ಸ್ಯಾನ್ ಫ್ರಾನ್ಸಿಸ್ಕೋ : ಚಾಟ್ ಜಿಪಿಟಿ ತಯಾರಕ ಕಂಪನಿಯಾಗಿರುವ ಓಪನ್ ಎಐ ಈ ವರ್ಷ 1.3 ಬಿಲಿಯನ್ ಡಾಲರ್ ಆದಾಯ ಗಳಿಸಲಿದೆ ಎಂದು ಅದರ ಸಿಇಒ ಸ್ಯಾಮ್ ಆಲ್ಟ್ ಮ್ಯಾನ್ ಹೇಳಿದ್ದಾರೆ. ಮೈಕ್ರೋಸಾಫ್ಟ್ ಬೆಂಬಲಿತ ಎಐ ಕಂಪನಿ ತಿಂಗಳಿಗೆ 100 ಮಿಲಿಯನ್ ಡಾಲರ್ಗಿಂತ ಹೆಚ್ಚು ಆದಾಯ ಗಳಿಸುತ್ತಿದೆ, ಇದು ಈ ವರ್ಷದ ಆರಂಭಕ್ಕಿಂತ ಶೇಕಡಾ 30 ರಷ್ಟು ಹೆಚ್ಚಾಗಿದೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.
"ಓಪನ್ಎಐ ಈ ವರ್ಷದಲ್ಲಿ 1.3 ಬಿಲಿಯನ್ ಡಾಲರ್ ಆದಾಯ ಗಳಿಸುತ್ತಿದೆ" ಎಂದು ಸಿಇಒ ಸ್ಯಾಮ್ ಆಲ್ಟ್ ಮ್ಯಾನ್ ಈ ವಾರ ಸಿಬ್ಬಂದಿಗೆ ತಿಳಿಸಿದ್ದಾರೆ. 2022 ರಲ್ಲಿ, ಕಂಪನಿಯ ಆದಾಯ ಕೇವಲ $ 28 ಮಿಲಿಯನ್ ಆಗಿತ್ತು. ಕಳೆದ ಫೆಬ್ರವರಿಯಲ್ಲಿ ಓಪನ್ ಎಐ ತನ್ನ ಚಾಟ್ ಬಾಟ್ ಚಾಟ್ ಜಿಪಿಟಿಯ ಪೇಡ್ ವರ್ಷನ್ ಬಿಡುಗಡೆ ಮಾಡಿತ್ತು. ಸಂಭಾಷಣಾತ್ಮಕ ಚಾಟ್ಬಾಟ್ ಆಗಿರುವ ಚಾಟ್ ಜಿಪಿಟಿಯ ಚಂದಾದಾರಿಕೆಗಳಿಂದ ಸದ್ಯ ಕಂಪನಿಯ ಆದಾಯ ಬೆಳವಣಿಗೆಯ ದರ ಹೆಚ್ಚಾಗುತ್ತಿದೆ ಎಂದು ವರದಿಗಳು ಹೇಳಿವೆ.
ಓಪನ್ ಎಐನ ಜಿಪಿಟಿ ದೊಡ್ಡ ಭಾಷಾ ಮಾದರಿಗಳು (ಎಲ್ಎಲ್ಎಂ ಗಳು) ಈಗ ಮೈಕ್ರೋಸಾಫ್ಟ್ನ ಇತ್ತೀಚಿನ ಉತ್ಪನ್ನ ಪೋರ್ಟ್ಫೋಲಿಯೊಗಳ ಅವಿಭಾಜ್ಯ ಅಂಗವಾಗಿವೆ. ಮಾರುಕಟ್ಟೆ ವಿಶ್ಲೇಷಕ ಸಂಸ್ಥೆ ಆ್ಯಪ್ ಫಿಗರ್ಸ್ ಪ್ರಕಾರ, ಚಾಟ್ ಜಿಪಿಟಿ ಕಳೆದ ಎರಡು ತಿಂಗಳಲ್ಲಿ ಶೇಕಡಾ 30 ಕ್ಕಿಂತ ಹೆಚ್ಚು ಆದಾಯ ಬೆಳವಣಿಗೆಯನ್ನು ಕಂಡಿತ್ತು. ಆದರೆ ಈಗ ಆದಾಯವು ಬೆಳವಣಿಗೆ ದರ ಇಲ್ಲಿಯವರೆಗೆ ಅತ್ಯಂತ ಕಡಿಮೆಯಾಗಿದೆ, ಅಂದರೆ ಕೇವಲ 20 ಪ್ರತಿಶತ (ಸೆಪ್ಟೆಂಬರ್ 2023 ರ ವೇಳೆಗೆ) ದಷ್ಟಾಗಿದೆ.
ಇತ್ತೀಚಿನ ಆವೃತ್ತಿಯ ಚಾಟ್ ಜಿಪಿಟಿ + ಚಂದಾದಾರಿಕೆ ಪಡೆಯಲು ತಿಂಗಳಿಗೆ $ 19.99 ದರ ನಿಗದಿಪಡಿಸಲಾಗಿದೆ. ಚಂದಾದಾರಿಕೆಯು ವೇಗದ ಪ್ರತಿಕ್ರಿಯೆ ಸಮಯ, ಗರಿಷ್ಠ ಸಮಯದಲ್ಲಿ ಆದ್ಯತೆಯ ಪ್ರವೇಶ ಮತ್ತು ಹೊಸ ವೈಶಿಷ್ಟ್ಯಗಳನ್ನು ಬಳಸಲು ಅವಕಾಶ ನೀಡುತ್ತದೆ. ಸೆಪ್ಟೆಂಬರ್ನಲ್ಲಿ ಸುಮಾರು 15.6 ಮಿಲಿಯನ್ ಜನರು ಓಪನ್ಎಐನ ಚಾಟ್ ಜಿಪಿಟಿ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿದ್ದಾರೆ. ಆಲ್ಟ್ ಮ್ಯಾನ್ ನೇತೃತ್ವದ ಓಪನ್ ಎಐ ಅಸ್ತಿತ್ವದಲ್ಲಿರುವ ಷೇರುಗಳ ಮಾರಾಟದ ಮೂಲಕ 80-90 ಬಿಲಿಯನ್ ಡಾಲರ್ ಬಂಡವಾಳ ಸಂಗ್ರಹಿಸಲು ಮುಂದಾಗಿದೆ.
ಇದನ್ನೂ ಓದಿ :ಭಾರತದ ವೈಜ್ಞಾನಿಕ ಸಂಶೋಧನಾ ಕ್ಷೇತ್ರಕ್ಕೆ ಬೇಕಿದೆ ಕಾಯಕಲ್ಪ.. ಏಕೆ ಗೊತ್ತಾ?
