1973 ರಲ್ಲಿ ಬೆಳ್ಳಿ ತೆರಯ ಮೇಲೆ ಬಾಬಿ ಪಾತ್ರದೊಂದಿಗೆ ಬಂದು ಸಿನಿರಸಿಕರ ಮನ ಗೆದ್ದಿದ್ದ ಖ್ಯಾತ ಬಾಲಿವುಡ್ ನಟಿ ಡಿಂಪಲ್ ಕಪಾಡಿಯಾ ಇಂದು ತನ್ನ 64ನೇ ವರ್ಷದ ಹುಟ್ಟು ಹಬ್ಬದ ಸಂಭ್ರಮದಲ್ಲಿದ್ದಾರೆ. ಬಾಲಿವುಡ್ಗೆ ಎಂಟ್ರಿ ಕೊಟ್ಟ ಕಪಾಡಿಯ, ಸೂಪರ್‌ಸ್ಟಾರ್ ರಾಜೇಶ್ ಖನ್ನಾ ಅವರನ್ನು ಮದುವೆಯಾಗಿ ದಶಕಗಳ ಕಾಲ ಸಿನಿಮಾ ರಂಗದಿಂದ ದೂರ ಸರಿದು ಮತ್ತೆ ವಿಭಿನ್ನ ಚಿತ್ರಗಳ ಮೂಲಕ ಎಂಟ್ರಿ ಕೊಟ್ಟು, ಭಾರತೀಯ ಚಿತ್ರರಂಗದಲ್ಲಿ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದರು. ರಾಷ್ಟ್ರ ಪ್ರಶಸ್ತಿ ವಿಜೇತ ನಟಿಯ ಅದ್ಭುತ ಸಿನಿ ಪಯಣದ ನೋಟ ಇಲ್ಲಿದೆ.
1973ರಲ್ಲಿ ರಾಜ್ ಕಪೂರ್ ನಿರ್ದೆಶನ ಬಾಬಿ ಚಿತ್ರದ ಮೂಲಕ ತಮ್ಮ 16ನೇ ವಯಸ್ಸಿಗೆ ಸಿನಿಮಾ ರಂಗಕ್ಕೆ ಪಾದಾರ್ಪಣೆ ಮಾಡಿದ್ದ ಡಿಂಪಲ್, ಅದೇ ವರ್ಷ ಸೂಪರ್ ಸ್ಟಾರ್ ರಾಜೇಶ್ ಖನ್ನಾ ಅವರನ್ನು ವಿವಾಹವಾಗಿ ನಟನೆಯಿಂದ ಹೊರಬಂದಿದ್ದರು. ದಶಕಗಳ ಕಾಲ ತೆರಯಿಂದ ಹಿಂದೆ ಸರಿದಿದ್ದ ನಟಿ ಡಿಂಪಲ್, 1984ರಲ್ಲಿ ಪುನಃ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ಸಾಗರ್, ಕಾಶ್, ದೃಷ್ಠಿ, ಲೇಖಿನ್ ಮತ್ತು ರುಡಾಲಿ ಚಿತ್ರಗಳಲ್ಲಿ ಅಭಿನಯಿಸುವ ಮೂಲಕ ಮತ್ತೆ ಪ್ರೇಕ್ಷಕರ ಮನಃ ಗೆಲ್ಲುವಲ್ಲಿ ಸಫಲರಾದರು. ಕಪಾಡಿಯಾ ಅಭಿನಯಸಿದ ಎಲ್ಲಾ ಚಿತ್ರಗಳ ಪೈಕಿ ರುಡಾಲಿ ಅತ್ಯಂತ ಯಶಸ್ಸು ತಂದ ಕೊಟ್ಟ ಸಿನಿಮಾ. ದಿಲ್ ಚಾಹ್ತಾ ಹೈ ಚಿತ್ರದಲ್ಲಿ ಸಣ್ಣ ಪಾತ್ರವನ್ನು ವಹಿಸಿದ್ದ ಕಪಾಡಿಯಾ ಲೀಲಾ ಎಂಬ ಚಿತ್ರದಲ್ಲಿ ಡಿಂಪಲ್ ಕಪಾಡಿಯಾ ಅವರು ಪ್ರಾಧ್ಯಾಪಕರಾಗಿ ಜನಪ್ರಿಯ ಕವಿಯನ್ನು ಮದುವೆಯಾಗುವ ಪಾತ್ರವನ್ನು ನಿರ್ವಹಿಸಿದ್ದರು. ದಿಲ್ ಚಾಹ್ತಾ ಹೈ ಯಶಸ್ಸಿನ ನಂತರ, ಡಿಂಪಲ್ ಕಪಾಡಿಯಾ, ಲಕ್ ಬೈ ಚಾನ್ಸ್, ವಾಟ್ ದಿ ಫಿಶ್ ಮತ್ತು ಫೈಂಡಿಂಗ್ ಫ್ಯಾನಿಯಂತಹ ಆಫ್‌ಬೀಟ್ ಚಿತ್ರಗಳಲ್ಲಿ ಅಭಿನಯಿಸಿದ್ದರು. ಕಮರ್ಶಿಯಲ್ ಚಿತ್ರಗಳ ಮೂಲಕವೂ ಗಮನ ಸೆಳೆದ ಡಿಂಪಲ್, ದಬಾಂಗ್, ಪಟಿಯಾಲ ಹೌಸ್ ಮತ್ತು ವೆಲ್‌ಕಮ್ ಬ್ಯಾಕ್‌ನಂತಹ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ನೆಚ್ಚಿನ ನಿರ್ದೇಶಕ ಹೋಮಿ ಅಡ್ಜಾನಿಯಾ ಅವರ ಆಂಗ್ರೆಜಿ ಮೀಡಿಯಂನಲ್ಲಿ ಕಾಣಿಸಿಕೊಂಡಿದ್ದ ಡಿಂಪಲ್ ಅಯಾನ್ ಮುಖರ್ಜಿ ಅವರ ಮಹತ್ವಾಕಾಂಕ್ಷೆಯ ಯೋಜನೆಯಾದ ಬ್ರಹ್ಮಾಸ್ತ್ರ: ಪಾರ್ಟ್ ಒನ್ ಚಿತ್ರದಲ್ಲಿ ಡಿಂಪಲ್ ಕಪಾಡಿಯಾ ಕಾಣಿಸಿಕೊಳ್ಳಲಿದ್ದಾರೆ.
