ಚೆನ್ನೈ: ಭಾರತೀಯ ಬಾಹ್ಯಾಕಾಶ ಸಂಸ್ಥೆ(ಇಸ್ರೋ) ಯುಕೆ ಮೂಲದ ನೆಟ್‌ವರ್ಕ್ ಆಕ್ಸೆಸ್ ಅಸೋಸಿಯೇಟೆಡ್ ಲಿಮಿಟೆಡ್‌ನ (ಒನ್‌ವೆಬ್) ಮುಂದಿನ 36 ಉಪಗ್ರಹಗಳ ಗುಂಪನ್ನು ಜನವರಿ 2023 ರಲ್ಲಿ ತನ್ನ ರಾಕೆಟ್ ಎಲ್‌ವಿಎಂ 3 ನ ನಿರ್ಣಾಯಕ ಕ್ರಯೋಜೆನಿಕ್ ಎಂಜಿನ್ ಅನ್ನು ಪರೀಕ್ಷಿಸುವ ಮೂಲಕ ಉಡಾವಣೆ ಮಾಡಲು ಸಜ್ಜಾಗಿದೆ.
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಪ್ರಕಾರ, ಮಹೇಂದ್ರಗಿರಿಯಲ್ಲಿರುವ ಇಸ್ರೋ ಪ್ರೊಪಲ್ಷನ್ ಕಾಂಪ್ಲೆಕ್ಸ್‌ನ ಹೈ ಆಲ್ಟಿಟ್ಯೂಡ್ ಪರೀಕ್ಷಾ ಸೌಲಭ್ಯದಲ್ಲಿ ಸಿಇ-20 ಎಂಜಿನ್‌ನ ಫ್ಲೈಟ್ ಅಸ್ಸೆಪ್ಟೆನ್ಸ್ ಹಾಟ್ ಟೆಸ್ಟ್ನ್ನು 25 ಸೆಕೆಂಡುಗಳ ಕಾಲ ಯಶಸ್ವಿಯಾಗಿ ನಡೆಸಲಾಯಿತು. ಮುಂದಿನ 36 ಸಂಖ್ಯೆಯ OneWeb India-1 ಉಪಗ್ರಹಗಳ ಉಡಾವಣೆಗಾಗಿ ಗುರುತಿಸಲಾದ LVM3-M3 ಮಿಷನ್‌ಗಾಗಿ ಈ ಎಂಜಿನ್ ಅನ್ನು ಮೀಸಲಿಡಲಾಗಿದೆ ಎಂದು ISRO ತಿಳಿಸಿದೆ.
LVM3 ವಾಹನದ (C25 ಹಂತ) ಕ್ರಯೋಜೆನಿಕ್ ಮೇಲಿನ ಹಂತವು ದ್ರವ ಆಮ್ಲಜನಕ ಮತ್ತು ದ್ರವ ಹೈಡ್ರೋಜನ್ (LOX-LH2) ಪ್ರೊಪೆಲ್ಲಂಟ್‌ಗಳ ಸಂಯೋಜನೆಯೊಂದಿಗೆ ಕಾರ್ಯನಿರ್ವಹಿಸುವ CE-20 ಎಂಜಿನ್‌ನಿಂದ ಚಾಲಿತವಾಗಿದೆ. ಈ ಎಂಜಿನ್ ನಿರ್ವಾತದಲ್ಲಿ 186.36 kN ನ ನಾಮಿನಲ್ ಒತ್ತಡವನ್ನು ಅಭಿವೃದ್ಧಿಪಡಿಸುತ್ತದೆ. ಫ್ಲೈಟ್ ಅಸ್ಸೆಪ್ಟೆಂನ್ಸ್ ಪರೀಕ್ಷೆಯ ಪ್ರಮುಖ ಉದ್ದೇಶಗಳು ಹಾರ್ಡ್‌ವೇರ್‌ನ ಸಮಗ್ರತೆಯನ್ನು ದೃಢೀಕರಿಸುವುದು, ಉಪವ್ಯವಸ್ಥೆಗಳ ಕಾರ್ಯಕ್ಷಮತೆಯ ಮೌಲ್ಯಮಾಪನ ಮತ್ತು ವಿಮಾನ ಕಾರ್ಯಾಚರಣೆಗೆ ಎಂಜಿನ್ ಟ್ಯೂನಿಂಗ್‌ಗಾಗಿ ಮಿಷನ್ ಅವಶ್ಯಕತೆಗಳ ಪ್ಯಾರಾಮೀಟರ್ಸ್ ಪೂರೈಸಲು ಎಂಜಿನ್ ಅನ್ನು ಟ್ಯೂನ್ ಮಾಡುವುದು.