ಸ್ಯಾನ್ ಡಿಯಾಗೋ: ಫಿನ್‌ಲ್ಯಾಂಡ್‌ನ ಹೆಲ್ಸಿಂಕಿಯ ಪ್ರದೇಶದಲ್ಲಿ ಎಲಿಸಾ, ನೋಕಿಯಾ ಹಾಗೂ ಕ್ವಾಲ್ಕಾಮ್ ವತಿಯಿಂದ 5ಜಿ ಇಂಟರ್ನೆಟ್ ವೇಗವನ್ನು ಪರೀಕ್ಷಿಸಲಾಗಿದ್ದು, ಬ್ಯಾಂಡ್ ಸಹಾಯದಿಂದ ಇಂಟರ್ನೆಟ್ ವೇಗದಲ್ಲಿ ದಾಖಲೆ ನಿರ್ಮಿಸಿದೆ.
5-ಜಿ ಹೈ-ಸ್ಪೀಡ್ ಇಂಟರ್ನೆಟ್ನಿಂದಾಗಿ ವಿಡಿಯೋ ಡೌನ್‌ಲೋಡ್‌ಗಳು ಅಥವಾ ವರ್ಚುವಲ್ ರಿಯಾಲಿಟಿ ಮತ್ತು ವರ್ಧಿತ ರಿಯಾಲಿಟಿ ಅಪ್ಲಿಕೇಶನ್‌ಗಳನ್ನು ಅತ್ಯಂತ ಸುಲಭವಾಗಿ ಪಡೆಯಬಹುದಾಗಿದೆ. ಈ ಸೇವೆಯನ್ನು 2021ರ ಹೊತ್ತಿಗೆ ಜಾರಿಗೆ ತರುವ ನಿರೀಕ್ಷೆಯಿದೆ ಎಂದು ನೋಕಿಯಾ ತಿಳಿಸಿದೆ.
ಎಲಿಸಾದ ಸಹಯೋಗದೊಂದಿಗೆ 5ಜಿ ನೆಟ್‌ವರ್ಕ್‌ನಲ್ಲಿ ನೋಕಿಯಾದ 5-ಜಿಎಂಎಂ ವೇವ್ ತಂತ್ರಜ್ಞಾನ ಮತ್ತು ಕ್ವಾಲ್ಕಾಮ್ ಟೆಕ್ನಾಲಜೀಸ್‌ನ 5-ಜಿ ಸ್ಮಾರ್ಟ್‌ಫೋನ್ ಫ್ಯಾಕ್ಟರ್ ಟೆಸ್ಟ್ ಸಾಧನಗಳನ್ನು ಬಳಸುವುದರ ಮೂಲಕ ಈ ಇಂಟರ್ನೆಟ್ ವೇಗವನ್ನು ಫಿನ್ಲ್ಯಾಂಡ್ನಲ್ಲಿ ಮೊದಲ ಬಾರಿಗೆ ಪರೀಕ್ಷಿಸಲಾಗಿದ್ದು, 5-ಜಿ ವೇಗದ ದಾಖಲೆಯನ್ನು ನಾವು ನಿರ್ಮಿಸಿದ್ದೇವೆ ಎಂದು ನೋಕಿಯಾ ಹೇಳಿದೆ.