ಕೊಡಗು: ದರೋಡೆಗೆ ಹೊಂಚು ಹಾಕಿದ್ದ 9 ಜನ ಅಂತಾರಾಜ್ಯ ಖದೀಮರ ಬಂಧನ

ದರೋಡೆಗೆ ಹೊಂಚು ಹಾಕಿದ್ದ 9 ಜನ ಅಂತಾರಾಜ್ಯ ದರೋಡೆಕೋರರನ್ನು ವಿರಾಜಪೇಟೆ ನಗರ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ವಿರಾಜಪೇಟೆ(ಕೊಡಗು): ದರೋಡೆಗೆ ಹೊಂಚು ಹಾಕಿದ್ದ 9 ಜನ ಅಂತಾರಾಜ್ಯ ದರೋಡೆಕೋರರನ್ನು ಬಂಧಿಸಿರುವ ಘಟನೆ ವಿರಾಜಪೇಟೆಯ ಲಕ್ಷ್ಮಿ ಹೋಟೆಲ್ ಬಳಿ ನಡೆದಿದೆ.

ವಿರಾಜಪೇಟೆ ನಗರ ಠಾಣೆಯ ಪೊಲೀಸರು ಖದೀಮರನ್ನು ಬಂಧಿಸಿದ್ದು, ಠಾಣೆಯ ಎಸ್.ಐ. ಬೋಜಪ್ಪ ಮತ್ತು ತಂಡ ಕೇರಳದ ಇಬ್ಬರು, ತಮಿಳುನಾಡಿನ ಒಬ್ಬ ಮತ್ತು ಬೆಂಗಳೂರಿನ 6 ಜನರನ್ನು ಬಂಧಿಸಿದ್ದಾರೆ. ರಾತ್ರಿ ಬೀಟ್​ನಲ್ಲಿದ್ದಾಗ ಅನುಮಾನಗೊಂಡು ಎರಡು ಕಾರುಗಳನ್ನು ಹಿಂಬಾಲಿಸಿ ಬಂಧಿಸಲಾಗಿದೆ.

ಕಾರುಗಳಲ್ಲಿ ದರೋಡೆಗೆ ಸಂಗ್ರಹಿಸಿಟ್ಟಿದ್ದ ಕತ್ತಿ, ತಲ್ವಾರ್​, ಸುತ್ತಿಗೆ, ಖಾರದಪುಡಿ ವಶಪಡಿಸಿಕೊಂಡಿದ್ದಾರೆ. ಅಲ್ಲದೆ ಬಂಧಿತರ ವಿರುದ್ಧ ಐಪಿಸಿ ಕಲಂ 399 ಮತ್ತು 402 ಅಡಿ ಪ್ರಕರಣ ದಾಖಲಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.