ನವದೆಹಲಿ: X670 ಸರಣಿಯ ಯಶಸ್ಸಿನ ನಂತರ ತೈವಾನ್‌ನ ಕಂಪ್ಯೂಟರ್ ಹಾರ್ಡ್‌ವೇರ್ ತಯಾರಕ ಕಂಪನಿ ಗಿಗಾಬೈಟ್ ಮಂಗಳವಾರ ಹೊಸ ಆವೃತ್ತಿಯ AMD B650 ಮದರ್‌ಬೋರ್ಡ್‌ಗಳನ್ನು ಬಿಡುಗಡೆ ಮಾಡಿದೆ. ಬಳಕೆದಾರರಿಗೆ ಗಮನಾರ್ಹ ವೈಶಿಷ್ಟ್ಯಗಳೊಂದಿಗೆ ಹೆಚ್ಚು ಸಮಂಜಸವಾದ ಆಯ್ಕೆಗಳನ್ನು ಒದಗಿಸುವ AORUS, AERO ಮತ್ತು ಗೇಮಿಂಗ್ ಸರಣಿಗಳನ್ನು ಈ ಹೊಸ ಸರಣಿಯು ಒಳಗೊಂಡಿದೆ.
GIGABYTE ಸೆಲೆಕ್ಟ್ B650 16+2+2 ಹಂತದ ಟ್ವಿನ್ ಡಿಜಿಟಲ್ ಪವರ್, 105Amps ಸ್ಮಾರ್ಟ್ ಪವರ್ ಸ್ಟೇಜ್ ಮತ್ತು AMD Ryzen 7000 ಸರಣಿಯ ಪ್ರೊಸೆಸರ್‌ಗಳಿಗೆ ಹೆಚ್ಚಿನ ಸ್ಥಿರತೆ ಮತ್ತು ಕಾರ್ಯಕ್ಷಮತೆ ಒದಗಿಸುವ 12-ಲೇಯರ್ PCB ಗಳನ್ನು ಒಳಗೊಂಡಿದೆ. GIGABYTE B650 ಮದರ್‌ಬೋರ್ಡ್‌ಗಳು PCIe ಮತ್ತು M.2 EZ-Latch ತಂತ್ರಜ್ಞಾನ ಹೊಂದಿವೆ.
ಆದರೆ, B650E ಮದರ್‌ಬೋರ್ಡ್‌ಗಳು M.2 SSD ಗಳ ತ್ವರಿತ ಮತ್ತು ಸ್ಕ್ರೂಲೆಸ್ ಡಿಟ್ಯಾಚ್‌ಗಾಗಿ ಸುಧಾರಿತ M.2 EZ-Latch Plus ಅನ್ನು ಒಳಗೊಂಡಿವೆ. PCIe EZ-Latch ತಂತ್ರಜ್ಞಾನವು ಸುಲಭವಾಗಿ ಬಳಸಬಹುದಾದ ವಿನ್ಯಾಸ ಹೊಂದಿದೆ. ಇದು ಇನ್ಸ್ಟಾಲ್ ಮಾಡಲಾದ VGA ಕಾರ್ಡ್‌ಗಳನ್ನು ಸುಲಭವಾಗಿ ಬೇರ್ಪಡಿಸಲು ಸಹಾಯ ಮಾಡುತ್ತದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ. ಸುಧಾರಿತ SMD ಸ್ಲಾಟ್‌ಗಳು ಬಲವರ್ಧಿತ ಸ್ಥಿರತೆ ಒದಗಿಸಲು shear resistance ಅನ್ನು 2.2 ಪಟ್ಟು ಹೆಚ್ಚಿಸುತ್ತವೆ.