ಮುಂಬೈ:ಕೊರೊನಾ ಹೋರಾಟದ ಸಮಯದಲ್ಲಿ ದಣಿವಿಲ್ಲದೆ ಕೆಲಸ ಮಾಡುತ್ತಿರುವ ದಾದಿಯರಿಗೆ ಧನ್ಯವಾದ ಹೇಳಲು ಅಂತಾರಾಷ್ಟ್ರೀಯ ದಾದಿಯರ ದಿನಾಚರಣೆಯಂದು ಬಾಲಿವುಡ್ನ ಹಲವಾರು ನಟರು ಸಾಮಾಜಿಕ ಮಾಧ್ಯಮಗಳಲ್ಲಿ ಶುಭಾಶಯ ತಿಳಿಸಿದ್ದಾರೆ.
ಕಾಜೋಲ್, ಸಂಜಯ್ ದತ್ ಮತ್ತು ಅಭಿಷೇಕ್ ಬಚ್ಚನ್ ದಾದಿಯರಿಗೆ ಧನ್ಯವಾದ ಅರ್ಪಿಸಿದ್ದಾರೆ. ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿರುವಂತಹ ದಾದಿಯರನ್ನು ಅವರು ಶ್ಲಾಘಿಸಿದ್ದಾರೆ. ಮಾಸ್ಕ್ ಧರಿಸಿ ವೀರರನ್ನು ಶ್ಲಾಘಿಸಿದ ಕಾಜೋಲ್, ಆ ಮಾಸ್ಕ್ ಹಿಂದಿರುವ ಒಬ್ಬ ನಾಯಕ, ಜಗತ್ತನ್ನು ಮೌನವಾಗಿ ಉಳಿಸುತ್ತಿದ್ದಾನೆ. ಅಂತಹ ಎಲ್ಲ ವೀರರಿಗೆ ಧನ್ಯವಾದಗಳು ಎಂದು ಟ್ವೀಟ್ ಮಾಡಿದ್ದಾರೆ.
ಜೂನಿಯರ್ ಬಚ್ಚನ್, ನಿರ್ದಿಷ್ಟ ಆರೋಗ್ಯ ಸ್ಥಿತಿಯಲ್ಲಿ ಕೆಲಸ ಮಾಡಿದ್ದಕ್ಕಾಗಿ ತಲಾ ಹತ್ತು ಕೈಗಳನ್ನು ಹೊಂದಿರುವ ದಾದಿಯನ್ನು ಒಳಗೊಂಡ ಚಿತ್ರವನ್ನು ಪೋಸ್ಟ್ ಮಾಡುವ ಮೂಲಕ ದಾದಿಯರಿಗೆ ಕೃತಜ್ಞತೆ ಅರ್ಪಿಸಿದ್ದಾರೆ.
ಅಗ್ನಿಪಥ್ ನಟ ಸಂಜಯ್ ದತ್ತ್ ಕೂಡ ವೀರರ ನಿಸ್ವಾರ್ಥ ಕಾರ್ಯವನ್ನು ಶ್ಲಾಘಿಸಿದರು. ನಮ್ಮ ದಾದಿಯರು ಮತ್ತು ಆರೋಗ್ಯ ವೃತ್ತಿಪರರು ಮಾಡುತ್ತಿರುವ ನಿಸ್ವಾರ್ಥ ಕೆಲಸದಿಂದಾಗಿ ಎಷ್ಟೋ ಜೀವಗಳನ್ನು ಉಳಿಸಲಾಗಿದೆ. ಇತರರ ಜೀವಗಳನ್ನು ಉಳಿಸಲು ತಮ್ಮ ಜೀವವನ್ನು ಅಪಾಯಕ್ಕೆ ಸಿಲುಕಿಸಿದ್ದಕ್ಕಾಗಿ ಅವರಿಗೆ ಎಷ್ಟು ಧನ್ಯವಾದ ಅರ್ಪಿಸಿದರೂ ಸಾಲದು ಎಂದು ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
ಕೊರೊನಾ ಸಂಕಷ್ಟದ ಸಮಯದಲ್ಲಿ ಕೆಲಸ ಮಾಡುವ ದಾದಿಯರ ಬಗ್ಗೆ ನೆಟಿಜನ್‌ಗಳು ಪ್ರೀತಿ ಮತ್ತು ಮೆಚ್ಚುಗೆಯನ್ನು ಸುರಿಸಿದ್ದರಿಂದ ಇಂಟರ್‌ ನ್ಯಾಷನಲ್ ನರ್ಸ್‌ಡೇ ಹ್ಯಾಶ್ ಟ್ಯಾಗ್ ಇಂದು ಬೆಳಿಗ್ಗೆಯಿಂದ ಟ್ವಿಟರ್ನಲ್ಲಿ ಟ್ರೆಂಡಿಂಗ್ ಆಗಿತ್ತು.
