ಶೀಘ್ರದಲ್ಲೇ ವಾಟ್ಸ್​​ಆ್ಯಪ್​​ ಸಂದೇಶ ಎಡಿಟ್​ ಮಾಡುವ ಅವಕಾಶ

ಒಮ್ಮೆ ಕಳುಹಿಸಿದ ಸಂದೇಶವನ್ನೇ ಮತ್ತೊಮ್ಮೆ ಎಡಿಟ್​​ ಮಾಡುವ ಫೀಚರ್ಸ್ ಪರಿಚಯಿಸಲು ವಾಟ್ಸ್​​ಆ್ಯಪ್​ ಮುಂದಾಗಿದೆ. ಅದು ಹೇಗೆ ಎಂಬುದು ಸೇರಿ ಇತರ ಪ್ರಶ್ನೆಗಳ ಬಗ್ಗೆ ಸದ್ಯಕ್ಕೆ ಹೆಚ್ಚಿನ ಮಾಹಿತಿ ಇಲ್ಲ. ಆದರೆ, ಶೀಘ್ರದಲ್ಲಿ ಇಂತಹ ಹೊಸ ಫೀಚರ್ಸ್ ಅಂತೂ ಬಳಕೆದಾರರಿಗೆ ಸಿಗಲಿದೆ.

ಸ್ಯಾನ್ ಫ್ರಾನ್ಸಿಸ್ಕೋ (ಅಮೆರಿಕ): ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಮುಖವಾದ ಮತ್ತು ಅಸಂಖ್ಯ ಬಳಕೆದಾರರನ್ನು ಹೊಂದಿರುವ ವಾಟ್ಸ್​​ಆ್ಯಪ್​ ಈಗ ಹೊಸ ಫೀಚರ್ಸ್ ಪರಿಚಯಿಸಲು ಮುಂದಾಗಿದೆ. ವಾಟ್ಸ್​​ಆ್ಯಪ್​​ನಲ್ಲಿ ಕಳುಹಿಸಿದ ಸಂದೇಶವನ್ನು ಮತ್ತೊಮ್ಮೆ ಎಡಿಟ್​​ಗೆ ಅವಕಾಶ ಮಾಡಿಕೊಡುವ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುತ್ತಿದೆ.

ಮೆಟಾ ಮಾಲೀಕತ್ವದ ವಾಟ್ಸ್​​ಆ್ಯಪ್ ಮತ್ತಷ್ಟು ಅಪ್​ಡೇಟ್ ಆಗುತ್ತಿದ್ದು, ಭವಿಷ್ಯದಲ್ಲಿ ಒಮ್ಮೆ ಕಳುಹಿಸಿದ ಸಂದೇಶವನ್ನೇ ಮತ್ತೆ ತಿದ್ದುವ ಅವಕಾಶ ಮಾಡಿಕೊಡುತ್ತಿದೆ. ಈ ನಿಟ್ಟಿನಲ್ಲಿ ಈಗಾಗಲೇ ವಾಟ್ಸ್​​ಆ್ಯಪ್ ಗಮನ ಹರಿಸಿದ್ದು, ಇದರ ಕಾರ್ಯ ಪ್ರಗತಿ ಹಂತದಲ್ಲಿದೆ.

ಒಂದು ವೇಳೆ ಇದು ಸಂಪೂರ್ಣವಾಗಿ ಅಭಿವೃದ್ಧಿ ಹೊಂದಿದರೆ, ಈ ಹಿಂದೆ ಕಳುಹಿಸಿದ ಸಂದೇಶದಲ್ಲಿ ಯಾವುದೇ ದೋಷಗಳು ಅಥವಾ ಬದಲಾವಣೆಗಳು ಇದ್ದರೆ ಅದನ್ನು ಸರಿಪಡಿಸಲು ಬಳಕೆದಾರರಿಗೆ ಅವಕಾಶ ಸಿಕ್ಕಂತೆ ಆಗುತ್ತದೆ. ಈಗಿರುವ ವಾಟ್ಸ್​​ಆ್ಯಪ್​ನಲ್ಲಿ ಒಮ್ಮೆ ಕಳುಹಿಸಿದ ಸಂದೇಶವನ್ನು ಎಡಿಟ್​ ಮಾಡುವ ಅವಕಾಶ ಇಲ್ಲ. ಆದರೆ, ಎಡಿಟ್ ಫೀಚರ್ಸ್ ಪರಿಚಯಿಸಿದ ನಂತರ ಬಳಕೆದಾರರು ಇದರ ಲಾಭವನ್ನು ಪಡೆಯುಬಹುದು ಎಂದು ವರದಿಯಾಗಿದೆ.

ಇದನ್ನೂ ಓದಿ:ಡಿಜಿಲಾಕರ್ ಸೇವೆ ಇನ್ನು‌ ಮುಂದೆ ವಾಟ್ಸ್​ಆ್ಯಪ್​ ಮೂಲಕವೂ ಲಭ್ಯ