ಮುಂಬೈ: ಕಳೆದ ಕೆಲ ದಿನಗಳ ಹಿಂದೆ ಲಡಾಖ್ಗೆ ಭೇಟಿ ನೀಡಿದ್ದ ಬಾಲಿವುಡ್ನ ಹಿರಿಯ ನಟ ಅಮಿತಾಬ್ ಬಚ್ಚನ್ ಇದೀಗ ಅದರ ಬಗ್ಗೆ ಟ್ವೀಟರ್ನಲ್ಲಿ ಫೋಟೋ ಶೇರ್ ಮಾಡಿ ಮಾಹಿತಿ ಹಂಚಿಕೊಂಡಿದ್ದಾರೆ.
33 ಡಿಗ್ರಿ ಮೈನಸ್ ಚಳಿಯಲ್ಲಿ ಬಿಗ್ ಬಿ... ಟ್ವೀಟ್ ಮಾಡಿ ಅನುಭವ ಹಂಚಿಕೊಂಡ ಅಮಿತಾಬ್! - ಲಡಾಕ್ನಲ್ಲಿ ಅಮಿತಾಬ್ ಬಚ್ಚನ್
ಲಡಾಖ್ನ ಮೈ ಕೊರೆಯುವ ಚಳಿಯಲ್ಲಿ ನಿಂತು ಫೋಟೋ ತೆಗೆಯಿಸಿಕೊಂಡಿರುವ ಬಿಗ್ ಬಿ ಇದೀಗ ಅದನ್ನು ಶೇರ್ ಮಾಡಿದ್ದಾರೆ.
Big B
ಲಡಾಖ್ನಲ್ಲಿ 33 ಡಿಗ್ರಿ ಮೈನಸ್ ಮೈ ಕೊರೆಯುವ ಚಳಿಯಲ್ಲಿ ನಿಂತು ಚಿತ್ರೀಕರಣವೊಂದರಲ್ಲಿ ಅವರು ಭಾಗಿಯಾಗಿದ್ದರು. ಮಂಕಿ ಕ್ಯಾಪ್, ಚಳಿಗಾಲದ ಜಾಕೆಟ್ ಹಾಗೂ ಕೈಗಳಿಗೆ ಗ್ಲೌಸ್ ಹಾಕಿಕೊಂಡು ಹಿಮದಲ್ಲಿ ನಿಂತುಕೊಂಡಿರುವ ಫೋಟೋ ಶೇರ್ ಮಾಡಿದ್ದಾರೆ. ಲಡಾಖ್ಗೆ ಇವೆಲ್ಲವೂ ಹಾಕಿಕೊಂಡು ಹೋಗಿ ಬಂದರೂ ಚಳಿಯಿಂದ ಇವು ನನ್ನನ್ನು ಕಾಪಾಡಲಿಲ್ಲ ಎಂದು ಬರೆದುಕೊಂಡಿದ್ದಾರೆ.
ಇದಕ್ಕೆ ಅನೇಕರು ಕಮೆಂಟ್ ಮಾಡಿದ್ದು, ಯಂಗ್ ಆ್ಯಕ್ಟರ್ಗಳಿಗಿಂತಲೂ ನೀವು ಅದ್ಭುತವಾಗಿ ಕೆಲಸ ಮಾಡ್ತಿದ್ದು, ನಿಮ್ಮನ್ನು ನೋಡಿ ನಮಗೆ ಸಂತೋಷವಾಗುತ್ತದೆ ಎಂದಿದ್ದಾರೆ. ಜತೆಗೆ ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ ಎಂದು ಸಲಹೆ ನೀಡಿದ್ದಾರೆ.