ಹೌದು, ಕಿಯಾರಾ ಅಡ್ವಾಣಿ ತಮ್ಮ ಲವ್ ಮ್ಯಾಟರ್ ಬಗ್ಗೆ ಮಾಧ್ಯಮದ ಮುಂದೆ ಹಂಚಿಕೊಂಡಿದ್ದಾರೆ. ನಿನ್ನೆಯಷ್ಟೇ ಬಿಡುಗಡೆಗೊಂಡು ಭರ್ಜರಿ ಓಪನಿಂಗ್ ಪಡೆದ ಕಬೀರ್ ಸಿಂಗ್ ಸಿನಿಮಾ ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಗುತ್ತಿದೆ. ಕಿಯಾರಾ ಮತ್ತು ಶಾಹಿದ್ ಕಪೂರ್ ಆಕ್ಟಿಂಗ್ಗೆ ಜನರು ಫುಲ್ ಫಿದಾ ಆಗುತ್ತಿದ್ದಾರೆ. ಚಿತ್ರ ರಿಲೀಸ್ಗೂ ಮುನ್ನ ನಟಿ ಕಿಯಾರಾ ಜೀವಿತದ ಬಗ್ಗೆ ಆಂಗ್ಲ ಪತ್ರಿಕೆಯಲ್ಲಿ ಬರೆಯಲಾಗಿತ್ತು. ಅದರಲ್ಲಿ ಕಿಯಾರಾ ತಮ್ಮ ಪ್ರೀತಿ ಬಗ್ಗೆ ಹಂಚಿಕೊಂಡಿದ್ದಾರೆ.
ನಾನು ಜೀವನದಲ್ಲಿ ಒಂದೇ ಸಾರಿ ಲವ್ನಲ್ಲಿ ಬಿದ್ದಿದ್ದು. ಕೇವಲ ಆತನೊಂದಿಗೆ ಹೆಚ್ಚು ಬಂಧನಲ್ಲಿದ್ದೆ. ನಾವಿಬ್ಬರೂ ಜೊತೆಗೂಡಿ ಬೆಳೆದಿದ್ದೇವೆ. ಹೀಗಾಗಿ ನಮ್ಮ ಮಧ್ಯೆ ಸ್ನೇಹ ಪ್ರೇಮವಾಯ್ತು. ಈಗ ಆತ ನನ್ನ ಬೆಸ್ಟ್ ಫ್ರೆಂಡ್ ಅಷ್ಟೇ. ನನಗೆ ಸಂತೋಷವಿದ್ದರೂ, ದುಖವಾದ್ರೂ ಆತನೊಂದಿಗೆ ಹಂಚಿಕೊಳ್ಳುತ್ತೇನೆ ಎಂದು ಕಿಯಾರಾ ಹೇಳಿಕೊಂಡಿದ್ದಾರೆ.
ನಾನು 10ನೇ ತರಗತಿಯಲ್ಲೇ ಲವ್ನಲ್ಲಿ ಬಿದ್ದಿದೆ. ಒಂದು ದಿನ ಆತನೊಂದಿಗೆ ಫೋನ್ನಲ್ಲಿ ಮಾತನಾಡುತ್ತಿದ್ದಾಗ ಅಮ್ಮನ ಕೈಗೆ ಸಿಕ್ಕಿಬಿದ್ದಿದೆ. ಅಮ್ಮ ಆತನೊಂದಿಗೆ ಮಾತನಾಡದಂತೆ ವಾರ್ನಿಂಗ್ ಕೊಟ್ಟಿದ್ದರು. ಏನಾದ್ರೂ ಪರೀಕ್ಷೆಯಲ್ಲಿ ಕಡಿಮೆ ಮಾರ್ಕ್ಸ್ ತೆಗೆದುಕೊಂಡ್ರೆ ಪರಿಸ್ಥಿತಿ ನೆಟ್ಟಗಿರಲ್ಲ ಅಂತಾನೂ ಎಚ್ಚರಿಸಿದ್ದರು. ನನ್ನ ತಾಯಿಗಾಗಿ ಆತನನ್ನು ದೂರ ಮಾಡಿದೆ ಎಂದು ಕಿಯಾರಾ ತಮ್ಮ ಲವ್ ಬ್ರೇಕ್ ಅಪ್ ಬಗ್ಗೆ ಹೇಳಿದ್ದಾರೆ.
ಕಬೀರ್ ಸಿಂಗ್ ಚಿತ್ರದ ಕಥೆಯಂತೆ ‘ನೀವು ಪರಿಸ್ಥಿತಿಯಿಂದಲೇ ನಿಮ್ಮ ಪ್ರೀತಿಯನ್ನು ದೂರ ಮಾಡಿಕೊಂಡಿದ್ದೀರಾ?’ ಎಂದು ಪ್ರಶ್ನಿಸಿದಾಗ... ‘ಮನಸೆಲ್ಲಾ ಆ ಸ್ಟೇಜ್ನಿಂದಲೇ ಬಂದಿದ್ದು... ಪ್ರೀತಿ ದೂರವಾದಾಗ್ಲೂ ನಾನು ಬೆಡ್ನಿಂದ ಎದ್ದು ಬರುತ್ತಿರಲಿಲ್ಲ. ಮನೆಯಲ್ಲೇ ಕಾಲ ಕಳೆಯುತ್ತಿದ್ದೆ. ಆತನಿಗಾಗಿ ಅದೆಷ್ಟೋ ಬಾರಿ ಕಣ್ಣೀರು ಹಾಕಿದ್ದೆ. ಇದರಿಂದ ನನ್ನ ಸ್ನೇಹಿತರು ಆ ಗುಂಗಿನಿಂದ ಹೊರಬರುವಂತೆ ಎಷ್ಟೋ ಬಾರಿ ಹೇಳಿದರು. ಆ ವ್ಯಕ್ತಿಯನ್ನು ಬಿಟ್ಟು ಮುಂದಕ್ಕೆ ಬರಲು ನನಗೆ ಕಷ್ಟದ ಕೆಲಸವಾಯಿತು. ಆದ್ರೂ ಆತನಿಂದ ದೂರ ಬಂದಿದ್ದು, ಈಗ ನಾನು ಸಿಂಗಲ್ ಆಗಿಯೇ ಇದ್ದೇನಿ ಅಂತಾ ನಟಿ ಕಿಯಾರಾ ತಮ್ಮ ಮನದಾಳದ ಮಾತನ್ನು ಹಂಚಿಕೊಂಡಿದ್ದಾರೆ.
ನಟಿ ಕಿಯಾರಾ ಅಡ್ವಾಣಿ ಹಿಂದಿ, ತೆಲುಗು ಸೇರಿದಂತೆ ಅನೇಕ ಚಿತ್ರಗಳಲ್ಲಿ ನಟಿಸಿ ಪ್ರೇಕ್ಷಕರ ಮನಸ್ಸು ದೋಚಿದ್ದಾರೆ. ನಿನ್ನೆ ಬಿಡುಗಡೆಗೊಂಡ ಕಬೀರ್ ಸಿಂಗ್ ಚಿತ್ರ ಎಲ್ಲೆಡೆ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಈ ಚಿತ್ರ ತೆಲುಗಿನ ಅರ್ಜುನ್ ರೆಡ್ಡಿ ರಿಮೆಕ್ ಆಗಿದೆ.
