ಬಾಲಿವುಡ್​ 'ಬಾಘಿ' ಟೈಗರ್​ ಶ್ರಾಫ್​ ಹುಟ್ಟುಹಬ್ಬದ ಸಂಭ್ರಮ

ಇಂದು ಟೈಗರ್​ ಶ್ರಾಫ್​ 31 ನೇ ಹುಟ್ಟುಹಬ್ಬದ ಸಂಭ್ರಮ. ಈ ವೇಳೆ, ಅವರ ತಾಯಿ ಟೈಗರ್ ಬಾಲ್ಯದ ಚಿತ್ರಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಇಂದು ಬಾಲಿವುಡ್​ ನಟ, ನೃತ್ಯಪಟು, ಮಾರ್ಷಲ್​ ಆರ್ಟ್ಸ್​ ಪರಿಣತಿ ಹೊಂದಿದ ಟೈಗರ್ ಶ್ರಾಫ್​ಗೆ 31 ನೇ ಹುಟ್ಟುಹಬ್ಬದ ಸಂಭ್ರಮ. ತಂದೆ ಜಾಕಿ ಶ್ರಾಫ್​, ತಾಯಿ ಆಯೆಷಾ ಶ್ರಾಫ್ ಮತ್ತು ಸಹೋದರಿ ಕೃಷ್ಣ ಶ್ರಾಫ್ ಜೊತೆ ಕಳೆದಿದ್ದು, ಇನ್ನಷ್ಟು ವಿಶೇಷವಾಗಿ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.

ಶ್ರಾಫ್​ ಮೂಲ ಹೆಸರು ಜೈ ಹೇಮಂತ್​. ಹೀರೋಪಂತಿ ಸಿನಿಮಾ ಮೂಲಕ ಬಾಲಿವುಡ್​ಗೆ ಎಂಟ್ರಿಕೊಟ್ಟ ಟೈಗರ್​ ಹಿಟ್​ ಸಿನಿಮಾಗಳನ್ನು ನೀಡಿದ್ದಾರೆ. ಅಷ್ಟೇ ಅಲ್ಲದೆ, ಇವರ ನೃತ್ಯ ಮತ್ತು ಮಾರ್ಷಲ್​ ಆರ್ಟ್ಸ್​ಗೆ ಮನಸೋಲದವರಿಲ್ಲ.

ಸದ್ಯ ಶ್ರಾಫ್​ ತಮ್ಮ ಹುಟ್ಟುಹಬ್ಬದ ದಿನದಂದು ಬಾಲ್ಯದ ಅಪರೂಪದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇನ್ನು ತಾಯಿ ಆಯೆಷಾ ಸಹ ಟೈಗರ್ ಬಾಲ್ಯದ ಚಿತ್ರಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. "ಕರುಣಾಮಯಿ, ಸೌಮ್ಯ, ಅತ್ಯಂತ ಸಕಾರಾತ್ಮಕ, ಕಠಿಣ ಪರಿಶ್ರಮಿಗೆ ಹುಟ್ಟುಹಬ್ಬದ ಶುಭಾಶಯಗಳು - ದೇವರು ಯಾವಾಗಲೂ ನನ್ನ ಮಗನನ್ನು ಆಶೀರ್ವದಿಸಲಿ" ಎಂದು ಹಾರೈಸಿದ್ದಾರೆ.