ನಿವಾಸದ ಬಳಿ ಸಹಾಯ ಕೋರಿ ಬಂದ ಜನರನ್ನು ಸಂತೈಸಿದ ಸೋನು ಸೂದ್

ತೆರೆ ಮೇಲೆ ಅತಿ ಹೆಚ್ಚು ವಿಲನ್ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ನಟ ಸೋನು ಸೂದ್, ಇದೀಗ ರಿಯಲ್ ಲೈಫ್ ಹೀರೋ ಆಗಿದ್ದಾರೆ. ಕಷ್ಟವೆಂದು ಬಂದವರಿಗೆ ಸಹಾಯ ಹಸ್ತ ಚಾಚುವ ಸೂದ್​ ತೊಂದರೆಯಲ್ಲಿರುವವರ ಪಾಲಿಗೆ ಬೆಳಕಾಗುತ್ತಿದ್ದಾರೆ.

ಮುಂಬೈ: ಕೊರೊನಾ ಸಾಂಕ್ರಾಮಿಕ ರೋಗದಿಂದ ವಂಚಿತ ಕುಟುಂಬಗಳಿಗೆ ಸಹಾಯ ಮಾಡುವ ತಮ್ಮ ಮಾನವೀಯ ಕಾರ್ಯವನ್ನು ಬಾಲಿವುಡ್ ನಟ ಸೋನು ಸೂದ್ ಮುಂದುವರೆಸಿದ್ದಾರೆ.

ಭಾನುವಾರ ತಮ್ಮ ಮನೆಯ ಹೊರಗೆ ಸಹಾಯ ಕೋರಿ ಬಂದ ಜನರನ್ನು ಸೋನು ಭೇಟಿಯಾದರು. ಈ ವೇಳೆ ಜನರ ಸಮಸ್ಯೆಗಳನ್ನು ಆಲಿಸಿದರು.

ವಲಸಿಗರು ತಮ್ಮ ಮನೆಗಳನ್ನು ತಲುಪಲು ಸಹಾಯ ಮಾಡುವುದರಿಂದ ಹಿಡಿದು ರೋಗಿಗಳಿಗೆ ಔಷಧಿಗಳು ಮತ್ತು ಇತರ ಕೊರೊನಾ ಪರಿಹಾರ ಸಂಪನ್ಮೂಲಗಳನ್ನು ವ್ಯವಸ್ಥೆ ಮಾಡಿದ ಕೀರ್ತಿ ಸೋನು ಸೂದ್​ಗೆ ಸಲ್ಲುತ್ತದೆ.