ಹೌದು, ಪುರಿ ಜಗನ್ನಾಥ ಮತ್ತೆ ಹಿಟ್ ಟ್ರ್ಯಾಕ್ಗೆ ಮರಳಿದ್ದಾರೆ. ಪಕ್ಕಾ ತೆಲಂಗಾಣದ ಭಾಷೆಯಲ್ಲಿ ಡೈಲಾಗ್ ಇರುವ ಚಿತ್ರ ಇಸ್ಮಾರ್ಟ್ ಶಂಕರ್. ಪ್ರಪಂಚದಾದ್ಯಂತ ಈ ಚಿತ್ರ ಎರಡೇ ದಿನದಲ್ಲಿ 25ಕ್ಕೂ ಹೆಚ್ಚು ಕೋಟಿ ಬಾಚಿಕೊಂಡಿದೆ. ಅಷ್ಟೇ ಅಲ್ಲ ಈ ಚಿತ್ರಕ್ಕೆ ಪ್ರೇಕ್ಷಕರು ಫುಲ್ ಫಿದಾ ಆಗಿದ್ದಾರೆ.
2 ದಿನಕ್ಕೆ ‘ಇಸ್ಮಾರ್ಟ್ ಶಂಕರ್’ @25 ಕೋಟಿ... ಬಾಡಿಗೆ ಚೇರ್ ಒಯ್ದು ಚಿತ್ರ ವೀಕ್ಷಿಸಿದ ಪ್ರೇಕ್ಷಕರು! - ಪ್ರೇಕ್ಷಕರು
ಕನ್ನಡದಲ್ಲಿ ಯುವರಾಜ, ಅಪ್ಪು, ರೋಗ್ ಚಿತ್ರ ನಿರ್ದೇಶಿಸಿರುವ ಪುರಿ ಜಗನ್ನಾಥ ತೆಲಗು ಚಿತ್ರರಂಗದ ಪ್ರಸಿದ್ಧ ನಿರ್ದೇಶಕ. ಹಲವಾರು ಹಿಟ್ ಚಿತ್ರಗಳನ್ನು ಕೊಟ್ಟಿರುವ ಇವರು ಮತ್ತೆ ಹಿಟ್ ಟ್ರ್ಯಾಕ್ಗೆ ಮರಳಿದ್ದಾರೆ.
ಬಾಡಿಗೆ ಚೇರ್ ಒಯ್ದು ಚಿತ್ರ ವೀಕ್ಷಿಸಿದ ಪ್ರೇಕ್ಷಕರು
ಇಸ್ಮಾರ್ಟ್ ಶಂಕರ್ ಚಿತ್ರ ಪ್ರದರ್ಶನ ಕಾಣುತ್ತಿದ್ದ ಥಿಯೇಟರ್ವೊಂದು ಕಿಕ್ಕಿರಿದು ತುಂಬಿದೆ. ಆದ್ರೂ ಪ್ರೇಕ್ಷಕರು ಬಾಡಿಗೆಯಿಂದ ಕುರ್ಚಿಗಳನ್ನು ಒಯ್ದು ಚಿತ್ರವನ್ನು ವೀಕ್ಷಿಸುತ್ತಿದ್ದಾರೆ. ಈ ವಿಡಿಯೋವನ್ನು ಚಿತ್ರದ ನಿರ್ಮಾಪಕರಾಗಿರುವ ನಟಿ ಚಾರ್ಮಿ ಟ್ವೀಟ್ ಮಾಡಿ ಇಸ್ಮಾರ್ಟ್ ಬ್ಲಾಕ್ಬಸ್ಟರ್ ಎಂದು ತಮ್ಮ ಸಂತಸ ಹಂಚಿಕೊಂಡಿದ್ದಾರೆ.
ಇನ್ನು ಈ ಚಿತ್ರದಲ್ಲಿ ರಾಮ್ ಪೋತನೇನಿ ಜೊತೆ ಕನ್ನಡಿಗರಾದ ನಿಧಿ ಅಗರ್ವಾಲ್, ನಭಾ ನತೇಶ ಪ್ರಮುಖ ಪಾತ್ರದಲ್ಲಿ ಕಾಣಿಸಿದ್ದಾರೆ. ತಲೆಯಲ್ಲಿ ಮತ್ತೊಬ್ಬರ ಮೆಮೊರಿ ಫಿಕ್ಸ್ ಮಾಡುವ ಈ ಚಿತ್ರಕ್ಕೆ ಪ್ರೇಕ್ಷಕ ಪ್ರಭು ಫುಲ್ ಫಿದಾ ಆಗಿದ್ದು ಮಾತ್ರ ನಿಜ.