ಹೈದರಾಬಾದ್ :ಇತ್ತೀಚೆಗೆ ಕೋವಿಡ್-19ನಿಂದ ಚೇತರಿಸಿಕೊಂಡಿರುವ ಬಾಲಿವುಡ್ ಸೂಪರ್ಸ್ಟಾರ್ ಅಮೀರ್ ಖಾನ್, ತಮ್ಮ ಬಹು ನಿರೀಕ್ಷಿತ ಚಿತ್ರ 'ಲಾಲ್ ಸಿಂಗ್ ಚಡ್ಡಾ' ಚಿತ್ರದ ಶೂಟಿಂಗ್ ಪುನಾರಂಭಿಸಿದ್ದಾರೆ ಎಂದು ವರದಿಯಾಗಿದೆ. ಜೂನ್ 7ರಿಂದ ಮಹಾರಾಷ್ಟ್ರ ಸರ್ಕಾರ ಎಲ್ಲಾ 5 ಹಂತದ ಅನ್‌ಲಾಕ್ ಆರಂಭಿಸಿದ ಕೂಡಲೇ, ಚಲನಚಿತ್ರ ಮತ್ತು ಟಿವಿಗಳು ಸಂಜೆ 5 ಗಂಟೆಯ ಸಮಯ ಮಿತಿಯೊಂದಿಗೆ ಚಿತ್ರೀಕರಣ ಪ್ರಾರಂಭಿಸಿವೆ.
ವರದಿ ಪ್ರಕಾರ ಇಂದಿನಿಂದ ಮುಂಬೈನಲ್ಲಿ ಲಾಲ್ ಸಿಂಗ್ ಚಡ್ಡಾ ಸಿನಿಮಾ ಚಿತ್ರೀಕರಣ ಮರು ಆರಂಭವಾಗಿದೆ. ಆದಷ್ಟು ಕಡಿಮೆ ಅವಧಿಯಲ್ಲಿ ಸಿನಿಮಾ ಶೂಟಿಂಗ್ ಮುಗಿಸಲು ಚಿತ್ರತಂಡ ನಿರ್ಧರಿಸಿದೆ. ಲಡಾಖ್‌ನಲ್ಲಿ ಯುದ್ಧದ ದೃಶ್ಯ ಚಿತ್ರೀಕರಿಸಲು ಯೋಜಿಸಿರುವ ಹಿನ್ನೆಲೆ, ಅದಕ್ಕೂ ಮುನ್ನ ಮುಂಬೈನಲ್ಲಿ ಕೆಲವು ಸೀನ್ಗಳನ್ನು ಚಿತ್ರತಂಡ ಶೂಟ್ ಮಾಡುತ್ತಿದೆ. ಅಗತ್ಯ ಕೊರೊನಾ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡು ಆದಷ್ಟು ಕಡಿಮೆ ಸಿಬ್ಬಂದಿ ಬಳಸಿ ಚಿತ್ರೀಕರಣ ಮಾಡಲಾಗುತ್ತಿದೆ.