ಸಿನಿಮಾದಲ್ಲಿ ಬೆತ್ತಲಾಗಿದ್ದ ರಾಧಿಕಾ ಆಪ್ಟೆ.. ಚಿತ್ರರಂಗದಿಂದ ಬಹಿಷ್ಕಾರಕ್ಕೆ ಟ್ವಿಟರ್​ ಟ್ರೆಂಡ್​!

ಹಸಿ ಬಿಸಿ ಚಿತ್ರಗಳ ಮೂಲಕ ಈಗಾಗಲೇ ಸಿಕ್ಕಾಪಟ್ಟೆ ಸದ್ದು ಮಾಡಿರುವ ನಟಿ ರಾಧಿಕಾ ಆಪ್ಟೆ ಇದೀಗ ಮತ್ತೊಮ್ಮೆ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್​ ಆಗಿದ್ದಾರೆ.

ಸದಾ ಒಂದಿಲ್ಲೊಂದು ವಿಷಯಗಳಿಂದ ಸುದ್ದಿಯಲ್ಲಿರುವ ಬಾಲಿವುಡ್ ನಟಿ ರಾಧಿಕಾ ಆಪ್ಟೆ ಇದೀಗ ಮತ್ತೊಮ್ಮೆ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದು, ಇದರ ಜೊತೆಗೆ ಟ್ವಿಟರ್​ನಲ್ಲಿ ಅವರ ವಿರುದ್ಧ ಟ್ರೆಂಡ್​ವೊಂದು ಶುರುವಾಗಿದ್ದು, ಸಿನಿಮಾ ರಂಗದಿಂದ ಬಹಿಷ್ಕಾರ ಹಾಕುವಂತೆ ಟ್ವಿಟರ್ ಟ್ರೆಂಡ್ ಶುರುವಾಗಿದೆ.

ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾದ ರಾಧಿಕಾ

ರಾಧಿಕಾ ಆಪ್ಟೆ ನಟನೆ ಮಾಡಿದ್ದ ಪರ್ಚೆಡ್​ ಚಿತ್ರದಲ್ಲಿ ಬೆತ್ತಲಾಗಿ ಕಾಣಿಸಿಕೊಂಡಿದ್ದಳು. 2016ರಲ್ಲಿ ಈ ಚಿತ್ರ ತೆರೆ ಕಂಡಿದ್ದೂ, ಅದರಲ್ಲಿನ ವಿಡಿಯೋ ತುಣಕವೊಂದು ಇದೀಗ ಹೆಚ್ಚು ಹರಿದಾಡುತ್ತಿರುವ ಕಾರಣ ಅನೇಕ ನೆಟ್ಟಿಗರು ಅವರ ವಿರುದ್ಧ ತಿರುಗಿಬಿದ್ದಿದ್ದಾರೆ. ಇದು ಭಾರತೀಯ ಸಂಪ್ರದಾಯಕ್ಕೆ ವಿರುದ್ಧವಾಗಿದ್ದು, ಇವರ ವಿರುದ್ಧ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.

'Boycott Radhika Apte' ಟ್ರೆಂಡ್​ ಶುರುವಾಗಿದ್ದು, ತಕ್ಷಣವೇ ಅವರಿಗೆ ಸಿನಿಮಾ ರಂಗದಿಂದ ಹೊರಹಾಕಬೇಕು. ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುವ ಚಿತ್ರಗಳಲ್ಲಿ ಅವರು ನಟನೆ ಮಾಡುತ್ತಿದ್ದಾರೆ ಎಂಬ ವಾದ ಕೇಳಿ ಬಂದಿದೆ.

ಪರ್ಚೆಡ್​​ ಚಿತ್ರದ ಪೋಸ್ಟರ್​ನಲ್ಲಿ​ ನಟಿ ರಾಧಿಕಾ ಅಪ್ಟೆ ನಟ ಅದಿಲ್​ ಹುಸೇನ್​ ಜೊತೆಗಿನ ಪೋಟೋದಲ್ಲಿ ಬೋಲ್ಡ್​ ಆಗಿ ಕಾಣಿಸಿಕೊಂಡಿದ್ದಳು. ಇದಕ್ಕೆ ಸಂಪ್ರದಾಯವಾದಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದು, ಇದೇ ಕಾರಣಕ್ಕೆ ಟ್ವಿಟರ್​ನಲ್ಲಿ ಈಗ Boycott Radhika Apte ಟ್ರೆಂಡ್​ ಆಗಿದೆ.

ರಾಧಿಕಾ ಪರ್ಚೆಡ್​​ ಚಿತ್ರದಲ್ಲಿ ಇಂಟಿಮೇಟ್​ ದೃಶ್ಯವೊಂದರಲ್ಲಿ ಟಾಪ್​ಲೆಸ್​ ಆಗಿ ಕಾಣಿಸಿಕೊಂಡಿದ್ದು, ಇದರ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದ್ದು, ಅಶ್ಲೀಲ ವಿಷಯ ಹೆಚ್ಚು ಪ್ರಸಾರ ಮಾಡುತ್ತಿದ್ದಾರೆಂಬ ಆರೋಪ ಕೇಳಿ ಬಂದಿದೆ. ಈ ಹಿಂದೆ ಕೂಡ ಅನೇಕ ರೀತಿಯ ಬೋಲ್ಡ್​ ಚಿತ್ರಗಳಲ್ಲಿ ರಾಧಿಕಾ ಆಪ್ಟೆ ಕಾಣಿಸಿಕೊಂಡಿದ್ದು, ಇದೀಗ ಅವರ ವಿರುದ್ಧ ಹೆಚ್ಚಿನ ಆಕ್ರೋಶ ವ್ಯಕ್ತವಾಗುತ್ತಿದೆ.

ಬಾಲಿವುಡ್ ನಟಿ ರಾಧಿಕಾ

ರಾಧಿಕಾ ಆಪ್ಟೆ ನಟನೆಯ 'ದಿ ವೆಡ್ಡಿಂಗ್ ಗೆಸ್ಟ್' ಸಿನಿಮಾದಲ್ಲೂ ಹಾಟ್​ ಆಗಿ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿನ ಹಸಿಬಿಸಿ ಸೀನ್​​ಗಳು, ಬೋಲ್ಡ್ ಫೋಟೋ ಲೀಕ್ ಆಗಿದ್ದವು. ಈ ವೇಳೆ ಸೋಷಿಯಲ್​​ ಮೀಡಿಯಾದಲ್ಲಿ ಕಾಳ್ಗಿಚ್ಚಿನಂತೆ ಹರಿದಾಡುತ್ತಿದ್ದ ಈ ವಿಡಿಯೋ ತುಣುಕುಗಳು ರಾಧಿಕಾ ಬಗ್ಗೆ ನೆಗೆಟಿವ್​ ವೈಬ್ಸ್​ ಕ್ರಿಯೇಟ್ ಮಾಡಿದ್ದವು.