ಇಸ್ರೋ ಮತ್ತು ನಾಸಾ ಜಂಟಿಯಾಗಿ ಅಭಿವೃದ್ಧಿ ಪಡಿಸಿರುವ ಭೂ ವೀಕ್ಷಣಾ ಯೋಜನೆ 'ನಿಸಾರ್' ಆಗಿದೆ. ಇದು ಭೂಮಿಯ ಅರಣ್ಯ ಪ್ರದೇಶ ಮತ್ತು ಜೌಗು ಪ್ರದೇಶದಲ್ಲಿ ಪರಿಸರ ವ್ಯವಸ್ಥೆಗಳ ಬದಲಾವಣೆ, ಜಾಗತಿಕವಾಗಿ ಇಂಗಾಲದ ಚಕ್ರ ಹವಾಮಾನ ಬದಲಾವಣೆಯ ಮೇಲೆ ಪ್ರಭಾವ ಸೇರಿದಂತೆ ಹಲವು ವಿಷಯಗಳ ಅಧ್ಯಯನಕ್ಕೆ ಸಂಶೋಧಕರಿಗೆ ಸಹಾಯ ಮಾಡುವ ಉದ್ದೇಶವನ್ನು ಹೊಂದಿದೆ.
ಈ ಯೋಜನೆಯ ಉಪಗ್ರಹ 2024ಕ್ಕೆ ಉಡಾವಣೆ ಆಗಲಿದ್ದು, ಭೂಮಿ ಮೇಲಿನ ನೈಸರ್ಗಿಕ ಅಪಾಯಗಳನ್ನು ಅರಿಯಲು ಬಳಕೆ ಮಾಡುವ ಉದ್ದೇಶವನ್ನು ಹೊಂದಿದೆ. ನಿಸಾರ್ ರಾಡರ್ ಉಪಗ್ರಹ ಯೋಜನೆ ಎರಡು ರೀತಿಯ ಪರಿಸರ ವ್ಯವಸ್ಥೆಗಳು ಅಂದರೆ ಅರಣ್ಯ ಮತ್ತು ಜೌಗು ಪ್ರದೇಶಗಳ ಕುರಿತು ಒಳನೋಟವನ್ನು ನೀಡುತ್ತದೆ. ಅಲ್ಲದೇ ಜಾಗತಿಕ ಹವಾಮಾನ ಬದಲಾವಣೆಗೆ ಕಾರಣವಾಗುವ ಹಸಿರು ಮನೆ ಅನಿಲಗಳನ್ನು ನಿಯಂತ್ರಿಸಲು ಪ್ರಮುಖವಾಗಿದೆ
ಹೇಗೆ ನಡೆಯಲಿದೆ ಇದರ ಕಾರ್ಯ:ನಿಸಾರ್ನ ಅತ್ಯಾಧುನಿಕ ರಾಡಾರ್ಗಳು ಎಲ್ಲ ಭೂ ಪ್ರದೇಶ ಮತ್ತು ಹಿಮದ ಮೇಲ್ಮೈಗಳನ್ನು 12 ದಿನಗಳಿಗೊಮ್ಮೆ ಎರಡು ಬಾರಿ ಸ್ಕ್ಯಾನ್ ಮಾಡುತ್ತದೆ. ಈ ವೇಳೆ, ಎರಡು ವಿಧವಾಗಿ ಸಂಗ್ರಹಿಸುವ ದತ್ತಾಂಶವನ್ನು ಸಂಶೋಧಕರಿಗೆ ನೀಡುತ್ತದೆ. ಈ ಮೂಲಕ ಪರಿಸರ ವ್ಯವಸ್ಥೆ ಅರ್ಥ ಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ವಿಜ್ಞಾನಿಗಳು ತಿಳಿಸುವಂತೆ ಇದು ಇಂಗಾಲದ ಚಕ್ರದ ಮೇಲಿನ ಪರಿಣಾಮವನ್ನು ಅಧ್ಯಯನ ಮಾಡಲು ಸಹಾಯ ಮಾಡುತ್ತದೆ.