ಟೈಪಿಂಗ್ ಕ್ರಾಂತಿಯನ್ನೇ ತಂದ Microsoft Wordಗೆ 40 ವರ್ಷ; ವರ್ಡ್​ನ ಮೊದಲ ಪ್ರೋಗ್ರಾಮರ್​ ಯಾರು ಗೊತ್ತೆ?

ನಾವೆಲ್ಲರೂ ಪ್ರತಿದಿನ ಬಳಸುವ ಎಂಎಸ್​ ವರ್ಡ್​ ಸಾಫ್ಟ್​ವೇರ್​ ತಯಾರಾಗಿ ಇಂದಿಗೆ 40 ವರ್ಷ ತುಂಬಿವೆ.

ನವದೆಹಲಿ:ಕಂಪ್ಯೂಟರ್​ಗಳಲ್ಲಿ ಅಕ್ಷರಗಳನ್ನು ಟೈಪಿಸಲು ನಾವೆಲ್ಲರೂ ಬಳಸುವ ಮೈಕ್ರೊಸಾಫ್ಟ್​ ವರ್ಡ್​ಗೆ ಇಂದಿಗೆ 40 ವರ್ಷ ತುಂಬಿವೆ. ಆರಂಭದಲ್ಲಿ 'ಮಲ್ಟಿ-ಟೂಲ್ ವರ್ಡ್' ಹೆಸರಿನಲ್ಲಿ ಬಿಡುಗಡೆಯಾಗಿ, ಜನ ಪಿಸಿ ಮತ್ತು ಲ್ಯಾಪ್​ಟಾಪ್​ಗಳಲ್ಲಿ ಟೈಪ್ ಮಾಡುವ ವಿಧಾನವನ್ನು ಬದಲಾಯಿಸಿದ ಮೈಕ್ರೋಸಾಫ್ಟ್ ವರ್ಡ್ ಬುಧವಾರ 40ನೇ ವರ್ಷಕ್ಕೆ ಕಾಲಿಟ್ಟಿದೆ. ಟೈಪಿಂಗ್ ಮಶೀನ್​​ಗಳ ಬದಲಾಗಿ ಕಂಪ್ಯೂಟರ್​ಗಳು ಕಚೇರಿಗಳಲ್ಲಿ ಕಾಣಿಸಿಕೊಂಡಾಗ ನಮಗೆ ಟೈಪ್ ಮಾಡಲು ಕಲಿಸಿಕೊಟ್ಟಿದ್ದೇ ಈ ಮೈಕ್ರೊಸಾಫ್ಟ್​ ವರ್ಡ್​.

ಮೈಕ್ರೊಸಾಫ್ಟ್ ವರ್ಡ್​ನ ಮೊದಲ ಆವೃತ್ತಿಯನ್ನು 1981ರಲ್ಲಿ ಮಾಜಿ ಜೆರಾಕ್ಸ್​ ಕಂಪನಿಯ ಪ್ರೋಗ್ರಾಮರ್​ಗಳಾದ ಚಾರ್ಲ್ಸ್ ಸಿಮೊನಿ ಮತ್ತು ರಿಚರ್ಡ್ ಬ್ರಾಡಿ ತಯಾರಿಸಿದ್ದರು. ಮೈಕ್ರೋಸಾಫ್ಟ್ ಸಹ - ಸಂಸ್ಥಾಪಕ ಬಿಲ್ ಗೇಟ್ಸ್ ಮತ್ತು ಪಾಲ್ ಅಲೆನ್ 1981 ರಲ್ಲಿ ಈ ಇಬ್ಬರು ಜೆರಾಕ್ಸ್​ ಉದ್ಯೋಗಿಗಳನ್ನು ಕರೆದು ತಮ್ಮ ಕಂಪನಿಯಲ್ಲಿ ನೇಮಿಸಿಕೊಂಡಿದ್ದರು.

ಮೊದಲ ವರ್ಡ್ ಆವೃತ್ತಿ ವರ್ಡ್ 1.0, ಅಕ್ಟೋಬರ್ 1983 ರಲ್ಲಿ ಕ್ಸೆನಿಕ್ಸ್ ಮತ್ತು ಎಂಎಸ್-ಡಾಸ್​ ಗಾಗಿ ಬಿಡುಗಡೆಯಾಯಿತು. ಸ್ವಲ್ಪ ಸುಧಾರಿತ ಇಂಟರ್​ಫೇಸ್​ನೊಂದಿಗೆ ಮೊದಲ ವಿಂಡೋಸ್ ಆವೃತ್ತಿಯನ್ನು 1989 ರಲ್ಲಿ ಬಿಡುಗಡೆ ಮಾಡಲಾಯಿತು. 1990 ರಲ್ಲಿ ವಿಂಡೋಸ್ 3.0 ಬಿಡುಗಡೆಯಾದಾಗ ಎಂಎಸ್​ ವರ್ಡ್ ದೊಡ್ಡ ಮಟ್ಟದ ವಾಣಿಜ್ಯ ಯಶಸ್ಸನ್ನು ಗಳಿಸಿತು.

ನಂತರ ಇದನ್ನು ವರ್ಡ್ 95 ಮತ್ತು ವರ್ಡ್ 97, ವರ್ಡ್ 2000 ಮತ್ತು ವರ್ಡ್ ಫಾರ್ ಆಫೀಸ್ ಎಕ್ಸ್ ಪಿ (ವಿಂಡೋಸ್ ಹೆಸರುಗಳನ್ನು ಅನುಸರಿಸಲು) ಎಂದು ಮರುನಾಮಕರಣ ಮಾಡಲಾಯಿತು. ವರ್ಡ್ 2003 ಬಿಡುಗಡೆಯೊಂದಿಗೆ ಆವೃತ್ತಿಗಳ ಸಂಖ್ಯೆಯು ಮತ್ತೆ ವರ್ಷ- ಆಧಾರಿತವಾಗಿತ್ತು. ಅಂದಿನಿಂದ Windows ಆವೃತ್ತಿಗಳಲ್ಲಿ Word 2007, Word 2010, Word 2013, Word 2016 ಮತ್ತು ತೀರಾ ಇತ್ತೀಚೆಗೆ Office 365 ಗಾಗಿ Word ಬಿಡುಗಡೆಯಾಗಿವೆ.

2014 ರಲ್ಲಿ ಆವೃತ್ತಿ 1.1 ಎ ಅನ್ನು ವಿಂಡೋಸ್​ಗಾಗಿ ವರ್ಡ್​ನ ಮೂಲ ಕೋಡ್ ಅನ್ನು ಕಂಪ್ಯೂಟರ್ ಇತಿಹಾಸ ವಸ್ತುಸಂಗ್ರಹಾಲಯ ಮತ್ತು ಸಾರ್ವಜನಿಕರಿಗೆ ಶೈಕ್ಷಣಿಕ ಉದ್ದೇಶಗಳಿಗಾಗಿ ಲಭ್ಯವಾಗುವಂತೆ ಮಾಡಲಾಯಿತು. ವರ್ಡ್ 2019 ಸ್ಕೇಲೆಬಲ್ ವೆಕ್ಟರ್ ಗ್ರಾಫಿಕ್ಸ್, ಮೈಕ್ರೋಸಾಫ್ಟ್ ಟ್ರಾನ್ಸ್​ಲೇಟರ್​ ಮತ್ತು LaTeX ಗಳನ್ನು ಸಪೋರ್ಟ್ ಮಾಡಲಾರಂಭಿಸಿತು. ಜೊತೆಗೆ ವಿಸ್ತೃತ ಡ್ರಾಯಿಂಗ್ ಕಾರ್ಯಕ್ಷಮತೆಯನ್ನು ಸೇರಿಸಿತು.

ಇತ್ತೀಚಿನ ದಿನಗಳಲ್ಲಿ ಮೈಕ್ರೋಸಾಫ್ಟ್ ವರ್ಡ್ ಮೈಕ್ರೋಸಾಫ್ಟ್ 365 ನಲ್ಲಿ ಅಳವಡಿಸಲ್ಪಟ್ಟಿದೆ. ಇದು ವಿವಿಧ Office ಅಪ್ಲಿಕೇಶನ್ ಗಳು ಮತ್ತು ಸೇವೆಗಳಿಗೆ ಕ್ಲೌಡ್-ಚಾಲಿತ ಚಂದಾದಾರಿಕೆಯಾಗಿದೆ.

ಇದನ್ನೂ ಓದಿ :ಅಕ್ಟೋಬರ್​ 29ರಂದು ಭಾಗಶಃ ಚಂದ್ರಗ್ರಹಣ; ಇಲ್ಲಿದೆ ಸಂಪೂರ್ಣ ಮಾಹಿತಿ