ಒಂದು ಪೋಟೋ ಹಿಂದೆ ಎಷ್ಟೋ ಕಥೆಗಳು ಅಡಗಿರುತ್ತದೆ. ತಮ್ಮ ಜೀವನದ ಬಹಳ ಇಷ್ಟವಾದ ನೆನಪುಗಳನ್ನು ಶಾಶ್ವತವಾಗಿಡುವ ಈ ಫೋಟೋ ಎಂಬುದು ಯಾರಿಗೆ ತಾನೇ ಇಷ್ಟವಿಲ್ಲ...?ಖ್ಯಾತ ಬಾಲಿವುಡ್ ಗಾಯಕಿ ಲತಾ ಮಂಗೇಶ್ಕರ್ ಅವರ ಈ ಫೋಟೋ ಹಿಂದೆ ಕೂಡಾ ಒಂದು ನೆನಪಿದೆ.
ತಮ್ಮ ಸುಂದರ ಫೋಟೋ ಸೆರೆಹಿಡಿದ ಆ ವ್ಯಕ್ತಿಯನ್ನು ನೆನಪಿಸಿಕೊಂಡ್ರು ಲತಾಜಿ..! - ಖ್ಯಾತ ಬಾಲಿವುಡ್ ಗಾಯಕಿ
ಗೌತಮ್ ರಾಜಾಧ್ಯಕ್ಷ ಕೊನೆಯದಾಗಿ ಸೆರೆಹಿಡಿದದ್ದು ಮಾಜಿ ವಿಶ್ವಸುಂದರಿ ಐಶ್ವರ್ಯ ರೈ ಫೋಟೋಗಳನ್ನು. ಇಂದು ಗೌತಮ್ ಅವರ ಜನ್ಮದಿನವಾಗಿದ್ದು ಅವರೇ ತೆಗೆದಿರುವ ತಮ್ಮ ಫೋಟೋವನ್ನು ಲತಾ ಮಂಗೇಶ್ಕರ್ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದಾರೆ.
ಲತಾ ಮಂಗೇಶ್ಕರ್
ಅಂದ ಹಾಗೆ ಲತಾ ಅವರ ಈ ಫೋಟೋ ತೆಗೆದದ್ದು ಭಾರತದ ಖ್ಯಾತ ಫ್ಯಾಷನ್ ಫೋಟೋಗ್ರಾಫರ್ ಗೌತಮ್ ರಾಜಾಧ್ಯಕ್ಷ. ಅದರಲ್ಲೂ ಬಾಲಿವುಡ್ ಸೆಲಬ್ರಿಟಿಗಳ ಪಾಲಿಗೆ ಈ ಫೋಟೋಗ್ರಾಫರ್ ಬಹಳ ಆತ್ಮೀಯರು. 1980 ರಲ್ಲಿ ಗೌತಮ್ ಫ್ಯಾಷನ್ ಫೋಟೋಗ್ರಫಿಯನ್ನು ಆರಂಭಿಸಿದರು. ಅವರು ಸೆರೆಹಿಡಿದಿದ್ದು ತಮ್ಮ ಕಾಲೇಜಿನಲ್ಲೇ ಓದುತ್ತಿದ್ದ ನಟಿ ಶಬನಾ ಅಜ್ಮಿ ಅವರ ಫೋಟೋಗಳನ್ನು. 2011 ರಲ್ಲಿ ನಿಧನರಾದ ಗೌತಮ್ ರಾಜಾಧ್ಯಕ್ಷ ಕೊನೆಯದಾಗಿ ಸೆರೆಹಿಡಿದದ್ದು ಮಾಜಿ ವಿಶ್ವಸುಂದರಿ ಐಶ್ವರ್ಯ ರೈ ಫೋಟೋಗಳನ್ನು. ಸೆಪ್ಟೆಂಬರ್ 16 ಗೌತಮ್ ಹುಟ್ಟಿದ ದಿನ. ಈ ವಿಶೇಷ ದಿನದಂದು ಲತಾಜಿ ಗೌತಮ್ ಅವರೇ ಸೆರೆಹಿಡಿದಿರುವ ತಮ್ಮ ಸುಂದರ ಫೋಟೋವೊಂದನ್ನು ಟ್ವಿಟ್ಟರ್ನಲ್ಲಿ ಅಪ್ಲೋಡ್ ಮಾಡುವ ಮೂಲಕ ಗೌತಮ್ ಅವರನ್ನು ನೆನಪಿಸಿಕೊಂಡಿದ್ದಾರೆ.