ಇನ್ಮುಂದೆ ವಾಟ್ಸಪ್ ಸ್ಟೇಟಸ್‌ಗಳಿಗೆ ಎಮೋಜಿಗಳ ಮೂಲಕ ಪ್ರತಿಕ್ರಿಯಿಸಿ!

ವಾಟ್ಸಾಪ್ ಕಂಪನಿಯು ಬಳಕೆದಾರರಿಗಾಗಿ ಹೊಸ ವೈಶಿಷ್ಟ್ಯವನ್ನು ಅಭಿವೃದ್ಧಿಪಡಿಸುತ್ತಿದೆ.

ಸ್ಯಾನ್ ಫ್ರಾನ್ಸಿಸ್ಕೋ: ಮೆಟಾ ಒಡೆತನದ ವಾಟ್ಸಾಪ್ ಹೊಸ ಹೊಸ ಅಪ್ಡೇಟ್​ಗಳ ಮೂಲಕ ಬಳಕೆದಾರರ ಗಮನ ಸೆಳೆಯುತ್ತಿದೆ. ಇದೀಗ WhatsApp statusನಲ್ಲಿ ಎಮೋಜಿಗಳ ಮೂಲಕ ಇನ್‌ಸ್ಟಂಟ್ ಆಗಿ ಪ್ರತಿಕ್ರಿಯಿಸುವ ಆಯ್ಕೆಯನ್ನು ತರಲಾಗುತ್ತಿದೆ ಎಂದು ತಿಳಿದುಬಂದಿದೆ.

ಇನ್ಮುಂದೆ ವಾಟ್ಸಾಪ್​ನಲ್ಲಿ ಸ್ಟೇಟಸ್ ಅಪ್‌ಡೇಟ್ ವೀಕ್ಷಿಸುವಾಗ ಎಮೋಜಿ ಮೂಲಕವೇ ನಾವು ಪ್ರತಿಕ್ರಿಯಿಸಬಹುದು. ಪ್ರಸ್ತುತ ಆವೃತ್ತಿಯಲ್ಲಿ ಇಷ್ಟ, ಪ್ರೀತಿ, ನಗು, ಆಶ್ಚರ್ಯ, ದುಃಖ ಮತ್ತು ಧನ್ಯವಾದಗಳನ್ನು ವ್ಯಕ್ತಪಡಿಸುವ ಆರು ಎಮೋಜಿಗಳನ್ನು ತರಲಾಗುತ್ತಿದೆ. ಇನ್ಸ್​ಸ್ಟಾಗ್ರಾಮ್​ ಸ್ಟೋರಿಗಳಿಗೆ ಎಮೋಜಿಗಳ ಮೂಲಕ ರಿಪ್ಲೈ ಮಾಡಬಹುದಾದ ಆಯ್ಕೆಯ ರೀತಿಯಲ್ಲೇ ಇದೂ ಕೂಡ ಇರಲಿದೆ ಎನ್ನಲಾಗಿದೆ.

ಹೊಸ ಅವೃತ್ತಿಯಲ್ಲಿ ನಿಮ್ಮ ಸ್ಟೇಟಸ್​ಗೆ ಯಾರು ಯಾವ ಎಮೋಜಿಯನ್ನು ನೀಡಿದ್ದಾರೆ ಎಂದು ನೋಡಬಹುದು. ಈ ಆಯ್ಕೆಯು ಸದ್ಯ ಅಭಿವೃದ್ಧಿ ಹಂತದಲ್ಲಿದೆ. ಆದ್ದರಿಂದ ಇದನ್ನು ಇನ್ನೂ ಹೊರತಂದಿಲ್ಲ. ಪ್ರತಿಯೊಬ್ಬರನ್ನು ತಲುಪಲು ಇನ್ನೂ ಏಳು ದಿನಗಳು ಬೇಕಾಗಬಹುದು ಎಂಬ ಮಾಹಿತಿ ಲಭ್ಯವಾಗಿದೆ.

ಇದನ್ನೂ ಓದಿ:850 ಪಾಯಿಂಟ್​ ಕುಸಿದ ಮುಂಬೈ ಷೇರು ಸೂಚ್ಯಂಕ; ದೈತ್ಯ ಕಂಪನಿಗಳಿಗೆ ನಷ್ಟ