ಕಳೆದ ವರ್ಷ ಭಾರತದಲ್ಲಿ ಟಿಕ್ಟಾಕ್, ಷೇರ್ ಇಟ್, ಪಬ್ ಜಿ ಸೇರಿ ಅನೇಕ ಆ್ಯಪ್ಗಳನ್ನು ನಿಷೇಧಿಸಲಾಯ್ತು. ಪಬ್ಜಿ ಗೇಮ್ ಬ್ಯಾನ್ ಮಾಡಿದ ನಂತರ ಈ ಗೇಮ್ಗೆ ಪರ್ಯಾಯವಾಗಿ FAU-G ಯನ್ನು ಘೋಷಿಸಲಾಗಿತ್ತು. 26 ಜನವರಿ 2021 ರಂದು ಬಾಲಿವುಡ್ ನಟ ಅಕ್ಷಯ್ ಕುಮಾರ್ FAU-G ಆ್ಯಪ್ ಬಿಡುಗಡೆ ಮಾಡಿದ್ದಾರೆ.
ಗಣರಾಜ್ಯೋತ್ಸವದಂದು FAU-G ಆ್ಯಪ್ ಬಿಡುಗಡೆ ಮಾಡಲಾಗುವುದು ಎಂದು ಕೆಲವು ದಿನಗಳ ಹಿಂದೆಯೇ ಅಕ್ಷಯ್ ಕುಮಾರ್ ತಮ್ಮ ಸೋಷಿಯಲ್ ಮೀಡಿಯಾ ಮೂಲಕ ತಿಳಿಸಿದ್ದರು. ಗೂಗಲ್ ಪ್ಲೇನಲ್ಲಿ ಈ ಆಟವನ್ನು ಡೌನ್ಲೋಡ್ ಮಾಡಿಕೊಳ್ಳಬಹುದು ಎಂದು ಮೊಬೈಲ್ ಆ್ಯಪ್ ಸಿದ್ಧಪಡಿಸಿದ ಕಂಪನಿ ಮಾಹಿತಿ ನೀಡಿದೆ. ಅಕ್ಷಯ್ ಕುಮಾರ್ ಈ ಗೇಮ್ಗೆ ಸಂಬಂಧಿಸಿದ ಅನಿಮೇಟೆಡ್ ವಿಡಿಯೋ ಕ್ಲಿಪ್ಪಿಂಗ್ ಒಂದನ್ನು ಹಂಚಿಕೊಂಡಿದ್ದಾರೆ. ಭಾರತದ ಗಡಿಯಲ್ಲಿ ಸೈನಿಕರು ಶತ್ರುಗಳನ್ನು ಹೇಗೆ ಸಂಭಾಳಿಸುತ್ತಾರೆ ಎಂಬುದನ್ನು ಈ ವಿಡಿಯೋ ಕ್ಲಿಪ್ಪಿಂಗ್ನಲ್ಲಿ ತೋರಿಸಲಾಗಿದೆ.