ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟೀವ್ ಆಗಿರುವ ಸಿನಿಮಾ ತಾರೆಯರು ಒಂದಿಲ್ಲೊಂದು ವಿಚಾರವಾಗಿ ಸುದ್ದಿ ಆಗ್ತಾನೆ ಇರ್ತಾರೆ. ಹೊಸ ಹೊಸ ಫೋಟೋಗಳನ್ನು ಶೇರ್ ಮಾಡುತ್ತ ಅಭಿಮಾನಿಗಳನ್ನು ರಂಜಿಸುತ್ತಾರೆ.
ಇದೀಗ ಅಸಮಾನ್ಯ ಫೋಟೋವೊಂದನ್ನು ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟು ದೀಪಿಕಾ ಪಟುಕೋಣೆ ಅಭಿಮಾನಿಗಳನ್ನು ಹೆದರಿಸಲು ಪ್ರಯತ್ನಿಸಿದ್ದಾರೆ. ಹೌದು, ದೀಪಿಕಾ ಎಲ್ಇಡಿ ಮಾಸ್ಕ್ ಧರಿಸಿರುವ ಫೋಟೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಾಕಿ 'ಬೂ...' ಎಂದು ಬರೆದುಕೊಂಡಿದ್ದಾರೆ.
ಈ ಫೋಟೋವನ್ನು ನೋಡಿದ ಅಭಿಮಾನಿಗಳು ಕಮೆಂಟ್ ಮತ್ತು ಲೈಕ್ಗಳ ಸುರಿಮಳೆಗೈದಿದ್ದಾರೆ. ಕೆಲವರು ಕಮೆಂಟ್ ಮಾಡಿದ್ದು, ನನಗೆ ಭಯ ಆಯ್ತು ಎಂದು ಬರೆದಿದ್ದಾರೆ. ಇನ್ನೂ ಕೆಲವರು ಈ ಫೋಟೋ ನಮಗೆ ಇಷ್ಟ ಆಯ್ತು ಎಂದು ಕಮೆಂಟ್ ಮಾಡಿದ್ದಾರೆ. ಈ ಫೋಟೋಗೆ ಬಾಲಿವುಡ್ ತಾರೆ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರ ಕೂಡ ಲೈಕ್ ಮಾಡಿದ್ದಾರೆ.
ದೀಪಿಕಾ ಪಡುಕೋಣೆ ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡ್ ಆಗಿದ್ದು, ಒಳ್ಳೆಯ ಊಟ ಅಂದ್ರೆ ಅದು ದಕ್ಷಿಣ ಭಾರತದ ಮನೆಗಳಲ್ಲಿ ಸಿಗುವ ಆಹಾರ. ಅದ್ರಲ್ಲೂ ಅನ್ನ ಮತ್ತು ರಸಂ ಸಖತ್ತಾಗಿರುತ್ತೆ ಎಂದು ಹೇಳಿದ್ರು. ಇದಕ್ಕೆ ಕಮೆಂಟ್ ಮಾಡಿದ್ದ ಬಾಲಿವುಡ್ನ ಮತ್ತೊಬ್ಬ ನಟಿ ಅನನ್ಯ ಪಾಂಡೆ ನಿಮ್ಮ ದಕ್ಷಿಣ ಭಾರತದ ಊಟ ನನಗೂ ಇಷ್ಟ ಅಂತ ಹೇಳಿದ್ರು.
ದೀಪಿಕಾ ಪಡುಕೊಣೆ ಕೊನೆಯದಾಗಿ ಬೆಳ್ಳೆ ತೆರೆ ಮೇಲೆ ಕಾಣಿಸಿಕೊಂಡಿದ್ದು, ಚಪಾಕ್ ಸಿನಿಮಾದಲ್ಲಿ. ಇದಾದ ಮೇಲೆ ಯಾವ ಸಿನಿಮಾ ಕೂಡ ತೆರ ಕಂಡಿಲ್ಲ. ಸದ್ಯ ಶಾರುಕ್ ಖಾನ್ ನಟನೆಯ ಪಠಾಣ್ ಸಿನಿಮಾದಲ್ಲಿ ದೀಪಿಕಾ ನಟಿಸಿದ್ದಾರೆ.