ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಆರೋಪ... ರವೀನಾ ಟಂಡನ್​​ ಸೇರಿ ಈ ನಟಿಯರ ವಿರುದ್ಧ ದೂರು ದಾಖಲು!

ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಮಾಡಿರುವ ಆರೋಪದ ಮೇಲೆ ಬಾಲಿವುಡ್​ ನಟಿ ವಿರುದ್ಧ ದೂರು ದಾಖಲಾಗಿದೆ.

ಅಮೃತಸರ್​​(ಪಂಜಾಬ್​):ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಮಾಡಿರುವ ಆರೋಪದ ಮೇಲೆ ಬಾಲಿವುಡ್​ ನಟಿ ರವೀನಾ ಟಂಡನ್​ ಸೇರಿದಂತೆ ಪ್ರಮುಖ ನಟಿಮಣಿಯರ ವಿರುದ್ಧ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಬಾಲಿವುಡ್​ ಖ್ಯಾತ ನಟಿ ರವೀನಾ ಟಂಡನ್, ಭಾರತಿ ಸಿಂಗ್ ಹಾಗೂ ಫರಾಹ್ ಖಾನ್​ ವಿರುದ್ಧ ಅಮೃತಸರ್​​​ನ ಅಜನಾಲಾ ಠಾಣೆಯಲ್ಲಿ ದೂರು ದಾಖಲಾಗಿದೆ. ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ವೇಳೆ ಈ ಮೂವರು ನಡೆಸಿರುವ ಸಂಭಾಷಣೆಯ ಒಂದು ಸಮುದಾಯದ ಧಾರ್ಮಿಕ ಭಾವನೆಗೆ ಧಕ್ಕೆ ಉಂಟಾಗಿರುವ ಕಾರಣ ಈ ದೂರು ದಾಖಲಾಗಿದೆ.

ಕ್ರಿಸ್​ಮಸ್​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾಗ ಈ ಘಟನೆ ನಡೆದಿದೆ. ಹೀಗಾಗಿ IPCಯ 295-A ಅಡಿ ಈ ಪ್ರಕರಣ ದಾಖಲಿಸಲಾಗಿದೆ. ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ವೇಳೆ ಆಂಗ್ಲಭಾಷೆಯ ಶಬ್ದದ ಸ್ಪೆಲ್ಲಿಂಗ್​ ಬರೆಯಲು ಹೇಳಿದಾಗ ಅದರ ಬಗ್ಗೆ ಅಪಹಾಸ್ಯ ಮಾಡಿದ್ದಕ್ಕಾಗಿ ದೂರು ದಾಖಲಾಗಿದೆ.