ಅಮಿತಾಬ್​-ಜಯಾ ಅಭಿನಯದ ಮೊದಲ ಸಿನಿಮಾದ ಫೋಟೋ ಹಂಚಿಕೊಂಡ ಬಿಗ್​ಬಿ

ಅಮಿತಾಬ್ ಬಚ್ಚನ್ ದಂಪತಿ ಅಭಿನಯದ ಮೊದಲ ಸಿನಿಮಾ ಬನ್ಸಿ ಬಿರ್ಜು ಬಿಡುಗಡೆಯಾಗಿ 49 ವರ್ಷಗಳು ಪೂರೈಸಿವೆ. ಇದೀಗ ಬಿಗ್​ ಬಿ ತಮ್ಮ ಪತ್ನಿಯೊಂದಿಗೆ ನಟಿಸಿದ ಚಿತ್ರದ ಫೋಟೋ ಹಂಚಿಕೊಂಡಿದ್ದಾರೆ.

ಮುಂಬೈ: ಬಿಗ್​ಬಿ ಅಮಿತಾಬ್ ಬಚ್ಚನ್ ಮತ್ತು ಅವರ ಪತ್ನಿ ಜಯಾ ಬಚ್ಚನ್ ಅಭಿನಯದ ಮೊದಲ ಚಿತ್ರ ಬನ್ಸಿ ಬಿರ್ಜು ರಿಲೀಸ್ ಸೆಪ್ಟೆಂಬರ್ 1 ಕ್ಕೆ 49 ವರ್ಷಗಳು ಪೂರೈಸಿದ್ದು, ಆ ಸುಮಧುರ ಕ್ಷಣವನ್ನು ಬಿಗ್​ ಬಿ ಮೆಲುಕು ಹಾಕಿದ್ದಾರೆ.

ಈ ಕುರಿತು ಬಿಗ್​ಬಿ, ಬ್ಲ್ಯಾಕ್​ ಅಂಡ್ ವೈಟ್​ ಫೋಟೋವೊಂದನ್ನು ಸಾಮಾಜಿಕ ಜಾಲತಾಣಗಳಿಗೆ ಪೋಸ್ಟ್ ಮಾಡಿದ್ದಾರೆ. ಈ ಚಿತ್ರದಲ್ಲಿ ಜಯಾ ಬಚ್ಚನ್​ ಅವರ ತೋಳುಗಳನ್ನು ಬಳಸಿ ಅಪ್ಪಿಕೊಂಡಿರುವುದು ಕಂಡು ಬರುತ್ತದೆ. ಇದು ನಮ್ಮ ಮೊದಲ ಚಿತ್ರ ಬನ್ಸಿ ಬಿರ್ಜು. ಸೆಪ್ಟೆಂಬರ್​ 1 1970 ರಲ್ಲಿ ರಿಲೀಸ್ ಆಗಿತ್ತು ಎಂದು ಪೋಸ್ಟ್​ಗೆ ಶೀರ್ಷಿಕೆ ಬರೆದಿದ್ದಾರೆ. ಈ ಫೋಟೋಗೆ ಮೊಮ್ಮಗಳಾದ ನವ್ಯಾ ನವೇಲಿ ನಂದಾ ಹಾರ್ಟ್​ ಸಿಂಬಲ್ ಕೊಟ್ಟಿದ್ದಾರೆ.

ಪ್ರಕಾಶ್ ವರ್ಮಾ ನಿರ್ದೇಶನದ ಈ ಸಿನಿಮಾದಲ್ಲಿ, ಬನ್ಸಿ-ಬಿರ್ಜು ಪ್ರೇಮ ಕಥೆಯನ್ನು ಹೊಂದಿದೆ.

ಅಮಿತಾಬ್ ಮತ್ತು ಜಯಾ, ಜೂನ್ 1973 ರಲ್ಲಿ ವಿವಾಹವಾದರು. ಬಳಿಕ ಇಬ್ಬರೂ ಜಂಜೀರ್ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು, ಚಿತ್ರ ಭಾರೀ ಯಶಸ್ಸನ್ನು ಕಂಡಿತು. ಬಳಿಕ ದಂಪತಿಯು ಅಭಿಮಾನ್, ಚುಪ್ಕೆ ಚುಪ್ಕೆ, ಮಿಲಿ ಮತ್ತು ಶೋಲೆಯಂತಹ ಚಿತ್ರಗಳಲ್ಲಿಯೂ ಕಾಣಿಸಿಕೊಂಡರು.