ಭೂತ ಕಂಡು ಬೆಚ್ಚಿಬಿದ್ದ ನಟಿ : ಅಪಾರ್ಟ್​ಮೆಂಟ್​​ನಲ್ಲಿ ಅಲಯಾ​ಗೆ ಭಯಾನಕ ಅನುಭವ

ನಟಿ ಅಲಯ ಎಫ್ ಅವರು ನ್ಯೂಯಾರ್ಕ್​ನಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದ ವೇಳೆ ಆದ ಭಯಾನಕ ಅನುಭವವನ್ನು ಹಂಚಿಕೊಂಡಿದ್ದಾರೆ. ಆ ವಿಲಕ್ಷಣ ಘಟನೆಯನ್ನು ನೆನಪಿಸಿಕೊಂಡ 'ಜವಾನಿ ಜಾನೆಮನ್' ನಟಿ ಆ ಘಟನೆ ನಡೆದಾಗ ತಾನು ನಿಜವಾಗಿಯೂ ಭಯಭೀತಳಾಗಿದ್ದೆ. ಮತ್ತೆ ಆ ನನ್ನ ಅಪಾರ್ಟ್​ಮೆಂಟ್​​ಗೆ ಹಿಂತಿರುಗಲು ಇಷ್ಟಪಡುವುದಿಲ್ಲ ಎಂದು ಹೇಳಿದ್ದಾರೆ..

ಹೈದರಾಬಾದ್ ​​:ನಟಿ ಅಲಯ ಎಫ್ ಅವರು ನ್ಯೂಯಾರ್ಕ್​ನಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದ ವೇಳೆ ತಾವಿದ್ದ ಅಪಾರ್ಟ್​ಮೆಂಟ್​​ನಲ್ಲಿ ನಡೆದ ಭಯಾನಕ ಅನುಭವವೊಂದನ್ನು ಹಂಚಿಕೊಂಡಿದ್ದಾರೆ. ತಮ್ಮ ಫ್ಲ್ಯಾಟ್​​ನಲ್ಲಿ ನಡೆದ ಆ ಒಂದು ಘಟನೆ ಬಳಿಕ ನಾನು ಅಪಾರ್ಟ್​ಮೆಂಟ್​ಗೆ ಹೋಗಲು ಹೆದರುತ್ತಿದ್ದೆ. ಅಲ್ಲಿ ಏನೇನೋ ಘಟನೆಗಳು ನಡೆಯುತ್ತಿದ್ದವು ಎಂದು ಹೇಳಿಕೊಂಡಿದ್ದಾರೆ.

'spooky experience' ಎಂಬ ಡಿಜಿಟಲ್​ ಫ್ಲಾಟ್​ಫಾರ್ಮ್​ನಲ್ಲಿ ತಾವು ಭಯಭೀತರಾಗಿದ್ದ ಸನ್ನಿವೇಶವೊಂದನ್ನು ಶೇರ್​ ಮಾಡಿಕೊಂಡಿದ್ದಾರೆ. ನಾನು ವಿದ್ಯಾಭ್ಯಾಸಕ್ಕೆಂದು ನ್ಯೂಯಾರ್ಕ್​​ನಲ್ಲಿದ್ದಾಗ ನಾನಿದ್ದ ಅಪಾರ್ಟ್​​ಮೆಂಟ್​ನಲ್ಲಿ ಭೂತವಿತ್ತು. ಕೆಲವೊಮ್ಮೆ ಭಯಾನಕ ಎನಿಸುವ ದೊಡ್ಡದಾಗಿ ಶಬ್ಧ ಮಾಡುವ ಹೆಜ್ಜೆ ಸಪ್ಪಳಗಳನ್ನು ಕೇಳುತ್ತಿದ್ದೆ. ಕೆಲವೊಮ್ಮೆ ಬಾತ್​ರೂಮ್​ನಲ್ಲಿ ಶವರ್​ ತಾನಾಗೇ ಆನ್​​ ಆಗುತ್ತಿತ್ತು ಎಂದು ತಮಗಾದ ಎದೆ ಝಲ್​ ಎನಿಸುವ ಅನುಭವವನ್ನು ಹಂಚಿಕೊಂಡಿದ್ದಾರೆ.

ನಟಿ ಪೂಜಾ ಬೇಡಿ ಅವರ ಪುತ್ರಿ ಮತ್ತು ನಟ ಕಬೀರ್ ಬೇಡಿ ಅವರ ಮೊಮ್ಮಗಳಾದ ಅಲಯ ಅವರು ತಮ್ಮ ನ್ಯೂಯಾರ್ಕ್​ ಮನೆಯಲ್ಲಿ ಏನೇನೋ ಸಂಗತಿಗಳು ನಡೆಯುತ್ತಿದ್ದವು ಎಂದು ಹೇಳಿದ್ದಾರೆ. ಮನೆಯಲ್ಲಿ ಯಾರೋ ನನ್ನ ಮುಂದೆ ಹೋದ ಹಾಗೆ ಆಗುತ್ತಿತ್ತು. ಸಡನ್​ ಆಗಿ ಅವರು ಕಾಣಿಸಿ ಕಣ್ಮರೆಯಾಗುತ್ತಿದ್ದರು.

ಆದರೆ, ನನ್ನ ರೂಮ್​ಮೇಟ್​ ಕೇಳಿದ್ರೆ, ಇಲ್ಲ ಯಾರೂ ಕಾಣಿಸಿಲ್ಲ ಎನ್ನುತ್ತಿದ್ದರು. ಆದರೆ, ಅಲಯಗೆ ಮಾತ್ರ ಯಾರೋ ತನ್ನ ಬೆನ್ನ ಹಿಂದೆ ಓಡಿಹೋದ ಹಾಗೆ ಭಾಸವಾಗ್ತಿತ್ತಂತೆ. ಈ ಘಟನೆಗಳ ಬಳಿಕ ನಾನು ಮನೆಗೆ ತೆರಳಲು ಸಾಕಷ್ಟು ಭಯ ಪಡುತ್ತಿದ್ದೆ ಎಂದು ಅವರು ಹೇಳಿಕೊಂಡಿದ್ದಾರೆ.

ಅಲಯ ಮಾತ್ರವಲ್ಲ, ಈ ಹಿಂದೆ ಜಾಹ್ನವಿ ಕಪೂರ್, ರಣವೀರ್ ಸಿಂಗ್, ವರುಣ್ ಧವನ್, ವಿಕ್ಕಿ ಕೌಶಲ್, ನವಾಜುದ್ದೀನ್ ಸಿದ್ದಿಕಿ ಮತ್ತು ಬಿಪಾಶಾ ಬಸು ಅವರ ನಿಜ ಜೀವನದಲ್ಲಿ ನೋಡಿದ ಭೂತ ಕಥೆಗಳನ್ನು ಸಹ ಹಂಚಿಕೊಂಡಿದ್ದಾರೆ.