YouTube ಟಿವಿ 4ಕೆ+: ಚಂದಾದಾರರಿಗೆ ವೈಫೈನಲ್ಲಿ Live TV ನೋಡುವ ಅವಕಾಶ!

ಯೂಟ್ಯೂಬ್ ಟಿವಿ ಹೊಸ ಆ್ಯಡ್​ ಆನ್​ ತಂತ್ರಜ್ಞಾನ ಪರಿಚಯಿಸುತ್ತಿದ್ದು, ಇದಕ್ಕೆ ತಿಂಗಳಿಗೆ 19.99 ಡಾಲರ್​ ಹೆಚ್ಚುವರಿ ವೆಚ್ಚವಾಗುತ್ತದೆ. ಆ್ಯಡ್​ ಆನ್ ಬಳಕೆದಾರರು ತಮ್ಮ ಫೋನ್ ಅಥವಾ ಟ್ಯಾಬ್ಲೆಟ್‌ನಲ್ಲಿ ಆಫ್‌ಲೈನ್​ನಲ್ಲಿ ವೀಕ್ಷಿಸಲು ರೆಕಾರ್ಡ್ ಮಾಡಿದ ಶೋಗಳನ್ನು ಡೌನ್‌ಲೋಡ್ ಮಾಡಲು ಅವಕಾಶ ಇರುತ್ತದೆ.

ಸ್ಯಾನ್ ಫ್ರಾನ್ಸಿಸ್ಕೋ: ಗೂಗಲ್ ಒಡೆತನದ ವಿಡಿಯೋ-ಸ್ಟ್ರೀಮಿಂಗ್ ದೈತ್ಯ ಯೂಟ್ಯೂಬ್ ಟಿವಿ ಹೊಸ ಆ್ಯಡ್​ ಆನ್​ ತಂತ್ರಜ್ಞಾನವನ್ನು ಪರಿಚಯಿಸುತ್ತಿದೆ. ಇದು 4ಕೆ ಗುಣಮಟ್ಟ, ಡೌನ್‌ಲೋಡ್‌ಗಳು ಮತ್ತು ಅನಿಯಮಿತ ಸ್ಟ್ರೀಮಿಂಗ್ ಅನ್ನು ಹೊಂದಿದ್ದು ಹೋಂ ನೆಟ್‌ವರ್ಕ್‌(ವೈ-ಫೈ)ನಲ್ಲಿ ಗೂಗಲ್ ಲೈವ್ ಟಿವಿ ನೋಡುವ ಸೇವೆಯನ್ನು ಪರಿಚಯಿಸುತ್ತದೆ.

4ಕೆ+ ಆ್ಯಡ್​ ಆನ್​ಗೆ ತಿಂಗಳಿಗೆ 19.99 ಡಾಲರ್​ ಹೆಚ್ಚುವರಿ ವೆಚ್ಚವಾಗುತ್ತದೆ. ವೀಕ್ಷಕರಿಗೆ ಮೊದಲ ಬಾರಿಗೆ ಯೂಟ್ಯೂಬ್ ಟಿವಿಯಲ್ಲಿ 4ಕೆ ತಂತ್ರಜ್ಞಾನವನ್ನು ಸ್ಟ್ರೀಮ್ ಮಾಡಲು ಅನುಮತಿಸುತ್ತದೆ. ಆ್ಯಪಲ್ ಟಿವಿ 4ಕೆ ನಂತಹ ಟಿವಿ ಮತ್ತು ಸ್ಟ್ರೀಮಿಂಗ್ ಸಾಧನವನ್ನು ಈಗಾಗಲೇ ಹೊಂದಿದೆ ಎನ್ನಲಾಗಿದೆ.

ಇದಲ್ಲದೇ, ಆ್ಯಡ್​ ಆನ್ ಬಳಕೆದಾರರು ತಮ್ಮ ಫೋನ್ ಅಥವಾ ಟ್ಯಾಬ್ಲೆಟ್‌ನಲ್ಲಿ ಆಫ್‌ಲೈನ್​ನಲ್ಲಿ ವೀಕ್ಷಿಸಲು ರೆಕಾರ್ಡ್ ಮಾಡಿದ ಶೋಗಳನ್ನು ಡೌನ್‌ಲೋಡ್ ಮಾಡಲು ಅವಕಾಶವಿರುತ್ತದೆ. ಇನ್ನು ಬಳಕೆದಾರರ ಮನೆಯ ವೈ-ಫೈ ನೆಟ್‌ವರ್ಕ್‌ನಲ್ಲಿ ಅನಿಯಮಿತ ಸ್ಟ್ರೀಮಿಂಗ್ ಅನ್ನು ನೋಡಬಹುದು. ಎಲ್ಲಾ ಯೂಟ್ಯೂಬ್ ಟಿವಿ ಬಳಕೆದಾರರಿಗಾಗಿ ಕಂಪನಿಯು ಡಾಲ್ಬಿ 5.1 ಆಡಿಯೊ ಸಾಮರ್ಥ್ಯಗಳನ್ನು ಸೇರಿಸುತ್ತಿದೆ.