ಹಬಲ್ ದೂರದರ್ಶಕ ಕಾರ್ಯಕ್ಷಮತೆ ಹೆಚ್ಚಳ: ಸ್ಪೇಸ್‌ಎಕ್ಸ್ ಜೊತೆ ಒಪ್ಪಂದಕ್ಕೆ ಸಹಿ ಹಾಕಿದ ನಾಸಾ

ಹಬಲ್ ಬಾಹ್ಯಾಕಾಶ ದೂರದರ್ಶಕವನ್ನು ಸ್ಪೇಸ್‌ಎಕ್ಸ್ ಡ್ರ್ಯಾಗನ್ ಬಾಹ್ಯಾಕಾಶ ನೌಕೆಯೊಂದಿಗೆ ಉನ್ನತ ಕಕ್ಷೆಗೆ ಕಳುಹಿಸುವ ಜಂಟಿ ಕಾರ್ಯಕ್ರಮದ ಕಾರ್ಯಸಾಧ್ಯತೆಯನ್ನು ಅಧ್ಯಯನ ಮಾಡಲು ನಾಸಾ ಮತ್ತು ಎಲೋನ್ ಮಸ್ಕ್ ನಡೆಸುತ್ತಿರುವ ಸ್ಪೇಸ್‌ಎಕ್ಸ್ ಶುಕ್ರವಾರ ಒಪ್ಪಂದಕ್ಕೆ ಸಹಿ ಹಾಕಿವೆ.

ವಾಷಿಂಗ್ಟನ್: ಹಬಲ್ ಬಾಹ್ಯಾಕಾಶ ದೂರದರ್ಶಕವನ್ನು ಸ್ಪೇಸ್‌ಎಕ್ಸ್ ಡ್ರ್ಯಾಗನ್ ಬಾಹ್ಯಾಕಾಶ ನೌಕೆಯೊಂದಿಗೆ ಕಕ್ಷೆಗೆ ಕಳಿಸುವ ಜಂಟಿ ಕಾರ್ಯಕ್ರಮದ ಕಾರ್ಯಸಾಧ್ಯತೆ ಅಧ್ಯಯನ ಮಾಡಲು ನಾಸಾ ಮತ್ತು ಎಲೋನ್ ಮಸ್ಕ್ ನಡೆಸುತ್ತಿರುವ ಸ್ಪೇಸ್‌ಎಕ್ಸ್ ಶುಕ್ರವಾರ ಒಪ್ಪಂದಕ್ಕೆ ಸಹಿ ಹಾಕಿವೆ. ಇದಕ್ಕೆ ಸರ್ಕಾರದಿಂದ ಯಾವುದೇ ಹಣ ನೀಡಲಾಗುತ್ತಿಲ್ಲ. ಹಬಲ್ 1990 ರಿಂದ ಕಾರ್ಯನಿರ್ವಹಿಸುತ್ತಿದೆ. ಇದು ಭೂಮಿಯಿಂದ ಸುಮಾರು 540 ಕಿ.ಮೀ ದೂರದಲ್ಲಿದ್ದು, ಹಾಳಾಗುವ ಸ್ಥಿತಿಯಲ್ಲಿದೆ.

ಹಬಲ್ ಬಾಹ್ಯಾಕಾಶ ದೂರದರ್ಶಕ

NASA ಅನ್ವೇಷಣೆ:ಯುಎಸ್ ಬಾಹ್ಯಾಕಾಶ ಸಂಸ್ಥೆಯ ಪ್ರಕಾರ, ಹಬಲ್​ ಅನ್ನು ಉನ್ನತ, ಹೆಚ್ಚು ಸ್ಥಿರವಾದ ಕಕ್ಷೆಗೆ ಮರು ಬೂಸ್ಟ್ ಮಾಡುವುದರಿಂದ ಅದರ ಕಾರ್ಯಚಟುವಟಿಕೆ ಇನ್ನೂ ಸ್ವಲ್ಪ ದಿನ ಹೆಚ್ಚಾಗಲಿದೆ. ಪೋಲಾರಿಸ್ ಕಾರ್ಯಕ್ರಮದ ಸಹಭಾಗಿತ್ವದಲ್ಲಿ ಸ್ಪೇಸ್‌ಎಕ್ಸ್, ಸರ್ವಿಸಿಂಗ್ ಮಿಷನ್‌ಗಳಿಗೆ ಸಂಬಂಧಿಸಿದ ತಾಂತ್ರಿಕ ಸವಾಲುಗಳನ್ನು ಅರ್ಥಮಾಡಿಕೊಳ್ಳಲು ಅಧ್ಯಯನ ಮಾಡಲಾಗುತ್ತಿದೆ. ಈ ಅಧ್ಯಯನವನ್ನು ಖಾಸಗಿ-ಸಾರ್ವಜನಿಕ ಪಾಲುದಾರಿಕೆ ಮೂಲಕ NASA ಅನ್ವೇಷಿಸುತ್ತಿದೆ. ಈ ಬಗ್ಗೆ ವಾಷಿಂಗ್ಟನ್‌ನಲ್ಲಿರುವ NASA ಪ್ರಧಾನ ಕಚೇರಿಯಲ್ಲಿರುವ ವಿಜ್ಞಾನ ಮಿಷನ್ ನಿರ್ದೇಶನಾಲಯದ ಸಹಾಯಕ ನಿರ್ವಾಹಕ ಥಾಮಸ್ ಜುರ್ಬುಚೆನ್ ಹೇಳಿದ್ದಾರೆ.

ಕಕ್ಷೆಯಿಂದ ಹೊರಹಾಕಲು ನಾಸಾ ಯೋಜನೆ:ಹಬಲ್ ಮತ್ತು ಡ್ರ್ಯಾಗನ್ ಈ ಅಧ್ಯಯನಕ್ಕೆ ಪರೀಕ್ಷಾ ಮಾದರಿಗಳಾಗಿ ಕಾರ್ಯನಿರ್ವಹಿಸುತ್ತವೆ. ಹಬಲ್​ ಕಾರ್ಯನಿರ್ವಹಿಸುತ್ತಿರುವಾಗಲೇ ಅದನ್ನು, ಸುರಕ್ಷಿತವಾಗಿ ಕಕ್ಷೆಯಿಂದ ಹೊರಹಾಕಲು ಅಥವಾ ವಿಲೇವಾರಿ ಮಾಡಲು NASA ಯೋಚಿಸುತ್ತಿದೆ. ಸ್ಪೇಸ್‌ಎಕ್ಸ್ ಮತ್ತು ಪೋಲಾರಿಸ್ ಪ್ರೋಗ್ರಾಂ ಪ್ರಸ್ತುತ ತಂತ್ರಜ್ಞಾನದ ಗಡಿಯನ್ನು ವಿಸ್ತರಿಸಲು ಬಯಸುತ್ತಿವೆ.

ಕ್ರೂ 5 ಮಿಷನ್​ ಕಳುಹಿಸಲು ಚಿಂತನೆ:ಅಕ್ಟೋಬರ್ 5 ರಂದು NASA ಮತ್ತು SpaceX ಸಂಸ್ಥೆಗಳು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ (ISS) ಏಜೆನ್ಸಿಯ ಕ್ರ್ಯೂ- 5 ಮಿಷನ್‌ನ ಉಡಾವಣೆ ಮಾಡಲು ಸಿದ್ಧತೆ ಮಾಡಿಕೊಂಡಿವೆ. ಕ್ರೂ-5 ಮಿಷನ್​ NASA ಗಗನಯಾತ್ರಿಗಳಾದ ನಿಕೋಲ್ ಮನ್ ಮತ್ತು ಜೋಶ್ ಕಸಾಡಾ ಅವರನ್ನು ಹೊತ್ತೊಯ್ಯಲಿದೆ. ಅವರು ಕ್ರಮವಾಗಿ ಮಿಷನ್ ಕಮಾಂಡರ್ ಮತ್ತು ಪೈಲಟ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಜೊತೆಗೆ JAXA (ಜಪಾನ್ ಏರೋಸ್ಪೇಸ್ ಎಕ್ಸ್‌ಪ್ಲೋರೇಶನ್ ಏಜೆನ್ಸಿ) ಗಗನಯಾತ್ರಿ ಕೊಯಿಚಿ ವಕಾಟಾ ಮತ್ತು ರೋಸ್ಕೋಸ್ಮೊಸ್ ಗಗನಯಾತ್ರಿ ಅನ್ನಾ ಕಿಕಿನಾ ಅವರು ಸೇವೆ ಸಲ್ಲಿಸಲಿದ್ದಾರೆ.

ಇದನ್ನೂ ಓದಿ:ನಾಸಾದ ಚಂದ್ರನ ರಾಕೆಟ್​ಗೆ ಮತ್ತೊಂದು ವಿಘ್ನ: ನವೆಂಬರ್​ವರೆಗೆ ಉಡಾವಣೆ ಅಸಂಭವ

ಹಬಲ್​ ಸ್ಪೇಸ್​ ಟೆಲಿಸ್ಕೋಪ್​ ಅನೇಕ ಆಧುನಿಕ ತಂತ್ರಜ್ಞಾಜವನ್ನು ಒಳಗೊಂಡಿದೆ. ಅಲ್ಲದೇ ಬೃಹತ್​ ಬಾಹ್ಯಾಕಾಶ ದೂರದರ್ಶಕ ಯಂತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇದು ಕಳೆದ ಮೂರು ದಶಕಗಳಿಂದ ಬಾಹ್ಯಾಕಾಶ ಅಧ್ಯಯನದಲ್ಲಿ ನಿರತವಾಗಿದೆ. ಇದೀಗ ಇದರ ಕಾರ್ಯ ಸ್ಥಗಿತಗೊಳಿಸುವ ಕಾಲ ಹತ್ತಿರದಲ್ಲೇ ಇದೆ. ಹೆಚ್ಚು ಎಂದರೇ ಇದು ಒಂದು ದಶಕಗಳ ಕಾಲ ಕಾರ್ಯನಿರ್ವಹಿಸಬಹುದು ಎಂದು ನಾಸಾ ಲೆಕ್ಕಾಚಾರ ಹಾಕಿದೆ.

ಅಷ್ಟೇ ಅಲ್ಲದೆ ಈಗಾಗಲೇ ಇದಕ್ಕೆ ಹಲವು ಆಧುನಿಕ ಉಪಕರಣಗಳನ್ನು ಜೋಡಿಸಲಾಗಿದೆ. ಇನ್ನೇನು ಇದು ತನ್ನ ಕಾರ್ಯಾಚರಣೆಯನ್ನು ನಿಲ್ಲಿಸುವ ಸನ್ನಿಹಿತವಾಗಿದೆ. ಇದು ವಿಶ್ವದ ಅನೇಕ ರಹಸ್ಯಗಳನ್ನು ಬಯಲು ಮಾಡಿರುವ ಖ್ಯಾತಿಯನ್ನು ಹೊಂದಿದೆ.