ಹೈದರಾಬಾದ್:ಟಾಲಿವುಡ್ ನಟ ಅಲ್ಲು ಅರ್ಜುನ್ ಅಭಿನಯದ ಪುಷ್ಪ ಸಿನಿಮಾದ ಶ್ರೀವಲ್ಲಿ, ಊ ಅಂಟಾವಾ, ಸಾಮಿ ಹಾಡುಗಳು ಎಲ್ಲರ ಬಾಯಲ್ಲಿ ಗುನುಗುತ್ತಿರುತ್ತಿವೆ. ಸೋಷಿಯಲ್ ಮೀಡಿಯಾದಲ್ಲಂತೂ ಭಾರೀ ವೈರಲ್ ಆಗಿವೆ. ಈ ಮಧ್ಯೆಯೇ 'ಕಚ್ಚಾ ಬಾದಾಮ್' ಹಾಡು ಕೂಡ ಹೊಸ ಟ್ರೆಂಡ್ ಸೃಷ್ಟಿಸಿದೆ.
ಕಚ್ಚಾ ಬಾದಾಮ್ ಹಾಡಿಗೆ ಅಲ್ಲು ಅರ್ಜುನ್ ಅವರ ಮಗಳು ಅರ್ಹಾ ಕೂಡ ಹೆಜ್ಜೆ ಹಾಕಿದ್ದು, ಆ ವಿಡಿಯೋವನ್ನು ನಟ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೇ, 'ಮೇರಿ ಚೋಟಿ ಬಾದಾಮ್ ಅರ್ಹಾ' ಎಂದು ಬರೆದುಕೊಂಡಿದ್ದಾರೆ.
ಇದಕ್ಕೆ ಸಾಕಷ್ಟು ಅಭಿಮಾನಿಗಳು ಕಮೆಂಟ್ ಮಾಡಿದ್ದರೆ, 22 ಲಕ್ಷಕ್ಕೂ ಅಧಿಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನಟಿ ಸಂಯಕ್ತಾ ಹೆಗಡೆ ಈ ವಿಡಿಯೋಗೆ 'ತುಂಬಾ ಮುದ್ದಾಗಿದೆ' ಎಂದು ಕಮೆಂಟ್ ಮಾಡಿ ಹಾರ್ಟ್ ಸಿಂಬಲ್ ಹಾಕಿದ್ದಾರೆ. ಇದಲ್ಲದೇ, ನಟ ಅಲ್ಲು ಅರ್ಜುನ್ ಅವರು, ತಮ್ಮ ಮಗಳು ಕುಟುಂಬದೊಂದಿಗೆ 16 ದಿನಗಳ ವಿದೇಶ ಪ್ರವಾಸ ಮುಗಿಸಿ ವಾಪಸ್ ಆಗುತ್ತಿರುವ ಹಿನ್ನೆಲೆ ಭಾರತಕ್ಕೆ ಸ್ವಾಗತಿಸುತ್ತಿರುವ ಪೋಸ್ಟ್ ಕೂಡ ಹಾಕಿದ್ದಾರೆ.
ನಟ ಅಲ್ಲು ಅರ್ಜುನ್ ಅವರ ಪುಷ್ಪ ಸಿನಿಮಾದ ಮೊದಲ ಭಾಗ ದೇಶಾದ್ಯಂತ ಪ್ರದರ್ಶನ ಕಂಡು ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ. ಅಲ್ಲದೇ, ಚಿತ್ರದಲ್ಲಿನ ಅಲ್ಲು ನಟನೆ ಮತ್ತು ನೃತ್ಯಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಈ ಸಿನಿಮಾ ನೂರು ಕೋಟಿ ಕ್ಲಬ್ಗೆ ಸೇರಿದೆ.
ಓದಿ:ಯೋಗರಾಜ್ ಭಟ್ಟರ 'ಗರಡಿ'ಯಿಂದ ಹೊರಬಂದ ರಚಿತಾ ರಾಮ್... ಡಿಂಪಲ್ ಕ್ವೀನ್ ಜಾಗಕ್ಕೆ ಸೋನಾಲ್!