'ಏಕ್ ವಿಲನ್ ರಿಟರ್ನ್ಸ್' ಶೂಟಿಂಗ್​​ ಆರಂಭ: ಮಾಹಿತಿ ಹಂಚಿಕೊಂಡ ದಿಶಾ ಪಟಾನಿ

ಬಾಲಿವುಡ್ ತಾರೆಗಳಾದ ಜಾನ್ ಅಬ್ರಹಾಂ ಮತ್ತು ದಿಶಾ ಪಟಾನಿ ಅವರು ಮುಂಬೈನಲ್ಲಿ ತಮ್ಮ ಮುಂಬರುವ ಸಿನಿಮಾ ಏಕ್ ವಿಲನ್ ರಿಟರ್ನ್ಸ್ ಚಿತ್ರೀಕರಣವನ್ನು ಪ್ರಾರಂಭಿಸಿದರು. ದಿಶಾ ಈ ಬಗ್ಗೆ ಇನ್​ಸ್ಟಾಗ್ರಾಮ್​ನಲ್ಲಿ ಫೋಟೋವೊಂದನ್ನು ಪೋಸ್ಟ್​ ಮಾಡುವ ಮೂಲಕ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.

ಹೈದರಾಬಾದ್:ಜಾನ್ ಅಬ್ರಹಾಂ, ದಿಶಾ ಪಟಾನಿ, ಅರ್ಜುನ್ ಕಪೂರ್ ಮತ್ತು ತಾರಾ ಸುತಾರಿಯಾ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿರುವ 'ಏಕ್ ವಿಲನ್ ರಿಟರ್ನ್ಸ್' ಸಿನಿಮಾದ ಚಿತ್ರೀಕರಣ ಪ್ರಾರಂಭವಾಗಿದೆ. ಈ ವಿಷಯವನ್ನು ದಿಶಾ ಮತ್ತು ಚಿತ್ರದ ನಿರ್ಮಾಪಕರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ದಿಶಾ ಇನ್​ಸ್ಟಾಗ್ರಾಮ್​​ನಲ್ಲಿ ಫೋಟೋವೊಂದನ್ನು ಪೋಸ್ಟ್ ಮಾಡಿದ್ದಾರೆ. ಚಿತ್ರದಲ್ಲಿ ಅವರು ಕ್ಯಾಮೆರಾಗೆ ಹಿಂಭಾಗದಿಂದ ಪೋಸ್​ ಕೊಟ್ಟಿದ್ದು, ಕಪ್ಪು ಜಾಕೆಟ್ ಮೇಲೆ "ಏಕ್ ವಿಲನ್ ರಿಟರ್ನ್ಸ್" ಎಂದು ಬರೆಯಲಾಗಿದೆ. ಈ ಫೋಟೋಗೆ ದಿಶಾ "ಇಲ್ಲಿ ನಾವು #ekvillainreturns @mohitsuri alaBalajimotionpictures ಗೆ ಹೋಗುತ್ತೇವೆ" ಎಂದು ಶೀರ್ಷಿಕೆ ನೀಡಿದ್ದಾರೆ. ಇದಕ್ಕೆ ಟೈಗರ್​ ಶ್ರಾಫ್ ​"ಆಲ್ ದಿ ಬೆಸ್ಟ್ ವಿಲನ್" ಎಂದು ಹೇಳುವ ಮೂಲಕ ಹಾರೈಸಿದ್ದಾರೆ.

ಟೈಗರ್ ಸಹೋದರಿ ಕೃಷ್ಣ ಶ್ರಾಫ್ ಕೂಡ ಹೀಗೆ ಪ್ರತಿಕ್ರಿಯಿಸಿದ್ದಾರೆ: "ವೂಹೂ! ಆಲ್ ದಿ ಬೆಸ್ಟ್, ಮೈ ಡಿಯರ್ಸ್​​, ನೀವು ಇದನ್ನು ಯಶಸ್ವಿಯಾಗಿ ಮಾಡಿ" ಎಂದು ಹಾರೈಸಿದ್ದಾರೆ.

ಕಳೆದ ವರ್ಷದ ಆರಂಭದಲ್ಲಿ, ಏಕ್ ವಿಲನ್ ರಿಟರ್ನ್ಸ್ ಚಿತ್ರಕ್ಕಾಗಿ ಆದಿತ್ಯ ರಾಯ್ ಕಪೂರ್, ತಾರಾ ಸುತಾರಿಯಾ ಎದುರು ಜೋಡಿಯಾಗಿದ್ದಾರೆ ಎಂದು ಮಾಧ್ಯಮ ವರದಿಗಳು ಮಾಡಿದ್ದವು. ಆದರೆ, ಈಗ ಆಶಿಕಿ 2 ನಟನ ಬದಲಿಗೆ ಇಶಾಕ್​ಜಾದೆ ನಟ ಅರ್ಜುನ್ ಕಪೂರ್​ರನ್ನು ನೇಮಿಸಿಕೊಳ್ಳಲಾಗಿದೆ.

ಸಿದ್ಧಾರ್ಥ್ ಮಲ್ಹೋತ್ರಾ, ಶ್ರದ್ಧಾ ಕಪೂರ್ ಮತ್ತು ರಿತೇಶ ದೇಶಮುಖ ಅಭಿನಯದ 2014ರ ಏಕ್ ವಿಲಿಯನ್ ಚಿತ್ರದ ಮುಂದುವರೆದ ಭಾಗವಾಗಿದೆ. ಮೋಹಿತ್ ಸೂರಿ ನಿರ್ದೇಶನದ ಈ ಚಿತ್ರ ಮುಂದಿನ ವರ್ಷ ಫೆಬ್ರವರಿ 11 ರಂದು ಬಿಡುಗಡೆಯಾಗಲಿದೆ.