ಭಾರತಕ್ಕೆ ಸೂಕ್ತ ಎಲೆಕ್ಟ್ರಿಕ್ ವಾಹನ ಬ್ಯಾಟರಿಗಳ ಅಭಿವೃದ್ಧಿ: CSE, DST ಸಹಕಾರ

ಸಿಎಸ್​ಇ ಮತ್ತು ಡಿಎಸ್​ಟಿ ಭಾರತೀಯ ಅವಶ್ಯಕತೆಗಳಿಗೆ ಅನುಗುಣವಾಗಿ ಹೊಸ ಎಲೆಕ್ಟ್ರಿಕ್ ವೆಹಿಕಲ್ (EV) ಬ್ಯಾಟರಿಗಳ ಅಭಿವೃದ್ಧಿ ಬೆಂಬಲಿಸುವ ವೇದಿಕೆ ರಚಿಸಲು ಸಹಕಾರ ನೀಡಲು ಮುಂದಾಗಿವೆ.

ನವದೆಹಲಿ: ವಿಜ್ಞಾನ ಮತ್ತು ಪರಿಸರ ಕೇಂದ್ರ (ಸಿಎಸ್‌ಇ) ಹಾಗೂ ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ (ಡಿಎಸ್‌ಟಿ) ಸಹಯೋಗದಲ್ಲಿ ಭಾರತೀಯ ಅವಶ್ಯಕತೆಗಳಿಗೆ ಅನುಗುಣವಾಗಿ ಹೊಸ ಎಲೆಕ್ಟ್ರಿಕ್ ವೆಹಿಕಲ್ (ಇವಿ) ಬ್ಯಾಟರಿಗಳ ಅಭಿವೃದ್ಧಿ ಬೆಂಬಲಿಸುವ ವೇದಿಕೆ ರಚಿಸಲು ಸಹಕಾರ ನೀಡಲಿವೆ.

ಭಾರತದಲ್ಲಿ ಹೊಸ ಬ್ಯಾಟರಿ ತಂತ್ರಜ್ಞಾನಗಳ ಅಭಿವೃದ್ಧಿಗಾಗಿ ಮಾರ್ಗಸೂಚಿಯಲ್ಲಿ ಶ್ವೇತಪತ್ರ ತಯಾರಿಸಲಾಗುವುದು. ಈ ಪ್ರಕ್ರಿಯೆಯನ್ನು ಬೆಂಬಲಿಸಲು ಪರಿಣಿತ - ಉದ್ಯಮ ವೇದಿಕೆ ಇದನ್ನು ಅನುಸರಿಸಲಿದೆ.

ಈ ಸಹಯೋಗದ ಉಪಕ್ರಮವನ್ನು ಇತ್ತೀಚೆಗೆ ಸ್ಥಳೀಯವಾಗಿ ಸೂಕ್ತವಾದ EV ಬ್ಯಾಟರಿಗಳ ರೌಂಡ್ ಟೇಬಲ್‌ನೊಂದಿಗೆ ಪ್ರಾರಂಭಿಸಲಾಗಿದೆ. ಅದು ಉಷ್ಣವಲಯ ಮತ್ತು ಬಿಸಿ ವಾತಾವರಣದಲ್ಲೂ ಸುರಕ್ಷಿತ, ಬಾಳಿಕೆ ಬರಲಿದೆ. ಪ್ರಮುಖ ಸಂಸ್ಥೆಗಳ ತಜ್ಞರು ಮತ್ತು ವಾಹನ ತಯಾರಕರು, ಬ್ಯಾಟರಿ ಉದ್ಯಮ, ನಿಯಂತ್ರಕ ಸಂಸ್ಥೆಗಳು, ಪರೀಕ್ಷಾ ಘಟಕಗಳು ಮತ್ತು ಬ್ಯಾಟರಿ ರಸಾಯನಶಾಸ್ತ್ರದ ಮೇಲೆ ಕೇಂದ್ರೀಕರಿಸಿದ ಸ್ವತಂತ್ರ ಪ್ರಯೋಗಾಲಯಗಳ ಪ್ರತಿನಿಧಿಗಳೊಂದಿಗೆ ನಡೆಸಲಾಗುವ ಸಮಾಲೋಚನೆಗಳ ಸರಣಿಯಲ್ಲಿ ಇದು ಮೊದಲನೆಯದ್ದಾಗಿದೆ.

ಇದನ್ನೂ ಓದಿ:RH200 ಸೌಂಡಿಂಗ್ ರಾಕೆಟ್ ಸತತ 200ನೇ ಬಾರಿ ಇಸ್ರೋದಿಂದ ಯಶಸ್ವಿ ಉಡಾವಣೆ

ಭಾರತವು EV ವಾಹನಗಳ ಬಳಕೆಗೆ ಪ್ರೋತ್ಸಾಹ ನೀಡುವ ಸಲುವಾಗಿ, FAME ಮತ್ತು ಉತ್ಪಾದನೆ - ಸಂಯೋಜಿತ ಯೋಜನೆಗಳನ್ನು ಜಾರಿಗೆ ತಂದಿದೆ. ಆದರೆ, ಇವುಗಳ ವೆಚ್ಚ, ಸುರಕ್ಷತೆ ಮತ್ತು ಚಾರ್ಜಿಂಗ್ ಮೂಲಸೌಕರ್ಯಗಳಿಗೆ ಸಂಬಂಧಿಸಿದಂತೆ ಸವಾಲುಗಳು ಇವೆ. ಆದರೂ ಇದರ ಉದ್ದೇಶ ದೇಶದಲ್ಲಿ ಝೀರೋ ಎಮಿಷನ್​​ ಹೊಂದುವುದಾಗಿದೆ ಎಂದು ಸಿಎಸ್‌ಇಯ ಕಾರ್ಯನಿರ್ವಾಹಕ ನಿರ್ದೇಶಕ - ಸಂಶೋಧನೆ ಮತ್ತು ವಕೀಲರಾದ ಅನುಮಿತಾ ರಾಯ್ ಚೌಧರಿ ಹೇಳುತ್ತಾರೆ.

CSEಯ ಕ್ಲೀನ್ ಏರ್ ಮತ್ತು ಸಸ್ಟೈನಬಲ್ ಮೊಬಿಲಿಟಿಯ ಹಿರಿಯ ಕಾರ್ಯಕ್ರಮ ನಿರ್ವಾಹಕರಾದ ಮೌಶುಮಿ ಮೊಹಾಂತಿ ಅವರ ಪ್ರಕಾರ, “DST ಮತ್ತು CSE ಯ ಈ ಜಂಟಿ ಉಪಕ್ರಮವು ಈ ಅಂತರವನ್ನು ಪರಿಹರಿಸಲು ಮತ್ತು ಸುರಕ್ಷಿತವಾದ ತಂತ್ರಜ್ಞಾನ ಪರಿಹಾರಗಳನ್ನು ನಿರ್ಣಯಿಸುವ, ಮೌಲ್ಯಮಾಪನ ಮಾಡುವ ಮತ್ತು ಗುರುತಿಸುವ ವೇದಿಕೆ ರಚಿಸುವ ಗುರಿ ಹೊಂದಿದೆ. ಸ್ಥಳೀಯವಾಗಿ ಸೂಕ್ತವಾದ ಪೂರೈಕೆ ಸರಪಳಿ ವ್ಯವಸ್ಥೆಗಳು ಮತ್ತು ವಿವಿಧ ವಾಹನ ಅನ್ವಯಗಳಿಗೆ ಕಸ್ಟಮೈಸ್ ಮಾಡಬಹುದಾಗಿದೆ.