ಕರೀನಾ ಕಪೂರ್ ಖಾನ್ ಅವ್ರ 'ಪೂ' ಪಾತ್ರವನ್ನು ರಿ ಕ್ರಿಯೇಟ್​ ಮಾಡಿದ ಜಾನ್ವಿ ಕಪೂರ್

ಕರೀನಾ ಕಪೂರ್ ಖಾನ್ ಅವರ 'ಪೂ' ಪಾತ್ರವನ್ನು ಜಾನ್ವಿ ಕಪೂರ್ ಮರುಸೃಷ್ಟಿಸುವ ಮೂಲಕ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ..

ಹೈದರಾಬಾದ್ :ಕರಣ್ ಜೋಹರ್ ಅವರ 'ಕಭಿ ಖುಷಿ ಕಭಿ ಗಮ್' ಚಿತ್ರ ತೆರೆಕಂಡು 20 ವರ್ಷ ತುಂಬಿದೆ. ಈ ಚಿತ್ರವು 2001ರ ಡಿಸೆಂಬರ್ 14ರಂದು ಬಿಡುಗಡೆಯಾಗಿ ಭಾರಿ ಯಶಸ್ಸು ಕಂಡಿತ್ತು.

ಚಿತ್ರದ 20 ವರ್ಷಗಳ ಈ ಸಂದರ್ಭದಲ್ಲಿ ಚಿತ್ರನಟರು ಆಯಾ ದೃಶ್ಯಗಳನ್ನ ರಿ ಕ್ರಿಯೇಟ್​ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಇನ್ನೂ ಚಿತ್ರದಲ್ಲಿ ನಟಿಸದ ಜಾನ್ವಿ ಕಪೂರ್ ಕೂಡ ಚಿತ್ರಕ್ಕೆ ಸಂಬಂಧಿಸಿದ ಕರೀನಾ ಕಪೂರ್ ಖಾನ್ ಅವ್ರ 'ಪೂ' ಪಾತ್ರದ ದೃಶ್ಯವನ್ನು ಮರುಸೃಷ್ಟಿಸುವ ಮೂಲಕ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ.

'ಪೂ' ಆಗಿ ಜಾನ್ವಿ ಕಪೂರ್ :'ಕಭಿ ಖುಷಿ ಕಭಿ ಗಮ್' ಚಿತ್ರದ ಪ್ರತಿ ಪಾತ್ರವೂ ಸೂಪರ್‌ ಹಿಟ್ ಆಗಿತ್ತು. ಅದರಲ್ಲೂ ಕರೀನಾ ಕಪೂರ್ ಖಾನ್ ಅವರ 'ಪೂ' ಪಾತ್ರವು ಅತ್ಯಂತ ವಿಭಿನ್ನ ಎನಿಸಿತ್ತು. ಇದೀಗ ಜಾನ್ವಿ ಪೂ ಆಗುವ ಮೂಲಕ ಅಭಿಮಾನಿಗಳ ಮನ ಗೆದ್ದಿದ್ದಾರೆ.

ಜಾನ್ವಿ ಕಪೂರ್ ಕರೀನಾ ಕಪೂರ್ ಅವರ 'ಪೂ' ಪಾತ್ರವನ್ನು ಮರು ಸೃಷ್ಟಿಸಿದ್ದಾರೆ. ಜೊತೆಗೆ ಪೂ ಪಾತ್ರವನ್ನು ಹಾಡಿ ಹೊಗಳಿದ್ದಾರೆ. ಬಾಲಿವುಡ್ ತಾರೆಯರು ಸೇರಿದಂತೆ ಅಭಿಮಾನಿಗಳು ಜಾನ್ವಿ ಅವರ ಈ ಶೈಲಿಯನ್ನು ಇಷ್ಟಪಡುತ್ತಿದ್ದಾರೆ.

ಕಾಜೋಲ್ ಪಾತ್ರ :ಚಿತ್ರ 20ವರ್ಷ ಪೂರೈಸಿರುವ ಈ ಸಂದರ್ಭದಲ್ಲಿ ಪ್ರಮುಖ ಪಾತ್ರದಲ್ಲಿ ಮಿಂಚಿದ್ದ ನಟಿ ಕಾಜೋಲ್ ಮತ್ತೊಮ್ಮೆ ತಮ್ಮ ಪಾತ್ರವನ್ನು ಮರುಸೃಷ್ಟಿಸಿದರು. ಧರ್ಮಾ ಪ್ರೊಡಕ್ಷನ್ಸ್ ತಂಡ ಕಾಜೋಲ್ ಅವರ ಪಾತ್ರದ ಕುರಿತು ಇನ್​ಸ್ಟಾಗ್ರಾಮ್​​ ರೀಲ್ ಅನ್ನು ರಚಿಸಿದೆ.

ಅದರಲ್ಲಿ ಅವರು 'ತುಜ್ಸೆ ಬಡೇ ಐಕಾನಿಕ್ ಹೋ ಜಿ, ಬಡೇ ಐಕಾನಿಕ್' ಎಂದು ಹೇಳುತ್ತಿದ್ದಾರೆ. ಇದಾದ ನಂತರ ಅವರ ಕೆಲ ಡೈಲಾಗ್‌ಗಳನ್ನು ಸೇರಿಸಲಾಗಿದೆ. ಕಾಜೋಲ್ ಅವರ ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.

ಇದನ್ನೂ ಓದಿ:ಬಿಡುಗಡೆಯಾಗಿ 20ನೇ ವಾರ್ಷಿಕೋತ್ಸವ ಆಚರಿಸಿಕೊಳ್ಳುತ್ತಿರುವ ಬಾಲಿವುಡ್​ನ ಬ್ಲಾಕ್‍ ಬಸ್ಟರ್ ಚಿತ್ರ

2000ರಲ್ಲಿ 'ಕಭಿ ಖುಷಿ ಕಭಿ ಗಮ್' ಯಶಸ್ವಿ ಚಿತ್ರವಾಗಿ ಹೊರಹೊಮ್ಮಿತ್ತು. ಇದರಲ್ಲಿ ಅಮಿತಾಬ್ ಬಚ್ಚನ್, ಜಯಾ ಬಚ್ಚನ್, ಶಾರುಖ್ ಖಾನ್, ಕಾಜೋಲ್, ಹೃತಿಕ್ ರೋಷನ್ ಮತ್ತು ಕರೀನಾ ಕಪೂರ್ ಖಾನ್ ಮೊದಲ ಬಾರಿಗೆ ಒಟ್ಟಿಗೆ ಕಾಣಿಸಿಕೊಂಡರು. ಈ ಚಿತ್ರವನ್ನು ಕರಣ್ ಜೋಹರ್ ನಿರ್ಮಿಸಿದ್ದಾರೆ.