ಬಡ ಗಾಯಕಿ ರನು ಮಂಡಲ್ ಅವರಿಗೆ ಬಾಲಿವುಡ್ ನಟ ಸಲ್ಮಾನ್ ಖಾನ್ ದುಬಾರಿ ಉಡುಗೊರೆಯೊಂದನ್ನು ನೀಡಿದ್ದಾರಂತೆ.
ಸೋಷಿಯಲ್ ಮೀಡಿಯಾ ಮೂಲಕ ಫೇಮಸ್ ಆಗಿರುವ ಗಾಯಕಿ ರಾನು ಮಂಡಲ್ ಈಗ ದೇಶದ ಸೆನ್ಷೆಷನಲ್ ಸ್ಟಾರ್. ಇವರ ಸುಮಧುರ ಕಂಠಕ್ಕೆ ಮಾರು ಹೋಗಿರುವ ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ತಮ್ಮ ಸಿನಿಮಾ ಅವಕಾಶ ನೀಡುವುದಾಗಿ ಭರವಸೆ ನೀಡಿದ್ದರು. ಇದೀಗ ಮತ್ತೊಂದು ಸುದ್ದಿ ಕೇಳಿ ಬಂದಿದ್ದು, ರಾನು ಅವರಿಗೆ ₹55 ಲಕ್ಷ ಮೌಲ್ಯದ ಮನೆ ನೀಡಿದ್ದಾರಂತೆ ಸಲ್ಲು ಭಾಯ್.
ಸಲ್ಲು ಉಡುಗೊರೆ ನೀಡಿದ್ದು ನಿಜಾನಾ?
ಇನ್ನು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿರುವ ಈ ಸುದ್ದಿ ಸುಳ್ಳು ಎಂದಿದ್ದಾರೆ ಸಲ್ಮಾನ್ಖಾನ್ ಆಪ್ತರು. ಆಂಗ್ಲ ಮಾಧ್ಯಮವೊಂದಕ್ಕೆ ಸ್ಪಷ್ಟನೆ ನೀಡಿರುವ ಅವರು, ರಾನು ಅವರಿಗೆ ಮನೆ ನೀಡಿರುವ ಸುದ್ದಿ ಆಧಾರ ರಹಿತ ಎಂದಿದ್ದಾರೆ.
₹ 7 ಲಕ್ಷ ಸಂಭಾವನೆ ನೀಡಿದ್ದ ಹಿಮೇಶ್ ರೇಶ್ಮಿಯಾ!
ಇನ್ನು ರಾನು ಮಂಡಲ್ಗೆ ಗಾಯನಕ್ಕೆ ಅವಕಾಶ ನೀಡಿದ್ದ ಹಿಮೇಶ್, ಸಂಭಾವನೆ ರೂಪದಲ್ಲಿ ₹7 ಲಕ್ಷ ನೀಡಿದ್ದಾರೆ. ರಾನು ಅವರ ಹೆಸರು ಸಿಕ್ಕಾಪಟ್ಟೆ ಫೇಮಸ್ ಆಗುತ್ತಿದೆ. ಹಲವು ಕಾರ್ಯಕ್ರಮಗಳಿಗೆ, ಸಿನಿಮಾಗಳಿಗೆ ಹಾಡುವ ಅವಕಾಶಗಳು ಇವರನ್ನು ಅರಸಿಕೊಂಡು ಬರುತ್ತಿವೆಯಂತೆ.
