ಸ್ಯಾನ್ ರಾಮನ್( ಅಮೆರಿಕ):ಮೊಬೈಲ್ ಯುಗದಲ್ಲಿ ಜನಪ್ರಿಯವಾಗಿರುವ ಆ್ಯಪಲ್ ಸಂಸ್ಥೆ ಇದೀಗ ತನ್ನ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಈ ಆವೃತ್ತಿಯು ಹಿಂದಿನ ಮಾಡೆಲ್ಗಳ ಕನ್ನಡಿಯಂತಿದ್ದು ಮಾರುಕಟ್ಟೆಯಲ್ಲಿ ಭಾರಿ ಸದ್ದು ಮಾಡಿದೆ.
ಈ ಹಿಂದೆ ಆ್ಯಪಲ್ ಸಂಸ್ಥೆಯು ಐಫೋನ್ 12ನ್ನು ಪರಿಚಯಿಸಿ ಯಶಸ್ವಿಯಾಗಿತ್ತು. ಈಗಲೂ ಈ ಮಾಡೆಲ್ ಸದ್ದು ಮಾಡುತ್ತಿದ್ದರೂ ಸಹ ಇದರ ಮಧ್ಯೆ ಐಫೋನ್ 13 ಸರಣಿಯನ್ನು ಬಿಡುಗಡೆ ಮಾಡಿದೆ. ಐಫೋನ್ 13 ಸರಣಿಯು ಸೆಪ್ಟೆಂಬರ್ 14ರಂದು ಅಧಿಕೃತವಾಗಿ ಬಿಡುಗಡೆಯಾಗಿದ್ದು, ಸೆ.24 ರಂದು ಮಾರುಕಟ್ಟೆಗೆ ಲಗ್ಗೆ ಇಡಲಿದೆ.
ಇನ್ನು ಐಫೋನ್ 13 ಸರಣಿ ಜೊತೆಗೆ ಆ್ಯಪಲ್ ಸಂಸ್ಥೆಯು ವಾಚ್ ಸಿರೀಸ್ 7 ಮತ್ತು ಏರ್‌ಪಾಡ್ಸ್ 3ಯನ್ನು ಸಹ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ ಎನ್ನಲಾಗಿದೆ. ಅಷ್ಟೇ ಅಲ್ಲದೆ, ಆ್ಯಪಲ್ ನೂತನ ಐಒಎಸ್ 15, ಮ್ಯಾಕ್‌ಒಎಸ್, ಐಪ್ಯಾಡ್ ಒಎಸ್, ವಾಚ್ ಒಎಸ್ ಕೂಡ ಬಳಕೆದಾರರಿಗೆ ಶೀಘ್ರದಲ್ಲೇ ದೊರೆಯಲಿದೆಯಂತೆ.
ಬಹುನಿರೀಕ್ಷಿತ ಆ್ಯಪಲ್ ಐಫೋನ್ 13 ಸರಣಿಯಲ್ಲಿ ಐಫೋನ್ 13, ಐಫೋನ್ 13 ಪ್ರೊ, ಐಫೋನ್ 13 ಪ್ರೊ ಮ್ಯಾಕ್ಸ್ ಮತ್ತು ಐಫೋನ್ 13 ಮಿನಿ ಸ್ಮಾರ್ಟ್‌ಫೋನ್‌ಗಳನ್ನು ಒಳಗೊಂಡಿರಲಿದೆ ಎಂದು ಹೇಳಲಾಗುತ್ತಿದೆ.