ಕುಟುಂಬದ ಜೊತೆ ಕ್ರಿಸ್​ಮಸ್​​ ಔತಣಕೂಟಕ್ಕೆ ತೆರಳಿದ ನಟಿ ಕರೀನಾ

ಕೊರೊನಾದಿಂದ ಗುಣಮುಖರಾದ ಬಾಲಿವುಡ್ ನಟಿ ಕರೀನಾ ಕಪೂರ್​ ಕುಟುಂಬದೊಂದಿಗೆ ಕ್ರಿಸ್​ಮಸ್​ ಎಂಜಾಯ್​ ಮಾಡ್ತಿದ್ದಾರೆ..

ಹೈದರಾಬಾದ್ :ಬಾಲಿವುಡ್ ನಟಿ ಕರೀನಾ ಕಪೂರ್​​ ಒಮಿಕ್ರಾನ್​ ವರದಿ ನೆಗೆಟಿವ್​​ ಬಂದು ಹಿನ್ನೆಲೆ ಇಂದು ಪತಿ ಸೈಫ್ ಅಲಿ ಖಾನ್ ಮತ್ತು ಪುತ್ರರಾದ ತೈಮೂರ್ ಮತ್ತು ಜೆಹ್ ಅಲಿ ಖಾನ್​​​ರೊಂದಿಗೆ ಕ್ರಿಸ್​ಮಸ್​​ ಔತಣ ಕೂಟಕ್ಕೆ ಮುಂಬೈಗೆ ತೆರಳಿದರು.

ಕರೀನಾ ಚರ್ಮದ ಕಂದು ಬಣ್ಣದ ಪ್ಯಾಂಟ್‌ನೊಂದಿಗೆ ಕಪ್ಪು ಟೀ ಶರ್ಟ್​​​​ನಲ್ಲಿ ಕಾಣಿಸಿಕೊಂಡರೆ, ಸೈಫ್ ಜೀನ್ಸ್ ಮತ್ತು ಬೂಟು ಧರಿಸಿದ್ದರು. ಇತ್ತ ತೈಮೂರ್​ ಕುರ್ತಾ-ಪೈಜಾಮಾದಲ್ಲಿ ಮಿಂಚಿದರೆ, ಜೆಹ್ ಜೀನ್ಸ್‌ನೊಂದಿಗೆ ತಿಳಿ ನೀಲಿ ಶರ್ಟ್‌ನಲ್ಲಿ ಕಾಣಿಸಿದರು.

ಡಿಸೆಂಬರ್​​​ ತಿಂಗಳಲ್ಲಿ ಪಾರ್ಟಿವೊಂದರಲ್ಲಿ ಭಾಗಿಯಾಗಿದ್ದ ಕರೀನಾ ಕಪೂರ್ ಹಾಗೂ ಆಕೆಯ ಸ್ನೇಹಿತೆ ಅಮೃತಾ ಅರೋರಾಗೆ ಕೊರೊನಾ ತಗುಲಿತ್ತು. ಹೀಗಾಗಿ, ಅವರನ್ನು ಕ್ವಾರಂಟೈನ್​​ ಮಾಡಿ ಅವರು ವಾಸವಾಗಿದ್ದ ನಾಲ್ಕು ಕಟ್ಟಡಗಳನ್ನು ಸೀಲ್​ಡೌನ್ ಮಾಡಲಾಗಿತ್ತು.

ಕ್ವಾರಂಟೈನ್​ಗೊಳಗಾಗಿದ್ದ ನಟಿ ಕರೀನಾ ಹಾಗೂ ಆಕೆಯ ಸ್ನೇಹಿತೆಯನ್ನು ಜೀನೋಮ್​ ಸಿಕ್ವೆನ್ಸಿಂಗ್​ ಪರೀಕ್ಷೆಗೊಳಪಡಿಸಲಾಗಿತ್ತು. ವರದಿಯಲ್ಲಿ ಒಮಿಕ್ರಾನ್​​ ಸೋಂಕು ಪತ್ತೆಯಾಗಿಲ್ಲ ಎಂದು ಬೃಹನ್​ ಮುಂಬೈ ಕಾರ್ಪೊರೇಷನ್​​​​​ ಶುಕ್ರವಾರ ಮಾಹಿತಿ ನೀಡಿತ್ತು.

ಸದ್ಯ ಕರೀನಾ ಅಮೀರ್ ಖಾನ್​ ಅಭಿನಯದ ಲಾಲ್ ಸಿಂಗ್ ಚಡ್ಡಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ 2022ರ ಪ್ರೇಮಿಗಳ ದಿನದಂದು ಬಿಡುಗಡೆಯಾಗಲಿದೆ.