'ನನ್ನ ಸ್ಫೂರ್ತಿಗೆ ಹುಟ್ಟುಹಬ್ಬದ ಶುಭಾಶಯ': ತಾತನ ಬರ್ತ್​ಡೇಗೆ ವಿಶೇಷವಾಗಿ ವಿಶ್​ ಮಾಡಿದ ಆಲಿಯಾ

ನಟಿ ಆಲಿಯಾ ಭಟ್ ತಮ್ಮ ತಾತನ 93ನೇ ವರ್ಷದ ಹುಟ್ಟುಹಬ್ಬ ಆಚರಿಸಿದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ಫೋಟೋ ಶೇರ್​ ಮಾಡಿರುವ ಆಲಿಯಾ ತನ್ನ ಅಜ್ಜ, ತಾಯಿ ಸೋನಿ ರಜ್ದಾನ್ ಮತ್ತು ಸಹೋದರಿ ಶಾಹೀನ್ ಭಟ್ ಅವರೊಂದಿಗೆ ಪೋಸ್ ನೀಡುತ್ತಿರುವುದನ್ನು ನಾವು ನೋಡಬಹುದು.

ನವದೆಹಲಿ:ನಟಿ ಆಲಿಯಾ ಭಟ್​ ತಮ್ಮ ತಾತನ ಹುಟ್ಟುಹಬ್ಬವನ್ನು ಆಚರಿಸುವ ಮೂಲಕ ಮತ್ತೆ ಸದ್ದು ಮಾಡುತ್ತಿದ್ದಾರೆ. ಆಲಿಯಾ ಭಟ್​ ಅವರ ತಾತನಿಗೆ ಈಗ 93 ವರ್ಷ. ಆಲಿಯಾ ಹಾಗೂ ಕುಟುಂಬದವರು ಅವರ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಣೆ ಮಾಡಿದ್ದಾರೆ.

"ನನ್ನ ಸ್ಫೂರ್ತಿಗೆ 93 ವರ್ಷದ ಶುಭಾಶಯ. ಲವ್ ಯು ಗ್ಯಾಂಪ್ಸ್" ಎಂದು ಬರೆದುಕೊಂಡಿದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ಫೋಟೋ ಶೇರ್​ ಮಾಡಿರುವ ಆಲಿಯಾ ತನ್ನ ಅಜ್ಜ, ತಾಯಿ ಸೋನಿ ರಜ್ದಾನ್ ಮತ್ತು ಸಹೋದರಿ ಶಾಹೀನ್ ಭಟ್ ಅವರೊಂದಿಗೆ ಪೋಸ್ ನೀಡುತ್ತಿರುವುದನ್ನು ನಾವು ನೋಡಬಹುದು.

ಆಲಿಯಾ ಬಾಯ್​ಫ್ರೆಂಡ್, ನಟ ರಣಬೀರ್ ಕಪೂರ್ ಜೊತೆಗೆ ಅವರ ತಾಯಿ ನೀತು ಕಪೂರ್ ಮತ್ತು ಸಹೋದರಿ ರಿಧಿಮಾ ಕಪೂರ್ ಸಾಹ್ನಿ ಕೂಡ ಈ ಸಂದರ್ಭದಲ್ಲಿ ಭಾಗಿಯಾಗಿದ್ದಾರೆ.

ಇದನ್ನು ಓದಿ: ಪಾಪರಾಜಿ ಕ್ಯಾಮರಾ ಕಣ್ಣಿಗೆ ಬಿದ್ದ ಬಾಲಿವುಡ್​ ತಾರೆಯರು

ಇನ್ನು ನಟಿ ಆಲಿಯಾ ಅವರು ಸಂಜಯ್ ಲೀಲಾ ಭನ್ಸಾಲಿ ಅವರ 'ಗಂಗುಬಾಯ್​ದ ಖತಿಯಾವಾಡಿ', ರಾಮ್ ಚರಣ್ ಮತ್ತು ಜೂನಿಯರ್ ಎನ್​ಟಿಆರ್ ಅಭಿನಯದ 'ಆರ್.ಆರ್.ಆರ್' ಹಾಗೂ ರಣಬೀರ್ ಕಪೂರ್-ಅಮಿತಾಬ್ ಬಚ್ಚನ್ ಅಭಿನಯದ 'ಬ್ರಹ್ಮಾಸ್ತ್ರ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.