ಸ್ಯಾನ್ ಫ್ರಾನ್ಸಿಸ್ಕೋ( ಅಮೆರಿಕ): ಮೆಟಾ - ಮಾಲೀಕತ್ವದ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ WhatsApp ಆಂಡ್ರೈಡ್ನಲ್ಲಿ ತನ್ನ ವ್ಯಾಪಾರ ಅಪ್ಲಿಕೇಶನ್‌ಗೆ ಗುಂಪುಗಳನ್ನು ರಚಿಸಲು ಕೆಲಸ ಮಾಡುತ್ತಿದೆ ಎಂದು ವರದಿಯಾಗಿದೆ. Wabatinfo ವರದಿಯ ಪ್ರಕಾರ, ಕಳೆದ ವರ್ಷ ಪರಿಚಯಿಸಲಾದ ವ್ಯಾಪಾರಿ ಟ್ಯಾಬ್ ಅನ್ನು ತನ್ನ ಪ್ಲಾಟ್‌ಫಾರ್ಮ್‌ನಿಂದ ತೆಗೆದುಹಾಕುವ ಸಾಧ್ಯತೆಯಿಲ್ಲ. ಬದಲಾಗಿ, ಇದು ಅಪ್ಲಿಕೇಶನ್ ಮೆನುವಿನಲ್ಲಿ ಹೊಸ ವೈಶಿಷ್ಟ್ಯವನ್ನು ಸೇರ್ಪಡೆ ಮಾಡಬಹುದು ಎಂದು ವರದಿಯಾಗಿದೆ.
ಮತ್ತಷ್ಟು ನವೀಕರಣಗಳ ಅಭಿವೃದ್ಧಿಯಲ್ಲಿ ಮೆಟಾ:ಬಳಕೆದಾರರು ಮೆನುವಿನಲ್ಲಿ 'ಕಮ್ಯೂನಿಟಿಸ್ಗಳನ್ನು' ತೆರೆದಾಗ, ಅದರ ಎಲ್ಲ ಉಪ ಗುಂಪುಗಳು ಮತ್ತು ಸಮುದಾಯ ಪ್ರಕಟಣೆ ಗುಂಪುಗಳನ್ನು ಒಳಗೊಂಡಂತೆ ಅವರು ಹಿಂದೆ ರಚಿಸಿದ ಮತ್ತು ಸೇರಿರುವ ಎಲ್ಲಾ ಗ್ರೂಪ್ಗಳ ಪಟ್ಟಿಯನ್ನು ಅಲ್ಲಿ ಕಾಣಬಹುದಾಗಿದೆ. ಹೆಚ್ಚುವರಿಯಾಗಿ, ವಾಟ್ಸ್ಆ್ಯಪ್ ಬಿಸಿನೆಸ್ ನಲ್ಲಿ ಹೊಸ ಗುಂಪನ್ನು ರಚಿಸಲು ಸಾಧ್ಯವಾಗಲಿದೆ. WhatsApp ಬ್ಯುಸಿನೆಸ್‌ನಲ್ಲಿ ಗ್ರೂಪ್ಗಳನ್ನು ರಚಿಸುವ, ನಿರ್ವಹಿಸುವ ಮತ್ತು ಬಳಸುವ ಸಾಮರ್ಥ್ಯವನ್ನು ಮತ್ತಷ್ಟು ಅಭಿವೃದ್ಧಿ ಪಡಿಸಲು ಮೆಟಾ ನಿರ್ಧರಿಸಿದೆ. ಮತ್ತು ಅದಿನ್ನು ಅಭಿವೃದ್ಧಿ ಹಂತದಲ್ಲಿದೆ. ಆದ್ದರಿಂದ ಬೀಟಾ ಪರೀಕ್ಷಕರಿಗೆ ಬಿಡುಗಡೆ ಮಾಡಲು ಇನ್ನೂ ಸಿದ್ಧವಾಗಿಲ್ಲ ಎಂದು ವರದಿ ಹೇಳಲಾಗುತ್ತಿದೆ.
ಇದನ್ನು ಓದಿ: ರಸಗೊಬ್ಬರ ಇಂಗಾಲದ ಹೊರಸೂಸುವಿಕೆಯನ್ನು ಶೇ 80 ರಷ್ಟು ಕಡಿಮೆ ಮಾಡಬಹುದು:ಹೊಸ ಅಧ್ಯಯನ
ಹೊಸ ನವೀಕರಣಗಳಲ್ಲಿ ಏನೇನಿವೆ?: ಕಳೆದ ವರ್ಷ ನವೆಂಬರ್‌ನಲ್ಲಿ, ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ಬಳಕೆದಾರರಿಗೆ ಉತ್ತಮ ವಾಣಿಜ್ಯ ಅನುಭವಕ್ಕಾಗಿ ಹೊಸ ವೈಶಿಷ್ಟ್ಯಗಳನ್ನು ಪ್ರಕಟಿಸಲಾಗಿತ್ತು. ಮತ್ತು ಅವರ ನೆಚ್ಚಿನ ಬ್ರ್ಯಾಂಡ್‌ಗಳೊಂದಿಗೆ ಸಂಪರ್ಕ ಸಾಧಿಸಲು ಮತ್ತು ಪ್ಲಾಟ್‌ಫಾರ್ಮ್‌ನಲ್ಲಿ ಹೊಸದನ್ನು ಅನ್ವೇಷಿಸಲು ಸಹಾಯ ಮಾಡಿದೆ ಎಂದು ಭಾವಿಸಲಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.