ರಾಜಸ್ಥಾನದ ಫೋರ್ಟ್​ ಬವೇರಾದಲ್ಲಿ ಸಪ್ತಪದಿ ತುಳಿದ ಕತ್ರಿನಾ ಕೈಫ್​-ವಿಕ್ಕಿ ಕೌಶಲ್​

ರಾಜಸ್ಥಾನದ ಪೋರ್ಟ್​ ಬವೇರಿಯಾದಲ್ಲಿ ನಡೆದ ಮದುವೆ ಸಮಾರಂಭದಲ್ಲಿ ಬಾಲಿವುಡ್​ ಸ್ಟಾರ್​ ಜೋಡಿ ಕತ್ರಿನಾ ಕೈಫ್​- ವಿಕ್ಕಿ ಕೌಶಲ್​​ ಸಪ್ತಪದಿ ತುಳಿದಿದ್ದಾರೆ.

ನವದೆಹಲಿ:ಬಾಲಿವುಡ್​ ಸ್ಟಾರ್​ ಜೋಡಿಯಾದ ಕತ್ರಿನಾ ಕೈಫ್​ ಮತ್ತು ವಿಕ್ಕಿ ಕೌಶಲ್​ ಅಧಿಕೃತವಾಗಿ ವಿವಾಹ ಬಂಧನಕ್ಕೆ ಒಳಗಾಗಿದ್ದಾರೆ.

ರಾಜಸ್ಥಾನದ ಸಿಕ್ಸ್​ ಸೆನ್ಸಸ್​ ಪೋರ್ಟ್​ ಬವೇರಾದಲ್ಲಿ ಅದ್ಧೂರಿಯಾಗಿ ಹಮ್ಮಿಕೊಂಡಿದ್ದ ಮದುವೆ ಸಮಾರಂಭದಲ್ಲಿ ತಮ್ಮ ಕುಟುಂಬಸ್ಥರ ಸಮ್ಮುಖದಲ್ಲಿ ಕತ್ರಿನಾಗೆ, ವಿಕ್ಕಿ ಕೌಶಲ್ ಮಾಂಗಲ್ಯಧಾರಣೆ ಮಾಡುವುದರೊಂದಿಗೆ ಸಪ್ತಪದಿ ತುಳಿದಿದ್ದಾರೆ.

ಡಿ.7ರಿಂದ ಆರಂಭವಾಗಿದ್ದ ಮದುವೆ ಸಮಾರಂಭದ ಮೊದಲ ದಿನ ಮೆಹಂದಿ ಕಾರ್ಯ, ಮರುದಿನ ಪಂಜಾಬಿ ಸಂಗೀತ್​ ಮತ್ತು ಇಂದು ಮಾಂಗಲ್ಯಧಾರಣೆ ಕಾರ್ಯ ನಡೆದಿದೆ. ಈ ವೇಳೆ ಕಬೀರ್​ ಖಾನ್​, ಅಂಗನಾ ಬೇಡಿ, ನೇಹಾ ದೂಫಿಯಾ ಸೇರಿದಂತೆ ಬಾಲಿವುಡ್​ ಗಣ್ಯರು, ನಟ-ನಟಿಯರು ಹಾಜರಿದ್ದರು.