ವಾಷಿಂಗ್ಟನ್: ಗೂಗಲ್ ಸರ್ಚ್ ಇಂಜಿನ್ ಯಶಸ್ಸಿನ ಕುರಿತು ಮಾತನಾಡಿರುವ ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾದೆಲ್ಲಾ, ಗೂಗಲ್ ತನ್ನ ಡೊಮೈನ್ಗೆ ಬಳಕೆ ಮಾಡಿದ ಅನ್ಯಾಯದ ತಂತ್ರಜ್ಞಾನಗಳೇ ಕಾರಣ. ಇದರಿಂದ ತಮ್ಮ ಪ್ರತಿಸ್ಪರ್ಧಿ ಕಂಪನಿಗಳ ವಿರುದ್ಧದ ತಮ್ಮ ಪ್ರೋಗ್ರಾಂ ಬಿಂಗ್ ವಿಫಲವಾಗಿದೆ ಎಂದು ತಿಳಿಸಿದ್ದಾರೆ.
ವಾಷಿಂಗ್ಟನ್ ಡಿಸಿಯ ಕೋರ್ಟ್ರೂಮ್ನಲ್ಲಿ ಸರ್ಕಾರದ ಲ್ಯಾಂಡ್ಮಾರ್ಕ್ ಆಗಿರುವ ಆ್ಯಂಟಿಟ್ರಸ್ಟ್ ವಿಚಾರಣೆ ವೇಳೆ ಅವರು ಮಾತನಾಡಿದರು. 1990ರಲ್ಲಿ ಆರಂಭವಾದ ಮೈಕ್ರೋಸಾಫ್ಟ್ ಸರ್ಚ್ ಇಂಜಿನ್ ಹೊಸತನ ತಡೆಯಲು ಮತ್ತು ಗ್ರಾಹಕರ ವೆಚ್ಚ ಸ್ಪರ್ಧೆ ಭರಿಸಲು ಇಂಜಿನ್ ತನ್ನ ಪ್ರಾಬಲ್ಯ ದುರುಪಯೋಗ ಪಡಿಸಿಕೊಂಡಿದೆ ಎಂಬ ಆರೋಪ ಹಲವು ಬಾರಿ ಕೇಳಿ ಬಂದಿದೆ.
ಈ ಆರೋಪದ ಕುರಿತು ಮಾತನಾಡಿರುವ ನಾದೆಲ್ಲಾ, ಸ್ಮಾರ್ಟ್ಫೋನ್ ಮತ್ತು ಕಂಪ್ಯೂಟರ್ನಲ್ಲಿ ಡಿಫಾಲ್ಟ್ ಬ್ರೌಸರ್ ಒಪ್ಪಂದದಿಂದ ಗೂಗಲ್ ಪ್ರಾಬಲ್ಯ ಮೆರೆದಿದೆ. ಗೂಗಲ್ನೊಂದಿಗೆ ಸ್ಪರ್ಧೆ ಮಾಡುವ ಮಾರುಕಟ್ಟೆಯನ್ನು ಕೃತಕ ಬುದ್ದಿಮತ್ತೆ ಮತ್ತು ಅಮೆಜಾನ್ ಅಥವಾ ಸಾಮಾಜಿಕ ಮಾಧ್ಯಮಗಳು ಸಂಪೂರ್ಣವಾಗಿ ಬದಲಾಯಿಸಿದೆ ಎಂದರು.
ಸೆಲ್ ಫೋನ್ ಮತ್ತು ಕಂಪ್ಯೂಟರ್ನಲ್ಲಿ ಡಿಫಾಲ್ಟ್ ಬ್ರೌಸರ್ ಆಯ್ಕೆ ಬದಲಾಯಿಸಲು ಬಳಕೆದಾರರು ಮುಂದಾಗುವುದಿಲ್ಲ. ಅನೇಕ ಪರ್ಯಾಯ ಸರ್ಚ್ ಇಂಜಿನ್ ಇದೆ. ಆದರೆ, ಗೂಗಲ್ ಡಿಫಾಲ್ಟ್ ಆಗಿದೆ ಎಂದು ಸಮಾಜಾಯಿಷಿ ನೀಡಿದರು. ಗೂಗಲ್ ಡಿಫಾಲ್ಟ್ ಬ್ರೌಸರ್ ಆಗಿದ್ದರೂ, ಅನೇಕ ಬಿಂಗ್ ಬಳಕೆದಾರರು ಗೂಗಲ್ಗೆ ಮತ್ತೆ ಮರಳಿದ್ದಾರೆ. ತನ್ನ ಪ್ರತಿಸ್ಪರ್ಧಿ ಬಿಂಗ್ ತಡೆಯಲು ಮೈಕ್ರೋಸಾಫ್ಟ್ ತಪ್ಪು ಹೆಜ್ಜೆಯನ್ನು ಇಟ್ಟಿದೆ ಎಂದು ಜಾನ್ ಸ್ಕಿಮಿಡಲಿನ್ ಪ್ರಶ್ನಿಸಿದರು.