ಅಭಿಮಾನಿಯ ಅಭಿಮಾನ: ನೆಚ್ಚಿನ ನಟನ ನೋಡಲು 900 ಕಿ.ಮೀ. ನಡಿಗೆ... ಹುಚ್ಚು ಹುಡುಗನಿಗೆ ಅಕ್ಕಿ ಹೇಳಿದ್ದೇನು?

ಅಭಿಮಾನಿಯೋರ್ವ ತನ್ನ ನೆಚ್ಚಿನ ನಟ ಅಕ್ಷಯ್​ ಕುಮಾರ್​ ಅವರನ್ನು ನೋಡಲು 900 ಕಿ.ಮೀ. ನಡೆದುಕೊಂಡು ಬಂದಿದ್ದಾನೆ. ಅಭಿಮಾನಿಯ ಅಭಿಮಾನ ಕಂಡ ಅಕ್ಕಿ, ಇಂತಹ ಅಭಿಮಾನಿಗಳಿದ್ದರೆ ನನ್ನಂತಹ ನಟರನ್ನು ತಡೆಯಲು ಯಾರಿಂದಲೂ ಆಗದು ಎಂದು ಟ್ವೀಟ್​ ಮಾಡಿದ್ದಾರೆ.

ದಟ್ಟ ರಾತ್ರಿಯ ಮಧ್ಯಯೂ ನಡೆದುಕೊಂಡು ಬಂದ ಅಭಿಮಾನಿ ಪರ್ಬಾತ್​ಗೆ ನಟ ಅಕ್ಷಯ್​ ಕುಮಾರ್​, ಇಂತಹ ಕೆಲಸಕ್ಕೆ ಮತ್ತೆ ಯಾವುತ್ತೂ ಕೈ ಹಾಕದಿರು ಎಂದು ಇದೇ ವೇಳೆ ತಿಳುವಳಿಕೆಯ ಮಾತುಗಳನ್ನುಹೇಳಿದ್ದಾರಂತೆ. ಇದಕ್ಕೆ ಅಭಿಮಾನಿ ಪರ್ಬತ್​ ನನ್ನ ಜೀವಮಾನದ ಕನಸು ಈಡೇರಿತು. ಮತ್ತೆ ಇಂತಹ ಹರಸಾಹಸ ಮಾಡುವುದಿಲ್ಲ ಎಂದಿದ್ದಾನೆ. ಇನ್ನು ಟ್ವೀಟ್​​ರ್​ನಲ್ಲಿ ಕೃತಜ್ಞತೆ ಸಲ್ಲಿಸಿರುವ ಅಕ್ಕಿ, ನಿಮ್ಮ ಶ್ರಮವನ್ನು ನಿಮ್ಮ ಜೀವನ ಉತ್ತಮಗೊಳಿಸಲು ಉಪಯೋಗಿಸಿಕೊಳ್ಳಿ. ನನಗೆ ಅದೇ ಕೊಡುಗೆ ಎಂದು ಅಭಿಮಾನಿಗಳಿಗೆ ಧನ್ಯವಾದ ಸಲ್ಲಿಸಿದ್ದಾರೆ.

ಬಾಲಿವುಡ್​ ನಟ ಅಕ್ಷಯ್​​ ಕುಮಾರ್​ ಅವರನ್ನು ಭೇಟಿ ಮಾಡಲು ಅಭಿಮಾನಿಯೋರ್ವ 1 ಕಿ.ಮೀ. ಅಲ್ಲ, 2 ಕಿ.ಮೀ. ಅಲ್ಲ, ಬರೋಬ್ಬರಿ 900 ಕಿ.ಮೀ. ನಡೆದುಕೊಂಡೇ ಬಂದಿದ್ದಾನೆ. ಪರ್ಬಾತ್​ ಎಂಬ ಅಭಿಮಾನಿ ತನ್ನ ನೆಚ್ಚಿನ ನಟ ಅಕ್ಕಿಯನ್ನು ನೋಡಲು ದ್ವಾರಕಾದಿಂದ ಮುಂಬೈಗೆ ನಡೆದುಕೊಂಡೇ ಬಂದಿದ್ದಾನೆ. ಸತತ 18 ದಿನಗಳ ಕಾಲ ಪಾದಯಾತ್ರೆ ಮಾಡಿರುವ ಈ ಅಭಿಮಾನಿ ಕೊನೆಗೂ ತನ್ನ ಗುರಿಯನ್ನು ತಲುಪಿ ನಗೆ ಬೀರಿದ್ದಾನೆ.

ನೆಚ್ಚಿನ ನಟ ಅಕ್ಷಯ್​ ಕುಮಾರ್​ಗಾಗಿ ಸುಮಾರು 900 ಕಿ.ಮೀ. ದೂರ ಕ್ರಮಿಸಿ ಬಂದ ಪರ್ಬಾತ್, ಅಕ್ಕಿಯ ತೋಳುಗಳನ್ನು ಬಿಗಿದಪ್ಪಿ,​ ಮಿನುಗುವ ತಾರೆಯನ್ನು ನೋಡಿ ಖುಷಿಯಾಯಿತು ಎಂದು ಭಾವುಕತೆ ವ್ಯಕ್ತಪಡಿಸಿದ್ದಾನೆ. ಇನ್ನು ಅಭಿಮಾನಿಯ ಅಭಿಮಾನ ಕಂಡು ಬೆರಗಾದ ಅಕ್ಷಯ್​ ಕುಮಾರ್,​ ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಒಂದು ವಿಡಿಯೋ ಶೇರ್​ ಮಾಡಿದ್ದಾರೆ.

ಪರ್ಬಾತ್​, ತನ್ನನ್ನು ನೋಡಲು ಗುಜರಾತ್​​ನ ದ್ವಾರಕಾದಿಂದ (900 ಕಿ.ಮೀ) ಮುಂಬೈಗೆ ನಡೆದುಕೊಂಡೇ ಬಂದಿದ್ದಾನೆ. 18 ದಿನಗಳ ಬಳಿಕ ನನ್ನನ್ನು ಭೇಟಿಯಾಗಿದ್ದಾನೆ. ಯುವಕರು ಮನಸ್ಸು ಮಾಡಿದರೆ ಏನೆಲ್ಲಾ ಸಾಧ್ಯ ಅನ್ನೋದಕ್ಕೆ ಇದೇ ಸಾಕ್ಷಿ. ಇಂತಹ ಅಭಿಮಾನಿಗಳಿದ್ದರೆ ನನ್ನಂತಹ ನಟರನ್ನು ತಡೆಯಲು ಯಾರಿಂದಲೂ ಆಗದು ಎಂದು ಕ್ಯಾಪ್ಶನ್​ ಬರೆದುಕೊಂಡಿದ್ದಾರೆ.