‘ದಿಲ್​ಬರ್​’ ಹಾಡಿಗೆ ಹೆಜ್ಜೆ ಹಾಕಿ ‘ನೆಟ್ಟಿಗರ ದಿಲ್​ ಗೆದ್ದ’ ನೋರಾ ಫತೇಹಿ: ಯೂಟ್ಯೂಬ್‌ನಲ್ಲಿ ಹೊಸ ದಾಖಲೆ

ಅದ್ಭುತ ನೃತ್ಯ ಮತ್ತು ಸೌಂದರ್ಯದ ಮೂಲಕ ಅಭಿಮಾನಿಗಳನ್ನು ಸೆಳೆಯುತ್ತಿರುವ ನೋರಾ ಫತೇಹಿ ಯೂಟ್ಯೂಬ್‌ನಲ್ಲಿ ಹೊಸ ದಾಖಲೆ ಬರೆದಿದ್ದಾರೆ. ಇದನ್ನು ತಮ್ಮ ವೃತ್ತಿಜೀವನದ "ಮಹತ್ವದ ತಿರುವು" ಎಂದು ನೋರಾ ಹೇಳಿದ್ದಾರೆ.

ಬಾಲಿವುಡ್ ನಲ್ಲಿ ಐಟಂ ಹಾಡುಗಳ ಮೂಲಕವೇ ಪಡ್ಡೆ ಯುವಕರ ನಿದ್ದೆಗೆಡಿಸಿರುವ ನಟಿ ಹಾಗೂ ಕೆನೆಡಿಯನ್​ ನರ್ತಕಿ ನೋರಾ ಫತೇಹಿ ಅವರ ದಿಲ್​ಬರ್ ನೃತ್ಯ ಎಲ್ಲಾ ದಾಖಲೆಗಳನ್ನು ಹಿಂದಿಕ್ಕಿ ಯೂಟ್ಯೂಬ್‌ನಲ್ಲಿ ಹೊಸ ದಾಖಲೆ ಬರೆದಿದೆ. 1 ಬಿಲಿಯನ್​ಗೂ ಅಧಿಕ ಜನರಿಂದ ಈ ನೃತ್ಯ ವೀಕ್ಷಿಸಲ್ಪಟ್ಟಿದೆ.

ಈ ಸಾಧನೆ ಮಾಡಿದ ಮೊದಲ ಆಫ್ರಿಕನ್ ಅರೇಬಿಯಾದ ಮಹಿಳಾ ಕಲಾವಿದೆ ಎಂಬ ಹೆಗ್ಗಳಿಕೆಗೆ ನೋರಾ ಪಾತ್ರರಾಗಿದ್ದಾರೆ. ಇದನ್ನು ತಮ್ಮ ವೃತ್ತಿಜೀವನದ "ಮಹತ್ವದ ತಿರುವು" ಎಂದು ನೋರಾ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:ಜಾಲಿಡೇಸ್ ನಟ ಪ್ರದೀಪ್ 'Yellow ಬೋರ್ಡ್' ಚಿತ್ರದ ರೊಮ್ಯಾಂಟಿಕ್ ಸಾಂಗ್ ಬಿಡುಗಡೆ

ದಿಲ್​ಬರ್ ಮಾತ್ರವಲ್ಲದೆ ಗಾರ್ಮಿ, ಓ ಸಾಕಿ ಸಾಕಿ, ಏಕ್ ತೋಹ್ ಕಾಮ್ ಜಿಂದಗಾನಿ ಸೇರಿದಂತೆ ಬಾಲಿವುಡ್​ನಲ್ಲಿ ನೋರಾ ಹಿಟ್ ಸಾಂಗ್​ಗಳಿಗೆ ಹೆಜ್ಜೆ ಹಾಕಿದ್ದಾರೆ. ಅದ್ಭುತ ನೃತ್ಯ ಮತ್ತು ಸೌಂದರ್ಯದ ಮೂಲಕ ಅಭಿಮಾನಿಗಳನ್ನು ಸೆಳೆಯುತ್ತಿರುವ ನೋರಾ, ಮುಂಬರುವ ಭುಜ್: ದಿ ಪ್ರೈಡ್ ಆಫ್ ಇಂಡಿಯಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.