ಹೈದರಾಬಾದ್:ಬಾಲಿವುಡ್ನ ಖ್ಯಾತ ನಟ, ಮುಗ್ಯಾಂಬೊ ಖ್ಯಾತಿಯ ಅಮರೀಶ್ ಪುರಿ ಅವರ 87ನೇ ವರ್ಷದ ಹುಟ್ಟು ಹಬ್ಬ ಇಂದು. ಖ್ಯಾತ ನಟನ ಹುಟ್ಟುಹಬ್ಬದ ನಿಮಿತ್ತ ಗೂಗಲ್ ತನ್ನ ಡೂಡಲ್ನಲ್ಲಿ ಅಮರೀಶ್ ಪುರಿ ಚಿತ್ರ ಪ್ರಕಟಿಸಿದ್ದು, ಈ ಮೂಲಕ ಗೌರವ ಸಮರ್ಪಿಸಿದೆ.
ಅಮರೀಶ್ ಪುರಿಗೆ ಗೂಗಲ್ ಗೌರವ: ಕನ್ನಡ ನೆಲವಾಗಿತ್ತು ಮುಗ್ಯಾಂಬೊ ಕರ್ಮಭೂಮಿ - undefined
ಮೊಗ್ಯಾಂಬೋ ಖ್ಯಾತಿಯ ಅಮರೀಶ್ ಪುರಿ ಮೊದಲು ನಾಯಕನಾಗಿದ್ದು, ಕನ್ನಡದ ಚಿತ್ರದಲ್ಲಿ ಎಂಬುದು ವಿಶೇಷವಾದದ್ದು.
ಅಮರೀಶ್ ಪುರಿ
ಬಾಲಿವುಡ್ನಲ್ಲಿ ಎಲ್ಲರೂ ಗೌರವಿಸುತ್ತಿದ್ದು ಈ ನಟ ರಂಗಭೂಮಿಯಲ್ಲೂ ಛಾಪು ಮೂಡಿಸಿದ್ದರು. ಅಂದಹಾಗೆ 1973ರಲ್ಲಿ ತೆರೆಕಂಡ ಕಾಡು ಸಿನಿಮಾದಲ್ಲಿ ಅಮರೀಶ್ಪುರಿ ಮುಖ್ಯ ಪಾತ್ರವೊಂದನ್ನು ನಿರ್ವಹಿಸಿದ್ದರು. ಚಂದ್ರೇಗೌಡ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಅಮರೀಶ್ ಪುರಿ ಅವರ ಪಾತ್ರವನ್ನು ಕನ್ನಡಿಗರು ಮೆಚ್ಚಿಕೊಂಡಿದ್ದರು. ಈ ಚಿತ್ರವನ್ನು ಗಿರೀಶ್ ಕಾರ್ನಾಡ್ ನಿರ್ದೇಶಿಸಿದ್ದರು.
ಅದಷ್ಟೇ ಅಲ್ಲದೆ ಗಂಡ ಬೇರುಂಡ, ಸಿಂಹದ ಮರಿ ಸೈನ್ಯ, ಸುಬ್ಬಿ ಸುಬ್ಬಕ್ಕ, ಸುವ್ವ ಲಾಲಿ ಮೊದಲಾದ ಕನ್ನಡ ಚಿತ್ರಗಳಲ್ಲೂ ಇವರು ನಟಿಸಿದ್ದರು. ಹಿಂದಿಯಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ಮುನ್ನ ಅಮರೀಶ್ ಪುರಿ ಅವರು ಕನ್ನಡ ಚಿತ್ರಗಳಲ್ಲಿ ನಟಿಸುತ್ತಿದ್ದರು. ಕನ್ನಡ ನೆಲ ಅವರ ಆರಂಭಿಕ ದಿನಗಳ ಕರ್ಮಭೂಮಿಯಾಗಿತ್ತು ಎಂದರೆ ತಪ್ಪಾಗಲಾರದು.