ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಮುಂದಿನವಾರದಿಂದ ಲಭ್ಯವಾಗಲಿದೆ ಚಾಟ್​ಜಿಪಿಟಿ; ಒಪನ್​ ಎಐ

ಬಹುಖ್ಯಾತಿಯ ಎಐ ಚಾಟ್​ಬಾಟ್​ ಆಗಿರುವ ಚಾಟ್​ಜಿಪಿಟಿ ಮುಂದಿನವಾರದಿಂದ ಆ್ಯಂಡ್ರಾಯ್ಡ್​ ಬಳಕೆದಾರರಿಗೂ ಲಭ್ಯವಾಗಲಿದೆ

ಸ್ಯಾನ್​ ಫ್ರಾನ್ಸಿಸ್ಕೊ: ಸದ್ಯ ಚಾಟ್​ಜಿಪಿಟಿ ಎಲ್ಲಡೆ ಸದ್ದು ಮಾಡುತ್ತಿದ್ದು, ಇದೀಗ ಎಲ್ಲ ರೀತಿಯ ಮೊಬೈಲ್​ ಬಳಕೆದಾರರು ಇದರ ಸೇವೆ ಪಡೆಯಬಹುದಾಗಿದೆ. ಹೌದು. ಇಷ್ಟು ದಿನ ಆ್ಯಪಲ್​ ಬಳಕೆದಾರರಿಗೆ ಲಭ್ಯವಿದ್ದ ಚಾಟ್​ಜಿಪಿಟಿ ಇದೀಗ ಆ್ಯಂಡ್ರಾಯ್ಡ್​ ​ ಬಳಕೆದಾರರಿಗೂ ಲಭ್ಯವಾಗಲಿದೆ. ಈ ಸಂಬಂಧ ಒಪನ್​ಎಐನ ಸ್ಯಾಮ್​ ಆಲ್ಟಾಮನ್​ ತಿಳಿಸಿದ್ದು, ತಮ್ಮ ಬಹುಖ್ಯಾತಿಯ ಎಐ ಚಾಟ್​ಬಾಟ್​ ಆಗಿರುವ ಚಾಟ್​ಜಿಪಿಟಿ ಮುಂದಿನವಾರದಿಂದ ಆ್ಯಂಡ್ರಾಯ್ಡ್​ ಬಳಕೆದಾರರಿಗೂ ಲಭ್ಯವಾಗಲಿದೆ ಎಂದು ಮಾಹಿತಿ ನೀಡಿದ್ದಾರೆ.

ಐಫೋನ್​ಗಾಗಿ ಉಚಿತವಾಗಿ ಐಒಎಸ್​ ಚಾಟ್​ಬಾಟ್​ ತಂದ ಬೆನ್ನಲ್ಲೇ ಚಾಟ್​​​ಜಿಪಿಟಿ ಆ್ಯಂಡ್ರಾಯ್ಡ್​ ​ ಆ್ಯಪ್​ ತರಲು ಸಜ್ಜಾಗಿದ್ದು, ಈ ಸಂಬಂಧ ಘೋಷಿಸಿತು. ಆ್ಯಂಡ್ರಾಯ್ಡ್​​ಗೆ ಚಾಟ್​ಜಿಟಿಪಿಯನ್ನು ಮುಂದಿನವಾರದಿಂದ ಪರಿಚಯಿಸಲಾಗುವುದು. ಇದನ್ನು ಗೂಗಲ್​ ಪ್ಲೈ ಸ್ಟೋರ್​​​ನಿಂದ ಇಂದಿನಿಂದಲೇ ಪ್ರಿ ಆರ್ಡರ್​ ಮಾಡಬಹುದಾಗಿದೆ.

ಐಒಎಸ್​ಆ್ಯಪ್​ ಮಾದರಿಯಲ್ಲೇ ಆ್ಯಂಡ್ರಾಯ್ಡ್​​ಗೂ ಚಾಟ್​ಜಿಪಿಟಿ ಆ್ಯಪ್​ ಇರಲಿದೆ. ಬಳಕೆದಾರರು ತಮ್ಮ ಮಾತುಕತೆ ಮತ್ತು ಆದ್ಯತೆಯನ್ನು ತಮ್ಮ ಸಾಧನದಲ್ಲಿ ಸಿಂಕ್ರನೈಸ್​​ ಮಾಡಬಹುದಾಗಿದೆ. ಆ್ಯಂಡ್ರಾಯ್ಡ್​​ ಈ ಸೇವೆ ಅಮೆರಿಕದ ಬಳಕೆದಾರರಿಗೆ ಮೊದಲು ಲಭ್ಯವಾಗಲಿದ್ದು, ಬಳಿಕ ಇತರ ರಾಷ್ಟ್ರಗಳಿಗೆ ಸಿಗಲಿದೆ. ಆದರೆ ಈ ಕಂಪನಿಯ ಕುರಿತು ಇನ್ನು ಯಾವುದೇ ಯೋಜನೆ ಹೊರ ಬಂದಿಲ್ಲ. ಗೂಗಲ್​ ಪ್ಲೇಸ್ಟೋರ್​ನಲ್ಲಿ ಪ್ರೀ ರಿಜಿಸ್ಟರ್​ ಮಾಡಿಕೊಳ್ಳಲು ಒಬ್ಬರು ಇದಕ್ಕೆ ಸೈನ್​ ಇನ್​ ಆಗಬಹುದಾಗಿದೆ.

ಒಪನ್​ ಎಐನ ಚಾಟ್​​ ಜಿಪಿಟಿಗೆ ಕಸ್ಟಮೈಸ್ಡ್​​ ಸೂಚನೆ ಫೀಚರ್​ ಮೂಲಕ ಪರಿಚಯಿಸಲಾಗಿದೆ. ಇದು ಬಳಕೆದಾರರಿಗೆ ಕೃತಕ ಬುದ್ಧಿಮತ್ತೆ (ಎಐ)-ಚಾಟ್​​ಬಾಟ್​ ಭವಿಷ್ಯದ ಸಂಭಾಷಣೆಗೆ ಹಂಚಿಕೆಕೊಳ್ಳಬಹುದಾಗಿದೆ. ಕಸ್ಟಮ್​ ಸೂಚನೆ ಸದ್ಯ ಬೀಟಾದಲ್ಲಿ ಬಳಕೆದಾರರಿಗೆ ಲಭ್ಯವಿದೆ. ಇದನ್ನೂ ಶೀಘ್ರ ಬಳಕೆದಾರರಿಗೆ ನೀಡಲಾಗುವುದು ಎಂದು ಕಂಪನಿ ತಿಳಿಸಿದೆ.

ಬಳಕೆದಾರರು ತಮ್ಮ ಹೊಸ ಸಂಭಾಷಣೆಗಳನ್ನು ಯಾವುದೆ ಸಂದರ್ಭದಲ್ಲಿ ಕಸ್ಟಮ್​ ಸೂಚನೆಗಳನ್ನು ಎಡಿಟ್​ ಮತ್ತು ಡಿಲೀಟ್​ ಮಾಡಬಹುದಾಗಿದೆ. ಅದಕ್ಕಿಂತ ಹೆಚ್ಚಾಗಿ ಬಳಕೆದಾರರ ಸೂಚನೆಯನ್ನು ಶೇರ್ಡ್​​ ಲಿಂಕ್​ ವೀವರ್ಸ್​ನಲ್ಲಿ ಹಂಚಿಕೊಳ್ಳಬಹುದಾಗಿದೆ. ಕಳೆದ ತಿಂಗಳು ಒಪನ್​ ಎಐ ಐಒಎಸ್​​ ಚಾಟ್​ಜಿಪಿಟಿ ಅಪ್ಲಿಕೇಷನ್​ ಅನ್ನು ಅಪ್​ಡೇಟ್​ ಮಾಡಿತು. ಕೊತೆಗೆ ಬಿಂಗ್​ ಇಂಟಿಗ್ರೇಷನ್​ ಅನ್ನು ಪ್ಲಸ್​ ಪ್ಲಾನ್​ ಬಳಕೆದಾರರಿಗೆ ಸೇರಿಸಿತು. ಕಂಪನಿ ಇದೀಗ ಹಿಸ್ಟರಿ ಸರ್ಚ್​ ಅನ್ನು ಅಪ್ಡೇಡ್​​ ಜೊತೆ ಅಭಿವೃದ್ಧಿಪಡಿಸಿದೆ.

ಐಫೋನ್​ ಬಳಕೆದಾರರಿಗೆ ಈಗಾಗಲೇ ಲಭ್ಯ: ಸದ್ಯ ಚಾಟ್​ ಜಿಪಿಟಿ ಉಚಿತವಾಗಿ ಬಳಕೆಗೆ ಲಭ್ಯ ಇದೆ. ಏಪ್ರಿಲ್​ನಲ್ಲೇ ಇದನ್ನು ಆ್ಯಪಲ್​ ಬಳಕೆದಾರರಿಗೆ ರೋಲ್​ ಔಟ್​ ಮಾಡಲಾಗಿದೆ. ಇದು ಕೂಡ ವಿವಿಧ ಡಿವೈಸ್​ಗಳಾದ್ಯಂತ ಹಿಸ್ಟರಿಯನ್ನು ಸಿಂಕ್ ಮಾಡಲಿದೆ. ಇದರಲ್ಲಿ ನಮ್ಮ ಓಪನ್ ಸೋರ್ಸ್​ ಸ್ಪೀಚ್ ರಿಕಗ್ನಿಶನ್ ಸಿಸ್ಟಮ್ ಆಗಿರುವ ವಿಸ್ಪರ್ ಕೂಡ ಇರಲಿದ್ದು, ವಾಯ್ಸ್​ ಇನ್​ಪುಟ್​ಗೆ ಸಹಾಯವಾಗುತ್ತಿದೆ. ಚಾಟ್​ ಜಿಪಿಟಿ ಪ್ಲಸ್ ಚಂದಾದಾರರು ಜಿಪಿಟಿ-4ರ ಎಲ್ಲ ವೈಶಿಷ್ಟ್ಯಗಳನ್ನು ಐಒಎಸ್​​ ಬಳಕೆದಾರರು ಪಡೆಯುತ್ತಿದ್ದಾರೆ. ಕೃತಕ ಸಾಮಾನ್ಯ ಬುದ್ಧಿಮತ್ತೆಯು ಸಮಸ್ತ ಮಾನವ ಕುಲಕ್ಕೆ ಪ್ರಯೋಜನವನ್ನು ನೀಡುತ್ತದೆ ಎಂದು ಖಚಿತಪಡಿಸಿಕೊಳ್ಳುವುದು ಓಪನ್ ಎಐ ಉದ್ದೇಶವಾಗಿದೆ.

ಇದನ್ನೂ ಓದಿ: ಚಾಟ್‌ಜಿಪಿಟಿ ಬಳಕೆ ಮಾಡೋದು ಹೇಗೆ.. ಅದರ ಅತ್ಯುತ್ತಮ ಸಾಮರ್ಥ್ಯಗಳೇನು..?