ಕೊರಿಯಾದಲ್ಲಿ ಹೊಸ ಮೆಟ್ರೋ ರೈಲು ಸೇವೆ : ಗರ್ಭಿಣಿಯರಿಗೆ ವಿಶೇಷ ಆಸನ, ವೈರ್​ಲೆಸ್​ ಚಾರ್ಜಿಂಗ್

ಮುಂದಿನ ತಿಂಗಳೊಳಗೆ ದಕ್ಷಿಣ ಕೊರಿಯಾದ ರಾಜಧಾನಿ ಸಿಯೋಲ್​​ನಲ್ಲಿ ಹೊಸ ಮೆಟ್ರೋ ರೈಲುಗಳು ಓಡಾಟ ಆರಂಭಿಸಲಿದ್ದು, ಗರ್ಭಿಣಿಯರಿಗೆ ವಿಶೇಷ ಆಸನ ವ್ಯವಸ್ಥೆ ಮಾಡಲಾಗಿದೆ..

ಸಿಯೋಲ್, ದಕ್ಷಿಣ ಕೊರಿಯಾ :ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಮುಂಚೂಣಿಯಲ್ಲಿರುವ ರಾಷ್ಟ್ರಗಳಲ್ಲಿ ದಕ್ಷಿಣ ಕೊರಿಯಾ ಕೂಡ ಒಂದು. ಹೊಸ ಮೆಟ್ರೋ ರೈಲುಗಳನ್ನು ಮುಂದಿನ ತಿಂಗಳಿಂದ ಅಲ್ಲಿನ ಸರ್ಕಾರ ಪರಿಚಯಿಸಲಿದೆ. ಈ ರೈಲುಗಳ ಮೂಲಕ ಜನರ ಮೇಲಿನ ಕಾಳಜಿಯನ್ನು ಅಲ್ಲಿನ ಸರ್ಕಾರ ಪ್ರದರ್ಶಿಸಿದೆ.

ಹೊಸ ರೈಲುಗಳಲ್ಲಿ ಗರ್ಭಿಣಿಯರಿಗಾಗಿಯೇ ಹೊಸ ವಿನ್ಯಾಸದಲ್ಲಿ ಆಸನ ವ್ಯವಸ್ಥೆ ಮಾಡಲಾಗಿದೆ. ಇದರ ಜೊತೆಗೆ ಮೊಬೈಲ್ ಚಾರ್ಜಿಂಗ್​ಗೆ ಪೋರ್ಟ್‌ಗಳನ್ನು ಕೂಡ ನೀಡಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಪ್ರಸ್ತುತ 5 ಮೆಟ್ರೋ ರೈಲುಗಳನ್ನು ಪರಿಚಯಿಸಲಾಗುತ್ತದೆ. ಈ ವರ್ಷದ ಅಂತ್ಯದ ವೇಳೆಗೆ 20ಕ್ಕೂ ಹೆಚ್ಚು ರೈಲುಗಳನ್ನು ಅನುಷ್ಠಾನಗೊಳಿಸಲಾಗುತ್ತದೆ ಎಂದು ಅಧಿಕಾರಿಗಳು ಹೇಳಿದ್ದಾರೆಂದು ಯೋನ್‌ಹಾಪ್ ನ್ಯೂಸ್ ಏಜೆನ್ಸಿ ಉಲ್ಲೇಖಿಸಿದೆ.

ಇದನ್ನೂ ಓದಿ:ಚೀನಾದ ಚಳಿಗಾಲದ ಒಲಿಂಪಿಕ್ ಕ್ರೀಡಾಕೂಟ 'ನರಮೇಧದ ಕ್ರೀಡಾಕೂಟ'

ಸಿಯೋಲ್​​ನಲ್ಲಿ ಸಂಚಾರ ಮಾಡಲಿರುವ ಈ ಮೆಟ್ರೋ ರೈಲುಗಳು ಕಡಿಮೆ ಗದ್ದಲವನ್ನು ಹೊಂದಿರುತ್ತವೆ. ಇದರ ಜೊತೆಗೆ ವೈಯರ್​ಲೆಸ್​ ಚಾರ್ಚಿಂಗ್ ವ್ಯವಸ್ಥೆ ಹೊಂದಿರುತ್ತವೆ. ಅಂದಹಾಗೆ, ಇದೇ ಮೊದಲ ಬಾರಿಗೆ ಮೆಟ್ರೋದಲ್ಲಿ ವೈಯರ್​ಲೆಸ್ ಚಾರ್ಜಿಂಗ್​ ವ್ಯವಸ್ಥೆಯನ್ನು ಪರಿಚಯಿಸಲಾಗುತ್ತಿದೆ.

ಒಂದು ಬೋಗಿಯಲ್ಲಿ ಒಟ್ಟು 2 ಚಾರ್ಜಿಂಗ್​​ಗಳನ್ನು ಹಾಕಲಾಗುತ್ತದೆ. ಅಂದ್ರೇ ಒಂದು ರೈಲು 4 ಬೋಗಿಗಳನ್ನು ಹೊಂದಿದ್ದು, 8 ಚಾರ್ಜಿಂಗ್ ವ್ಯವಸ್ಥೆಗಳಿರುತ್ತವೆ. ಅಂದಹಾಗೆ, 2014ರಲ್ಲಿ ಸಿಯೋಲ್​ನಲ್ಲಿ ರೈಲು ವ್ಯವಸ್ಥೆಗೆ ಬದಲಿಯಾಗಿ ಮೆಟ್ರೋ ಸೇವೆ ಅನುಷ್ಠಾನಗೊಳಿಸಲಾಗಿತ್ತು.