುಡ್ ಸುಲ್ತಾನ್ ಸಲ್ಮಾನ್ ಖಾನ್ ನಟನೆಯ ಬಹುನಿರೀಕ್ಷಿತ 'ಭರತ್' ಚಿತ್ರದ ಶೂಟಿಂಗ್ ವೇಗವಾಗಿ ನಡೆಯುತ್ತಿದೆ. ಈ ಚಿತ್ರದಲ್ಲಿ ಜಾಕಿ ಮಹತ್ತರ ಪಾತ್ರವೊಂದಕ್ಕೆ ಜೀವ ತುಂಬಲಿದ್ದಾರೆ. ಈ ಚಿತ್ರದಲ್ಲಿ ಅವರು ಬ್ಯಾಡ್ ಬಾಯ್ ಸಲ್ಲು ಅವರ ತಂದೆ ಪಾತ್ರ ನಿಭಾಯಿಸಲಿದ್ದಾರೆ. ಈ ಬಗ್ಗೆ ಟ್ವೀಟ್ ಸಂತಸದ ಸಂಗತಿ ಹಂಚಿಕೊಂಡಿದ್ದಾರೆ.
ನನಗೆ ಸಲ್ಮಾನ್ ಖಾನ್ ಚಿತ್ರದಲ್ಲಿ ನಟಿಸುತ್ತಿರುವುದು ಖುಷಿ ತಂದಿದೆ. ಸಲ್ಮಾನ್ ಹಾಗೂ ನಾನು ಏಕಕಾಲದಲ್ಲೇ ವೃತ್ತಿ ಜೀವನ ಪ್ರಾರಂಭಿಸಿದ್ದೇವೆ. ನನ್ನ ಮತ್ತು ಅವನ ನಡುವಿನ ವಯಸ್ಸಿನ ಅಂತರ ಕೇವಲ 10 ವರ್ಷ. ಆದರೂ ಈ ಚಿತ್ರದಲ್ಲಿ ನಾಯಕ ಸಲ್ಮಾನ್ ಖಾನ್ ಅವರ ತಂದೆಯಾಗಿದ್ದೇನೆ. ನನ್ನ ಮಗನಂತೆ ಅವರು ಕಾಣಿಸಿಕೊಂಡಿದ್ದಾರೆ. ಅಲಿ ಅಬ್ಬಾಸ್ ನನಗೆ ಒಳ್ಳೆಯ ಅವಕಾಶ ಮಾಡಿಕೊಟ್ಟಿದ್ದಾರೆ ಎಂದು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.