ತೈಮೂರ್​ ನೋಡಿ ಮುಗಿಬಿದ್ದ ಫೋಟೋಗ್ರಾಪರ್​ಗಳಿಗೆ ಸೈಫ್-ಕರೀನಾ ಕ್ಲಾಸ್​

ನಟ ಸೈಫ್ ಅಲಿ ಖಾನ್ ಮತ್ತು ನಟಿ ಕರೀನಾ ಕಪೂರ್ ಪುತ್ರ ತೈಮೂರ್​ ಸಾಮಾಜಿಕ ಜಾಲತಾಣದಲ್ಲಿ ಇದೀಗ ಎಲ್ಲರ ಕಣ್ಣು ಕುಕ್ಕಿಸುವಂತಹ ಹುಡುಗ. ಇವನ ಆರೈಕೆಯಲ್ಲಿ ತೊಡಗಿರುವ ದಂಪತಿಗೆ ಇವನೆಂದರೆ ಪ್ರಾಣ. ಇದು ಈ ಘಟನೆಗೆ ಸಾಕ್ಷಿ.

ಬಾಲಿವುಡ್ ಸ್ಟಾರ್ ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್ ಅವರ ಮಗ ತೈಮೂರ್​ ಇನ್ನೂ ಎರಡು ವರ್ಷ ತುಂಬದ ಹಸುಗೂಸು. ಹುಟ್ಟಿದ ಕ್ಷಣದಿಂದಲೂ ಅವನೊಬ್ಬ ಸೆಲೆಬ್ರಿಟಿ. ಕರೀನಾ ಹಾಗೂ ಸೈಫ್ ದಂಪತಿ ತಮ್ಮ ಮಗ ತೈಮೂರ್​ನನ್ನು ಅದೆಷ್ಟು ಮುದ್ದು ಮಾಡುತ್ತಾರೆ ಅನ್ನೋದು ನಿಮಗೆ ಗೊತ್ತೆ ಇದೆ. ಮತ್ತೊಂದು ಘಟನೆ ಆ ಮಾತನ್ನು ಇದೀಗ ಮತ್ತೇ ಮರುಕಳಿಸುವಂತೆ ಮಾಡಿತು.

ಹೌದು, ಈ​ ದಂಪತಿಗೆ ತೈಮೂರ್ ಖಾನ್ ಅಂದರೆ ಎಲ್ಲಿಲ್ಲದ ಪ್ರೀತಿ. ಸ್ವಲ್ಪ ಅಳು ಮುಖ ಮಾಡಿದರೂ ತಡೆದುಕೊಳ್ಳದ ಸೈಫ್​ ದಂಪತಿ, ಅವನ ಇಷ್ಟ-ಕಷ್ಟಗಳನ್ನು ಈಡೇರಿಸುತ್ತಾ ಬಂದಿದ್ದಾರೆ. ಇತ್ತೀಚೆಗೆ ವಿಮಾನ ನಿಲ್ದಾಣವೊಂದರಲ್ಲಿ ಕೆಲ ಪತ್ರಕರ್ತರು ಅವರ ಫ್ಯಾಮಿಲಿ ಫೋಟೋ ಕ್ಲಿಕ್ಕಿಸಲು ಹೋದಾಗ ಸೈಫ್​ ದಂಪತಿ ಇವರನ್ನು ತಡೆದಿದ್ದಾರೆ. ಈ ವೇಳೆ ಸ್ವಲ್ಪ ಗರಂ ಆದ ಸೈಫ್ ದಂಪತಿ, ನಿಮ್ಮ ಕಣ್ಣು ಕುಕ್ಕುವ ಫೋಟೋಗಳನ್ನು ನಿಲ್ಲಿಸಿ ಎಂದು ಮನವಿ ಮಾಡಿದ್ದಾರೆ. ಇದಕ್ಕೆ ಸೈಫ್ ಅಲಿ ಖಾನ್​ ಕಾರಣವನ್ನೂ ಕೊಟ್ಟಿದ್ದಾರೆ.

ತೈಮೂರ್​ನನ್ನು ತಮ್ಮ ಭುಜದ ಮೇಲೆ ಹೊತ್ತು ವಿಮಾನ ನಿಲ್ದಾಣದಿಂದ ಬರುತ್ತಿದ್ದಾಗ ಅವರನ್ನು ಸುತ್ತುವರೆದ ಪತ್ರಕರ್ತರು ಫೋಟೋ ತೆಗೆಯಲು ಶುರು ಮಾಡಿದರು. ಇವರ ಪಳ ಪಳ ಹೊಡೆಯುವ ಫೋಟೋ ಫ್ಲಾಶ್​ಗೆ ಸ್ವಲ್ಪ ಗರಂ ಆದ ಸೈಫ್​ ದಂಪತಿ, 'ಬಸ್​ ಕರೋ ಯಾರ್​, ಬಚ್ಚಾ ಅಂಧಾ ಹೋ ಜಾಯಾಗಾ' ಎಂದು ಗದರುವ ಮೂಲಕ ಸಿಟ್ಟಾದರು.

ಅಲ್ಲದೆ ನಿಮಗೆ ಪೋಟೋಗಳು ಬೇಕಿದ್ದರೆ, ಪಾಸ್​ ಮೂಲಕ ತೆಗೆದುಕೊಳ್ಳಿ, ಈ ರೀತಿ ಸರಿ ಅಲ್ಲ ಎಂದಿದ್ದಾರೆ. ತೈಮೂರ್​ ಬಗ್ಗೆ ಕಾಳಜಿ ಎಷ್ಟಿದೆ ಅನ್ನೋದನ್ನು ಸೈಫ್​ ದಂಪತಿ ಈ ಒಂದು ಸಣ್ಣ ಪ್ರಕರಣದ ಮೂಲಕ ತೋರ್ಪಡಿಸಿದ್ದಾರೆ.