ಶಕುನ್ ಬಾತ್ರಾ ಅವರ ಮುಂದಿನ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಪಾತ್ರ ರಿವೀಲ್​

ನಿರ್ಮಾಪಕ ಶಕುನ್ ಬಾತ್ರಾ ಅವರ ಮುಂಬರುವ ಇನ್ನೂ ಹೆಸರಿಡದ ಚಿತ್ರದಲ್ಲಿ ದೀಪಿಕಾ ಫಿಟ್‌ನೆಸ್ ಕೋಚ್​ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ ಎನ್ನಲಾಗಿದೆ. ಆದರೆ, ಚಿತ್ರತಂಡ ಮಾತ್ರ ಈ ಬಗ್ಗೆ ಯಾವುದೇ ಸುಳಿವು ನೀಡಿಲ್ಲ

ಹೈದರಾಬಾದ್: ಚಲನಚಿತ್ರ ನಿರ್ಮಾಪಕ ಶಕುನ್ ಬಾತ್ರಾ ಅವರ ಮುಂಬರುವ ಇನ್ನೂ ಹೆಸರಿಡದ ಚಿತ್ರದಲ್ಲಿ ಬಾಲಿವುಡ್​ ಸೂಪರ್ ಸ್ಟಾರ್ ದೀಪಿಕಾ ಪಡುಕೋಣೆ, ಇತ್ತೀಚಿನ ನಟರಾದ ಸಿದ್ಧಾಂತ್ ಚತುರ್ವೇದಿ, ಅನನ್ಯಾ ಪಾಂಡೆ ಮತ್ತು ಧೈರಿಯಾ ಕಾರ್ವಾ ಅವರೊಂದಿಗೆ ನಟಿಸಿದ್ದಾರೆ. ಚಿತ್ರದ ವಿವರಗಳು ಇನ್ನೂ ಬಹಿರಂಗಗೊಂಡಿಲ್ಲ. ಆದರೆ, ಚಿತ್ರದಲ್ಲಿ ದೀಪಿಕಾ ಪಾತ್ರದ ಒಂದು ಕುತೂಹಲಕಾರಿ ಅಂಶವು ವೆಬ್‌ಲಾಯ್ಡ್‌ಗೆ ಸಿಕ್ಕಿದೆ.

ವೆಬ್‌ಲಾಯ್ಡ್ ವರದಿಯ ಪ್ರಕಾರ, ಚಿತ್ರದಲ್ಲಿ ಫಿಟ್‌ನೆಸ್ ಕೋಚ್​ ಪಾತ್ರವನ್ನು ದೀಪಿಕಾ ನಿರ್ವಹಿಸುತ್ತಿದ್ದಾರೆ ಎನ್ನಲಾಗಿದೆ. ಆದರೆ, ಚಿತ್ರತಂಡ ಮಾತ್ರ ಈ ಬಗ್ಗೆ ಯಾವುದೇ ಸುಳಿವು ನೀಡಿಲ್ಲ, ಚಿತ್ರದ ಕುರಿತಾದ ಕೆಲವು ವದಂತಿಗಳನ್ನು ತಿರಸ್ಕರಿಸಿದೆ.

ಇನ್ನು ಚಿತ್ರದ ಬಗ್ಗೆ ಪ್ರತಿಕ್ರಿಯಿಸಿರುವ ನಟಿ ಅನನ್ಯ ಪಾಂಡೆ ಈ ಮೊದಲು, ದೀಪಿಕಾ ಅವರೊಂದಿಗೆ ಕೆಲಸ ಮಾಡಲು ಭಯವಾಗುತ್ತಾ ಎಂದು ಅನನ್ಯಾ ಅವರನ್ನು ಕೇಳಿದಾಗ, : "ಇಲ್ಲ. ಅವರು (ದೀಪಿಕಾ) ಹೊರಗಿನಿಂದ ನೋಡಲು ಎಷ್ಟು ಸುಂದರವೋ ಅಂತರಂಗದಲ್ಲಿಯೂ ಅವರು ಸುಂದರಿಯೇ, ಅವರು ನನ್ನ ಅಕ್ಕನಿದ್ದಂತೆ ಅವರೊಂದಿಗೆ ನನ್ನ ಸಂಬಂಧ ಉತ್ತಮವಾಗಿದೆ ಎಂದು ಅನನ್ಯಾ ಹೇಳಿಕೊಂಡಿದ್ದಾರೆ.

ದೀಪಿಕಾ ತುಂಬಾ ಕಾಳಜಿವುಳ್ಳ ನಟಿ. ಎಲ್ಲರನ್ನೂ ತುಂಬಾ ಕೇರ್​ ಮಾಡುತ್ತಾರೆ. ಶೂಟಿಂಗ್​ ಸೆಟ್​ನಲ್ಲಿ ನಮ್ಮೊಂದಿಗೆ ಹಾಯಾಗಿ ಕಾಲ ಕಳೆಯುತ್ತಾರೆ. ಅವರೊಂದಿಗೆ ಸಾಕಷ್ಟು ವರ್ಕ್​ಶಾಪ್​ ಮಾಡಿದ್ದೇವೆ ಎಂದು ಅನನ್ಯ ದೀಪಿಕಾರನ್ನು ಹೊಗಳಿದ್ದಾರೆ.