ಆರೋಗ್ಯಕರ ಜೀವನ ಶೈಲಿ ಕ್ಯಾನ್ಸರ್ ಅಪಾಯ ತಪ್ಪಿಸುತ್ತದೆ: ಅಧ್ಯಯನ ವರದಿ

ಚೀನಾದ ನಾನ್ಜಿಂಗ್ ಮೆಡಿಕಲ್ ಯೂನಿವರ್ಸಿಸಿಟಿಯ ಸಂಶೋಧಕರ ತಂಡ ನಡೆಸಿದ ಅಧ್ಯಯನದಲ್ಲಿ ಪ್ರತಿ ವ್ಯಕ್ತಿಯಲ್ಲಿ ಕ್ಯಾನ್ಸರ್ ಅಪಾಯಗಳು ಹೇಗೆ ಇರುತ್ತದೆ ಎಂಬುವುದರ ಬಗ್ಗೆ ಮಾಹಿತಿ ಕಲೆ ಹಾಕಿದೆ.

ನವದೆಹಲಿ : ಆರೋಗ್ಯಕರ ಜೀವನ ಶೈಲಿಗಳಾದ ಮದ್ಯಪಾನ, ದೂಮಪಾನಗಳಿಂದ ದೂರ ಇರುವುದು, ವ್ಯಾಯಾಮ ಅಭ್ಯಾಸಗಳನ್ನು ಮಾಡುವುದು ಅನುವಂಶಿಕ ಸಮಸ್ಯೆಗಳು ಇದ್ದರೂ, ಕ್ಯಾನ್ಸರ್ ಅಪಾಯ ತಪ್ಪಿಸುತ್ತದೆ ಎಂದು ಅಧ್ಯಯನ ವರದಿ ತಿಳಿಸಿದೆ.

ನಾನ್ಜಿಂಗ್ ಮೆಡಿಕಲ್ ಯೂನಿರ್ವಸಿಟಿಯ ಪ್ರಾಧ್ಯಾಪಕ ಗುವಾಂಗ್ಫು ಜಿನ್ ಮತ್ತು ಸಹೋದ್ಯೋಗಿಗಳು ನಡೆಸಿದ ಅಧ್ಯಯನದಲ್ಲಿ ಈ ವಿಷಯ ತಿಳಿದು ಬಂದಿದೆ. ಕ್ಯಾನ್ಸರ್ ಕುರಿತ ಈ ಅಧ್ಯಯನ ವರದಿ ಜರ್ನಲ್ ಆಫ್ ದಿ ಅಮೆರಿಕನ್ ಅಸೋಶಿಯೇಷನ್ ಫಾರ್ ಕ್ಯಾನ್ಸರ್ ರಿಸರ್ಚ್​ನಲ್ಲಿ ಪ್ರಕಟಗೊಂಡಿದೆ.

ವ್ಯಕ್ತಿಯ ಕ್ಯಾನ್ಸರ್ ಅಪಾಯದ ವೈಯುಕ್ತಿಕ ಅಂದಾಜುಗಳು (Personalized estimates of an individual's cancer risk -PRS) ಎಂಬ ಹೆಸರಿನಲ್ಲಿ ಪ್ರತಿಯೊಬ್ಬ ವ್ಯಕ್ತಿಯ ದೇಹಕ್ಕೆ ಎದುರಾಗುವ ಕ್ಯಾನ್ಸರ್ ಅಪಾಯಗಳನ್ನು ಪ್ರತ್ಯೇಕವಾಗಿ ಅಧ್ಯಯನ ಮಾಡಲಾಗಿದೆ.

ಕ್ಯಾನ್ಸರ್​ನ ಅನುವಂಶಿಕ ಅಪಾಯವನ್ನು ಒಟ್ಟಾರೆಯಾಗಿ ಅಳೆಯಲು ನಾವು ಕ್ಯಾನ್ಸರ್ ಪಾಲಿಜೆನಿಕ್ ರಿಸ್ಕ್ ಸ್ಕೋರ್ (Cancer polygenic risk score CPRS) ರಚಿಸಿದ್ದೇವೆ ಎಂದು ಅಧ್ಯಯನ ತಂಡದ ಮುಖ್ಯಸ್ಥ ಜಿನ್ ಹೇಳಿದ್ದಾರೆ.

ಸಿಆರ್​ಪಿಎಸ್​ ಅನ್ನು ಲೆಕ್ಕ ಹಾಕಲು ಅಧ್ಯಯನ ತಂಡ ಯುಕೆ ಬಯೋ ಬ್ಯಾಂಕ್‌ನಿಂದ 20,2,842 ಪುರುಷರು ಮತ್ತು 23,9,659 ಮಹಿಳೆಯರ ಜೀನೋಟೈಪ್ ಮಾಹಿತಿಯನ್ನು ಬಳಸಿಕೊಂಡಿದೆ. ಈ ಮಾಹಿತಿಯನ್ನು 2006 ಮತ್ತು 2009 ರ ನಡುವೆ ಇಂಗ್ಲೆಂಡ್, ಸ್ಕಾಟ್ಲೆಂಡ್ ಮತ್ತು ವೇಲ್ಸ್‌ನ ಜನರಿಂದ ಸಂಗ್ರಹಿಸಲಾಗಿದೆ.

ಸಿಆರ್​ಪಿಎಸ್​ ಸ್ಕೋರ್​ನಲ್ಲಿ ಜಿನ್ ತಂಡ ಪ್ರತಿ ವ್ಯಕ್ತಿಗಳನ್ನು ಅವರ ಮೇಲೆ ಪರಿಣಾಮ ಬೀರುವ ಅಪಾಯಕಾರಿ ಪ್ರಮಾಣದ ಮೇಲೆ ವರ್ಗೀಕರಿಸಿದೆ. ಅವುಗಳಲ್ಲಿ ಪ್ರತಿಕೂಲ (Unfavorable) 0-1, ಮಧ್ಯಂತರ 2-3 ಮತ್ತು ಅನುಕೂಲಕರ 4-5 ಎಂದು ವಿಭಾಗ ಮಾಡಲಾಗಿದೆ.

ಒಟ್ಟಾರೆ ಅಧ್ಯಯನ, ಆರೋಗ್ಯಕರ ಜೀವನ ಶೈಲಿಯು ಕ್ಯಾನ್ಸರ್ ಅಪಾಯವನ್ನು ತಡೆಯುತ್ತದೆ ಎಂಬ ಮಾಹಿತಿಯನ್ನು ನೀಡಿದೆ.