ಸತ್ಯಮೇವ ಜಯತೆ-2ನಲ್ಲಿ ‘ದಿಲ್ರೂಬಾ’ ಆಗಿ ನೋರಾ ಫತೇಹಿ ಬೆಲ್ಲಿ ಡ್ಯಾನ್ಸ್

ಸತ್ಯಮೇವ ಜಯತೆ-2 (Satyameva Jayate-2) ಸಿನಿಮಾದ ಕುಸುಕುಸು ಹಾಡಿನಲ್ಲಿ ಬಾಲಿವುಡ್ ಬೆಡಗಿ ನೋರಾ ಫತೇಹಿ (Nora Fatehi) ಬೋಲ್ಡ್​ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆ ದಿಲ್ಬರ್ ಆಗಿ ಅಭಿಮಾನಿಗಳ ರಂಜಿಸಿದ್ದ ನಟಿ ಇದೀಗ ಕುಸುಕುಸು ಹಾಡಿನಲ್ಲಿ ಬೆಲ್ಲಿ ಡ್ಯಾನ್ಸ್ ಮಾಡಿದ್ದಾರೆ.

ಬಾಲಿವುಡ್ ಗಲ್ಲಿಯ ಈ ವರ್ಷದ ಬಹುನಿರೀಕ್ಷಿತ ಚಿತ್ರ ಅಂತಲೇ ಸುದ್ದಿಯಾಗುತ್ತಿರುವ ‘ಸತ್ಯಮೇವ ಜಯತೆ-2’ ಸಿನಿಮಾ ಈಗಾಗಲೇ ಟ್ರೈಲರ್​​​ ಬಿಡುಗಡೆ ಮಾಡಿ ಸದ್ದು ಮಾಡ್ತಿದೆ. ಚಿತ್ರದಲ್ಲಿ ಬರಪೂರ ಆ್ಯಕ್ಷನ್ ಸೀನ್​​ಗಳು ತುಂಬಿರುವುದು ಜಾನ್​ ಅಬ್ರಹಾಂ (John Abraham) ಲುಕ್​​​ನಿಂದಲೇ ತಿಳಿದು ಬರ್ತಿದೆ.

ಇದೀಗ ಚಿತ್ರದ ‘ಕುಸು ಕುಸು’ (Kusu Kusu song) ಹಾಡಿನ ಪ್ರೋಮೋ ವಿಡಿಯೋವನ್ನ ಚಿತ್ರತಂಡ ರಿಲೀಸ್ ಮಾಡಿದೆ. ಈ ಹಾಡಿನಲ್ಲಿ ಬಾಲಿವುಡ್ ಬೆಡಗಿ ನೋರಾ ಫತೇಹಿ (Nora Fatehi) ಕಾಣಿಸಿಕೊಂಡಿದ್ದು, ಜಾಲತಾಣದಲ್ಲಿ ಹಾಡು ಹಲ್​ಚಲ್ ಎಬ್ಬಿಸಿದೆ. ಈ ಮೊದಲು ‘ಸತ್ಯಮೇವ ಜಯತೆ’ (Satyameva Jayate) ಚಿತ್ರದಲ್ಲಿ ‘ದಿಲ್ಬರ್​​​’ ಆಗಿ ಕಾಣಿಸಿಕೊಂಡಿದ್ದ ನೋರಾ, ಆ ಚಿತ್ರದ ಮುಂದುವರಿದ ಭಾಗವಾದ ಪಾರ್ಟ್​ 2ನಲ್ಲಿ ‘ದಿಲ್ರೂಬಾ’ ಆಗಿ ಅಭಿಮಾನಿಗಳ ಮುಂದೆ ಬಂದಿದ್ದಾರೆ. ಕುಸು ಕುಸು ಪ್ರೋಮೋ ಸಾಂಗ್​ನಲ್ಲಿ ಬೆಲ್ಲಿ ಡ್ಯಾನ್ಸ್​ನಲ್ಲಿ ಮಿಂಚಿದ್ದಾರೆ.

ಸತ್ಯಮೇಯ ಜಯತೆ-2 ಸಿನಿಮಾ ನವೆಂಬರ್ 25 ರಂದು ತೆರೆಗೆ ಬರಲು ಸಿದ್ಧತೆ ನಡೆಸಿದೆ. ಚಿತ್ರದಲ್ಲಿ ಜಾನ್​ ಅಬ್ರಾಹಂ ನಾಯಕನಾಗಿದ್ದರೆ, ದಿವ್ಯಾ ಕೋಸ್ಲಾ ಕುಮಾರ್, ನೋರಾ ಫತೇಹಿ, ಈಶಾ ತಲ್ವಾರ್​ ಸೇರಿ ಹಲವರು ನಟಿಸಿದ್ದಾರೆ. ಚಿತ್ರಕ್ಕೆ ಖ್ಯಾತ ನಿರ್ದೇಶಕ ಮಿಲಪ್ ಜವೇರಿ (Milap Zaveri) ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ಓದಿ:'ಅಂತಿಮ್: ದಿ ಫೈನಲ್ ಟ್ರುತ್'.... ನವೆಂಬರ್ 26 ರಂದು ಬಿಡುಗಡೆ