ETV Bharat / science-and-technology
ಮಾಸ್ಕೋ (ರಷ್ಯಾ):ಸುಮಾರು ಆರು ತಿಂಗಳ ಕಾಲ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ಕಳೆದಿದ್ದ ಮೂವರು ಗಗನಯಾತ್ರಿಗಳು ಗುರುವಾರ ಬೆಳಗ್ಗೆ ಭೂಮಿಗೆ ಯಶಸ್ವಿಯಾಗಿ ಹಿಂದಿರುಗಿದ್ದಾರೆ.
ನಾಸಾದ ಗಗನಯಾತ್ರಿಗಳಾದ ಕ್ರಿಸ್ ಕ್ಯಾಸ್ಸಿಡಿ, ರಷ್ಯಾದ ಬಾಹ್ಯಾಕಾಶ ಸಂಸ್ಥೆ ರೋಸ್ಕೋಸ್ಮೋಸ್ನ ಅನಾಟೊಲಿ ಇವಾನಿಶಿನ್, ಇವಾನ್ ವ್ಯಾಗ್ನರ್ ಯಶಸ್ವಿಯಾಗಿ ಭೂಮಿಗೆ ಬಂದಿಳಿದರು. ಬೆಳಗ್ಗೆ 7.54ಕ್ಕೆ ಕಜಕಿಸ್ತಾನದ ಡೆಜ್ಕಜ್ಗಾನ್ಗೆ ತಲುಪಿದ್ದು, ವೈದ್ಯಕೀಯ ಪರೀಕ್ಷೆಯ ನಂತರ ಅವರ ನಿವಾಸಗಳಿಗೆ ಕಳುಹಿಸಲಾಗುತ್ತದೆ.
ಕೊರೊನಾ ವೈರಸ್ ಹಿನ್ನೆಲೆಯಲ್ಲಿ ಹೆಚ್ಚುವರಿ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಲಾಗಿದ್ದು, ಸೋಂಕು ಪತ್ತೆ ಪರೀಕ್ಷೆಯನ್ನೂ ನಡೆಸಲಾಗಿದೆ. ಈ ಮೂವರೂ ಗಗನಯಾತ್ರಿಗಳು ಏಪ್ರಿಲ್ನಿಂದ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ಕಳೆದಿದ್ದರು.
ನಾಸಾ ಗಗನಯಾತ್ರಿಗಳಾದ ಕೇಟ್ ರುಬಿನ್ಸ್, ರಷ್ಯಾದ ಬಾಹ್ಯಾಕಾಶ ಸಂಸ್ಥೆ ರೋಸ್ಕೋಸ್ಮೋಸ್ನ ಸೆರ್ಗೆ ರಿಜಿಕೋವ್, ಹಾಗೂ ಸೆರ್ಗೆ ಕುಡ್ ಸ್ವೆರ್ಚ್ಕೋವ್ ಅವರು ಒಂದು ವಾರದ ಹಿಂದಷ್ಟೇ ಬಾಹ್ಯಾಕಾಶ ಕಕ್ಷೆಯಿಂದ 6 ತಿಂಗಳ ನಂತರ ಭೂಮಿಗೆ ಮರಳಿದ್ದಾರೆ.
